ອີງຈາກການລາຍງານຫຼ້າສຸດຂອງ Apple Worldwide Developers Conference (WWDC) 2024, ໄດ້ເປີດເຜີຍໃຫ້ເຫັນຄຸນສົມບັດໃໝ່ຂອງ Apple Pay ຄື “Tap to Cash” ລະບົບການໂອນເງິນແບບ contactless ທີ່ໃຊ້ງານງ່າຍໂດຍພຽງນຳເອົາ iPhone ຂອງທ່ານມາແຕະໃກ້ກັນ ໂດຍບໍ່ຕ້ອງໃຊ້ບັດ ຫຼື ເງິນສົດ.
ເຊິ່ງຫຼາຍຄົນເຫັນວ່າ ການມາຂອງລະບົບດັ່ງກ່າວອາດຈະເຮັດໃຫ້ຕະຫຼາດ crypto ສັ່ນສະເທືອນ. ເນື່ອງຈາກວ່າໃນປັດຈຸບັນຈະມີຄົນເຂົ້າເຖິງ crypto ຫຼາຍກວ່າ 6.8% ຂອງປະຊາກອນທົ່ວໂລກ, ແຕ່ນັ້ນຍັງເປັນຈຳນວນໜ້ອຍເມື່ອທຽບໃສ່ກັບຈຳນວນຜູ້ໃຊ້ອຸປະກອນ Apple.
ຢ່າງໃດກໍຕາມ, ຍັງມີປັດໄຈຫຼາຍຢ່າງທີ່ເຮັດໃຫ້ crypto ຍັງບໍ່ເປັນທີ່ນິຍົມຫຼາຍຄື:
- ກົດໝາຍຍັງບໍ່ຈະແຈ້ງເທື່ອ, ຫຼາຍປະເທດຍັງບໍ່ຮອງຮັບ. ນີ້ເຮັດໃຫ້ crypto ມີຄວາມສ່ຽງສູງ ແລະ ຜັນຜວນໄດ້ງ່າຍ.
- ການນໍາໃຊ້ທີ່ຫຍຸ້ງຍາກ ຜູ້ໃຊ້ຕ້ອງຈັດຫາ wallets ຂອງເຂົາເຈົ້າ, ກະແຈ ແລະ ເລືອກເຄືອຂ່າຍຕ່າງໆ.
- ເຕັກໂນໂລຊີຍັງມີຂໍ້ຈໍາກັດ. Blockchain ຍັງບໍ່ສາມາດຮອງຮັບຜູ້ໃຊ້ຈໍານວນຫຼາຍໄດ້.
ດັ່ງນັ້ນຈົນກວ່າອຸດສາຫະກໍາ blockchain ແລະ cryptocurrency ຈະສາມາດແກ້ໄຂບັນຫາເຫຼົ່ານີ້, ຜູ້ໃຊ້ອາດຈະເລືອກສິ່ງທີ່ສະດວກກວ່າເຊັ່ນ Apple’s Tap to Cash, ເຊິ່ງຖ້າຫາກປະໄວ້ດົນເກີນໄປ ຄວາມສໍາຄັນຂອງການໂອນເງິນ crypto ທີ່ໃຊ້ລະບົບ decentralize ອາດຈະຫຼຸດຄວາມສຳຄັນລົງໃນທີ່ສຸດເມື່ອທຸກຄົນເຄີຍຊິນກັບລະບົບໃໝ່ນີ້ແລ້ວ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
