ນອກຈາກຂີ້ເຫຍື້ອພາຍໃນໂລກທີ່ມີປະລິມານມະຫາສານແລ້ວ ໃນອະວະກາດກໍຍັງມີຂີ້ເຫຍື້ອຕ່າງໆທີ່ມາຈາກການປະຕິບັດພາລະກິດນອກໂລກ ເອີ້ນວ່າ: ຂີ້ເຫຍື້ອອະວະກາດ ແມ່ນສ່ວນປະກອບຂອງດາວທຽມ ຫຼື ຈະຫຼວດເກົ່າ, ເຊິ່ງຂີ້ເຫຍື້ອດັ່ງກ່າວ ຍາກທີ່ຈະກຳຈັດ ເພາະມັນຈະລອຍໄປຕາມແຮງດຶງດູດໃນອະວະກາດ ບໍ່ຕົກລົງມາໂລກໄດ້ງ່າຍໆ.
![](https://laox.la/wp-content/uploads/2021/03/image-395.png)
Astroscale ບໍລິສັດກຳຈັດເສດຊາກວົງໂຄຈອນໃນອະວະກາດ ທີ່ມີສຳນັກງານໃຫຍ່ຕັ້ງຢູ່ປະເທດຍີ່ປຸ່ນ ຈຶ່ງໄດ້ປ່ອຍຍານເກັບຂີ້ເຫຍື້ອອະວະກາດ ພ້ອມແມ່ເຫຼັກດູດຂີ້ເຫຍື້ອ ແລ້ວນຳລົງມາກຳຈັດຢູ່ໂລກ ເພື່ອຫວັງຈະແກ້ບັນຫາຂີ້ເຫຍື້ອດາວທຽມທີ່ຖືກປ່ອຍຂຶ້ນໄປ ແລະ ເປັນອັນຕະລາຍຕໍ່ອຸປະກອນອື່ນໆ.
![](https://laox.la/wp-content/uploads/2021/03/image-396.png)
ເທັກໂນໂລຢີນີ້ເອີ້ນວ່າ ELSA (End of life Service by Astroscale) ໂດຍໄດ້ປ່ອຍພາລະກິດຕົວຢ່າງໄປແລ້ວ ເມື່ອວັນທີ 23 ມີນາ 2021 ທີ່ຜ່ານມາ ທີ່ປະເທດຄາຊັກສະຖານ.
![](https://laox.la/wp-content/uploads/2021/03/image-397.png)
ຕົວຍານ ELSA-d ນີ້ ຖືກປ່ອຍຕົວພ້ອມດາວທຽມທີ່ຕິດຢູ່ກັບມັນ ເມື່ອລອຍຂຶ້ນສູ່ອະວະກາດແລ້ວ ມັນຈະແຍກຕົວອອກ ແລະ ເຮັດໜ້າທີ່ກວດຈັບຂີ້ເຫຍື້ອໃນອະວະກາດ ທົດລອງຈັບ ແລະ ດູດຂີ້ເຫຍື້ອກັບລົງມາກຳຈັດໃນຊັ້ນບັນຍາກາດຂອງໂລກ. ພາລະກິດດັ່ງກ່າວນີ້ຈະສິ້ນສຸດການສາທິດຕົວຢ່າງລົງໃນເດືອນຕຸລາ 2021 ນີ້.
![](https://laox.la/wp-content/uploads/2021/03/image-398.png)
![](https://laox.la/wp-content/uploads/2021/03/image-399.png)
![](https://laox.la/wp-content/uploads/2021/03/image-400.png)
![](https://laox.la/wp-content/uploads/2021/03/image-401.png)
![](https://laox.la/wp-content/uploads/2021/03/image-402.png)
ຂອບໃຈຂໍ້ມູນຈາກ: