Nokia ເປັນໜຶ່ງໃນບໍລິສັດໂຄງສ້າງພື້ນຖານດ້ານໂທລະຄົມທີ່ມີຊື່ສຽງທີ່ສຸດໃນໂລກ ໄດ້ອອກມາປະກາດວ່າ ພວກເຂົາກຳລັງກະກຽມທີ່ຈະເຂົ້າໄປໃນອຸດສາຫະກໍາ Metaverse, Web3, ແລະ AI, ເພື່ອວາງແຜນທີ່ຈະກາຍເປັນຜູ້ນໍາຕະຫຼາດພາຍໃນປີ 2030.
ອີງຕາມບົດລາຍງານກົນລະຍຸດດ້ານເຕັກໂນໂລຊີຂອງ Nokia 2030 ໄດ້ເປີດເຜີຍວ່າບໍລິສັດຈະສຸມໃສ່ການສ້າງໂຄງສ້າງເຄືອຂ່າຍໃນອະນາຄົດ. ເພື່ອຮອງຮັບຕະຫຼາດນະວັດຕະກໍາໃໝ່ທີ່ຈະເກີດຂຶ້ນ ແລະ ຄວາມຕ້ອງການສໍາລັບເຄືອຂ່າຍເຫຼົ່ານີ້ຄາດວ່າຈະເຕີບໂຕ 22%-25% ຈາກ 2022 ຫາ 2030.
Federico Guillén ປະທານຂອງ ຝ່າຍໂຄງສ້າງພື້ນຖານຂອງເຄືອຂ່າຍ Nokia ກ່າວວ່າການເພີ່ມຂຶ້ນດັ່ງກ່າວແມ່ນເຫັນໄດ້ຊັດເຈນໃນອຸປະກອນໃນປັດຈຸບັນເຊັ່ນ: Generative AI ແລະ virtual reality (VR).
ໂດຍທາງບໍລິສັດວາງແຜນທີ່ຈະລົງທຶນໃນອຸປະກອນ ແລະ ການບໍລິການເຄືອຂ່າຍຈຳນວນຫຼາຍໃນຫຼາຍປີຂ້າງໜ້າ. ເພື່ອທີ່ຈະເຮັດໃຫ້ Internet of Value ເປັນໜຶ່ງໃນຫົກລະບົບນິເວດທີ່ສໍາຄັນຂອງ Nokia, ລວມທັງການກະຈາຍອໍານາດ, blockchain ແລະ ສັນຍາສະຫຼາດ, ເຊິ່ງກົນລະຍຸດໃນຄັ້ງນີ້ ທາງບໍລິສັດຈະສຸມໃສ່ Metaverse ຂອງ Nokia ເພື່ອເພີ່ມຄວາມສາມາດຂອງມະນຸດ, ການປະມວນຜົນໃນເຊີງພື້ນທີ່ ແລະ ການປະມວນຜົນແບບແຍກສ່ວນໄດ້ດີຍິ່ງຂຶ້ນ.
ເຊິ່ງໃນປີ 2022, Nokia ກໍໄດ້ສ້າງຫ້ອງທົດລອງອີກ 2 ຫ້ອງເພື່ອສຶກສາ Metaverse ແລະ ເຕັກໂນໂລຊີທີ່ຮອງຮັບລະບົບນິເວດ. ລວມເຖິງໄດ້ທົດລອງກັບໂຄງການລິເລີ່ມ Metaverse ເພື່ອທີ່ຈະນໍາມັນໄປໃຊ້ກັບອຸດສາຫະກໍາ ແລະ ໂຄງການອື່ນໆໃນປີ 2023.
ນອກຈາກນີ້, ບໍລິສັດຍັງໄດ້ພັດທະນາສະຖາປັດຕະຍະກໍາເຄືອຂ່າຍໃນອະນາຄົດທີ່ມີຊື່ວ່າ “Digital Twin Network”, ເຊິ່ງແມ່ນສ້າງການຈໍາລອງຂອງວັດຖຸທາງດ້ານຮ່າງກາຍ. ທີ່ຈະເປັນປະໂຫຍດສໍາລັບການສ້າງຕົວແບບ ແລະ ການທົດສອບໃນອຸດສາຫະກຳການຜະລິດ, ການກໍ່ສ້າງ ຫຼື ອຸດສາຫະກໍາທີ່ຄ້າຍຄືກັນ.
ເຊິ່ງເຕັກໂນໂລຊີດັ່ງກ່າວຍັງໄດ້ຖືກນໍາມາປັບໃຊ້ກັບການຄຸ້ມຄອງພະນັກງານທີ່ເອີ້ນວ່າ “Metahumans”, ປ່ຽນລະບົບການຄຸ້ມຄອງພະນັກງານໃຫ້ຄ້າຍຄືກັບເກມວີດີໂອຫຼາຍກວ່າໂຄງການຜະລິດແບບດັ້ງເດີມ, ເຊິ່ງນີ້ຈະຊ່ວຍປັບປຸງປະສິດທິພາບຂອງການເຮັດວຽກໃຫ້ດີຍິ່ງຂຶ້ນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
