Nodal Power ບໍລິສັດເທັກໂນໂລຢີພະລັງງານໄດ້ລະດົມທຶນກວ່າ 13 ລ້ານໂດລາ ໂດຍມີຈຸດປະສົງໃນການປ່ຽນກ໊າສມີເທັນ (methane) ຈາກການເຜົາຂີ້ເຫຍື້ອໃຫ້ກາຍເປັນພະລັງງານໄຟຟ້າ ຫຼັງຈາກນັ້ນກໍຈະສົ່ງພະລັງງານໄຟຟ້າດັ່ງກ່າວໄປຫາຕາຂ່າຍໄຟຟ້າທ້ອງຖິ່ນເພື່ອນໍາໃຊ້ເປັນພະລັງງານທົດແທນ.
ຢ່າງໃດກໍຕາມ, ບໍລິສັດບໍ່ໄດ້ນຳເອົາພະລັງງານທີ່ໄດ້ຈາກການເຜົາຂີ້ເຫຍື້ອທັງໝົດໄປຂາຍ ໂດຍບາງສ່ວນຈະຖືກນຳໄປໃຊ້ເພື່ອຮັກສາຄວາມປອດໄພໃຫ້ກັບເຄືອຂ່າຍ Blockchain ຜ່ານການຂຸດ Bitcoin ດ້ວຍພະລັງງານສະອາດ.
ມີເທັນ (methane) ນັ້ນເປັນກ໊າສເຮືອນແກ້ວທີ່ສົ່ງຜົນກະທົບຕໍ່ໂລກ ເຊິ່ງເປັນຜົນມາຈາກການຍ່ອຍສະຫຼາຍຂອງສານອິນຊີໃນການເຜົາໄໝ້ຂີ້ເຫຍື້ອ ແລະ ມີສ່ວນເຮັດໃຫ້ໂລກຂອງເຮົາຮ້ອນຂຶ້ນ. ໂດຍທາງບໍລິສັດ Nodal Power ຈະດັກຈັບ ແລະ ນໍາເອົາກ໊າສດັ່ງກ່າວທີ່ຮົ່ວໄຫຼກັບມາໃຊ້ໃໝ່ດ້ວຍການເຜົາໄໝ້ກ໊າສມີເທັນໃນເຄື່ອງຜະລິດໄຟຟ້າເພື່ອເຮັດໃຫ້ກາຍເປັນພະລັງງານ. ນອກຈາກຈະຊ່ວຍລົດຜ່ອນກ໊າສພິດທີ່ຈະເຂົ້າສູ່ຊັ້ນບັນຍາກາດແລ້ວ ມັນຍັງສ້າງຜົນກຳໄລຈາກຊັບພະຍາກອນທີ່ສູນເສຍໄປພ້ອມກັບຮັກສາຊັ້ນບັນຍາກາດໃຫ້ສະອາດຂຶ້ນອີກດ້ວຍ.
ປັດຈຸບັນ, Nodal Power ກຳລັງດຳເນີນການສູນຂໍ້ມູນ Data Center ສອງແຫ່ງຢູ່ໃນສະຫະລັດ. ໂດຍມີແຜນການຈະສ້າງສູນແຫ່ງທີສາມຂຶ້ນໃນຕົ້ນປີ 2024, ເຊິ່ງສູນແຫ່ງທຳອິດ ແລະ ສູນໃຫຍ່ຈະຕັ້ງຢູ່ໃນພາກຕາເວັນຕົກສຽງໃຕ້ຂອງສະຫະລັດ, ໂດຍຈະສົ່ງອອກໄຟຟ້າໄປຫາການໄຟຟ້າທ້ອງຖິ່ນເປັນຫຼັກ. ໃນຂະນະທີ່ສູນທີສອງຈະຕັ້ງຢູ່ໃນເຂດ ພູ ພາກຕາເວັນຕົກ, ໂດຍຈະສົ່ງພະລັງງານໃຫ້ເຄື່ອງຂຸດ Bitcoin ກວ່າ 500 ເຄື່ອງທີ່ມີຄວາມສາມາດໃນການຜະລິດ 40 petaash ຕໍ່ວິນາທີ (PH / s).
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
