ນັກເຄື່ອນໄຫວ Narges Mohammadi ຜູ້ຕໍ່ສູ້ເພື່ອສິດທິແມ່ຍິງໃນປະເທດອີຣານ ຈົນຖືກລົງໂທດຈຳຄຸກດົນກວ່າ 30 ປີ ແລະ ຍັງຖືກຈອງຈຳຈົນຮອດຕອນນີ້ ໄດ້ຮັບເລືອກໃຫ້ເປັນເຈົ້າຂອງຮາງວັນໂນເບວສາຂາສັນຕິພາບ ປະຈຳປີ 2023.
ຄະນະກຳມະການພິຈາລະນາຮາງວັນໂນເບວໄດ້ອອກມາປະກາດໃຫ້ Narges Mohammadi ນັກເຄື່ອນໄຫວ ຜູ້ຕໍ່ສູ້ເພື່ອສິດທິແມ່ຍິງໃນປະເທດອີຣານ ໃຫ້ເປັນເຈົ້າຂອງຮາງວັນໂນເບວສາຂາສັນຕິພາບ ປະຈຳປີ 2023 ພ້ອມໄດ້ລະບຸວ່າ “ຮາງວັນນີ້ມອບເປັນກຽດໃຫ້ແກ່ Narges Mohammadi ສຳລັບການຄໍ່ສູ້ທີ່ກົດຂີ່ແມ່ຍິງໃນອີຣານ ແລະ ການຕໍ່ສູ້ເພື່ອສົ່ງເສີມສິດທິມະນຸດ ແລະ ເສລີພາບສຳລັບທຸກຄົນ ການຕໍ່ສູ້ເພື່ອອິດສະຫຼະພາບທີ່ບໍ່ຕົກຢູ່ພາຍໃຕ້ການກົດຂີ່”
ພ້ອມໄດ້ກ່າວວ່າ “ການຕໍ່ສູ້ຢ່າງກ້າຫານທີ່ຕ້ອງແລກມາກັບລາຄາຕົ້ນທຶນສ່ວນຕົວທີ່ຕ້ອງຈ່າຍຢ່າງມະຫາສານ” ໂດຍນາງ Narges Mohammadi ຖືກຈັບຫຼາຍກວ່າ 13 ຄັ້ງ ຖືກຕັດສິນວ່າມີຄວາມຜິດ 5 ຄັ້ງ ພ້ອມກັບໄດ້ຮັບໂທດຈຳຄຸກລວມທັງໝົດ 31 ປີ ແລະ ຖືກຕີອີກ 154 ເທື່ອ.
ຢ່າງໃດກໍຕາມເຖິງແມ່ນວ່າ Narges Mohammadi ຈະຖືກຈອງຈຳຢູ່ໃນຄຸກ (Evin Prison) ອັນແສນມືດມົນ ໃນນະຄອນເຕຫະຣານ ແຕ່ຄວາມມືຶດມົນນັ້ນກໍບໍ່ອາດມາບັງບົດ ແລະ ມາປິດກັ້ນສຽງອັນຊົງພະລັງຂອງນາງໄດ້ໃນຖານະຂອງນັກເຄື່ອນໄຫວດ້ານສິດທິມະນຸດໄດ້.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
