Mastercard ຜູ້ໃຫ້ບໍລິການຊໍາລະເງິນລະດັບໂລກ ໄດ້ປະກາດການເປີດຕົວ Generative AI ທີ່ພັດທະນາຂຶ້ນເອງ, ເພື່ອຊ່ວຍໃຫ້ທະນາຄານຮຸ້ນສ່ວນຫຼາຍພັນແຫ່ງທົ່ວໂລກສາມາດກວດຈັບ ແລະ ປ້ອງກັນການສໍ້ໂກງໃນການເຮັດທຸລະກໍາທີ່ໜ້າສົງໄສໃນເຄືອຂ່າຍແບບ real-time ໄດ້ຢ່າງວ່ອງໄວ ແລະ ຖືກຕ້ອງຫຼາຍຂຶ້ນເຖິງ 300%.
ໂດຍໂມເດວ AI ດັ່ງກ່າວມີຊື່ວ່າ Decision Intelligence Pro, ທີ່ນໍາໃຊ້ເຕັກໂນໂລຊີເຄືອຂ່າຍ Recurrent Neural Network ເຊິ່ງຖືກພັດທະນາຂຶ້ນໂດຍທີມຮັກສາຄວາມປອດໄພທາງດ້ານອິນເຕີເນັດ ແລະ ຝ່າຍປ້ອງກັນການສໍ້ໂກງຂອງ Mastercard ເອງ. ແຕ່ກໍມີບາງສ່ວນທີ່ຈຳເປັນຕ້ອງໄດ້ເພິ່ງ Open souce ຢູ່.
Algorithm ຂອງໂມເດວນີ້ແມ່ນໄດ້ຮັບການເຝິກອົບຮົມຫຼາຍກວ່າ 125 ຕື້ທຸລະກໍາໃນເຄືອຂ່າຍ Mastercard ໃນແຕ່ລະປີ ເພື່ອຮຽນຮູ້ຮູບແບບການໃຊ້ຈ່າຍຂອງຜູ້ຖືບັດ, ການວິເຄາະພຶດຕິກໍາ ແລະ ສາມາດຈໍາແນກໄດ້ຢ່າງຖືກຕ້ອງລະຫວ່າງການເຮັດທຸລະກໍາທີ່ແທ້ຈິງ ແລະ ປອມໂດຍການອີງໃສ່ປະຫວັດການໄປຢ້ຽມຢາມຮ້ານຂອງຜູ້ຖືບັດເພື່ອເບິ່ງວ່າຮ້ານທີ່ກ່ຽວຂ້ອງກັບການເຮັດທຸລະກໍາດັ່ງກ່າວ ແມ່ນສະຖານທີ່ທີ່ລູກຄ້າຊື້ໄປຊື້ແທ້ຫຼືບໍ່.
ຈຸດເດັ່ນຂອງ Decision Intelligence Pro:
- ວິເຄາະຂໍ້ມູນໃນການເຮັດທຸລະກຳຫຼາຍກວ່າ 1 ຕື້ທຸລະກໍາຕໍ່ມື້.
- ກວດຈັບຮູບແບບພຶດຕິກໍາການໃຊ້ຈ່າຍທີ່ຜິດປົກກະຕິ
- ຮຽນຮູ້ ແລະ ປັບຕົວໃຫ້ເຂົ້າກັບກົນລະຍຸດການສໍ້ໂກງຮູບແບບໃໝ່ຢູ່ສະເໝີ.
- ຊ່ວຍຫຼຸດຜ່ອນຄວາມສ່ຽງຈາກທຸລະກໍາການສໍ້ໂກງໄດ້ຢ່າງມີປະສິດທິພາບ.
ຜົນປະໂຫຍດທີ່ໄດ້ຮັບ:
- ທະນາຄານສາມາດອະນຸມັດທຸລະກໍາທີ່ຖືກຕ້ອງໄດ້ໄວຂຶ້ນ.
- ລູກຄ້າໄດ້ຮັບປະສົບການການຈ່າຍເງິນທີ່ລຽບງ່າຍ ແລະ ປອດໄພ.
- ປ້ອງກັນການສູນເສຍຈາກການສໍ້ໂກງໃນການເຮັດທຸລະກໍາ
ຕົວຢ່າງຂອງການໃຊ້ Decision Intelligence Pro:
- ກວດຈັບການເຮັດທຸລະກໍາຊື້ເຄື່ອງອອນລາຍໂດຍໃຊ້ບັດເຄຣດິດທີ່ຖືກລັກ.
- ປ້ອງກັນການໂອນເງິນເຂົ້າບັນຊີຜິດ
- ກໍານົດການເຮັດທຸລະກໍາທີ່ມີຄວາມສ່ຽງສູງເຊັ່ນ: ການຊື້ສິນຄ້າລາຄາແພງຢູ່ຕ່າງປະເທດ.
ການນຳເອົາ AI ເຂົ້າມາໃຊ້ງານຂອງ Mastercard ໄດ້ສະທ້ອນໃຫ້ເຫັນເຖິງຄວາມມຸ່ງໝັ້ນຂອງບໍລິສັດໃນການພັດທະນາເຕັກໂນໂລຊີທີ່ທັນສະໄໝ ເພື່ອປົກປ້ອງຄວາມປອດໄພຂອງຂໍ້ມູນການຊຳລະເງິນ ແລະ ສ້າງຄວາມໝັ້ນໃຈໃຫ້ກັບຜູ້ໃຊ້ບໍລິການ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
