Martin Scorsese ຜູ້ກໍາກັບສີມືລະດັບຕໍານານ ສາມາດສ້າງສະຖິຕິໃນຖານະຜູ້ກໍາກັບທີ່ຍັງມີຊີວິດຢູ່ ແລະ ໄດ້ຮັບການສະເໜີຊື່ເຂົ້າຊິງຮາງວັນ Oscars ສາຂາຜູ້ກໍາກັບດີເດັ່ນຫຼາຍຄັ້ງທີ່ສຸດ ເມື່ອໄດ້ຮັບການສະເໜີຊື່ເຂົ້າຊິງຮາງວັນນີ້ເປັນຄັ້ງທີ 10 ໃນຊີວິດຈາກຮູບເງົາ ‘Killers of the Flower Moon’.
ໂດຍ Martin Scorsese ສາມາດແຊງໜ້າພໍ່ມົດແຫ່ງວົງການ Hollywood ຢ່າງ Steven Spielberg ທີ່ເຄີຍເຂົ້າຊິງຮາງວັນສາຂານີ້ມາແລ້ວເຖິງ 9 ຄັ້ງ. ແຕ່ຢ່າງໃດກໍຕາມເຖິງແມ່ນວ່າຈະເຄີຍຖືກສະເໜີມາແລ້ວເຖິງ 10 ຄັ້ງ ແຕ່ກໍສາມາດຄວ້າມາໄດ້ພຽງຄັ້ງດຽວຈາກເລື່ອງ The Departed ມາລຸ້ນກັນວ່າຄັ້ງທີ 10 ວ່າຈະຄວ້າມາໄດ້ຫຼືບໍ່?.
ສ່ວນຜູ້ກຳກັບທີ່ຄອງສະຖິຕິເຂົ້າຊິງຮາງວັນ Oscars ສາຂາຜູ້ກໍາກັບດີເດັ່ນຫຼາຍຄັ້ງທີ່ສຸດ ກໍຄື William Wyler ທີ່ໄດ້ເສຍຊີວິດລົງແລ້ວ ໂດຍເຂົ້າຊິງທັງໝົດ 12 ຄັ້ງນັ້ນເອງ. ແນ່ນອນວ່າ Martin Scorsese ນັ້ນຢູ່ອັນດັບ 2 ໃນປີຫຼ້າສຸດ ເຖິງອາຍຸຈະ 81 ປີແລ້ວ ແຕ່ກໍຍັງບໍ່ມີແຜນທີ່ຈະກະສຽນຕົນເອງອອກຈາກງານກໍາກັບ ບາງເທື່ອເຮົາອາດຈະເຫັນປູ່ Martin Scorsese ທໍາລາຍສະຖິຕິ 12 ຄັ້ງນີ້ກໍເປັນໄປໄດ້.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/