Google Cloud ໄດ້ປະກາດການເພີ່ມ blockchain ຊັ້ນນຳກວ່າ 11 ຕົວເຂົ້າມາໃນລະບົບຂອງຕົນເພື່ອເພີ່ມຄວາມເຂັ້ມແຂງໃຫ້ກັບການບໍລິການຂໍ້ມູນສາທາລະນະຂອງໂປຣແກຣມ BigQuery ແລະ ໃນປັດຈຸບັນກຳລັງຢູ່ໃນລະຫວ່າງການທົດສອບການໃຊ້ງານ
ໂດຍເປົ້າໝາຍໃນການນຳເອົາ blockchains ເຂົ້າມາໃນລະບົບກໍເພື່ອເຮັດໃຫ້ພູມສັນຖານຂອງ cryptocurrency ມີຄວາມຄອບຄຸມຫຼາຍຂຶ້ນສຳລັບນັກພັດທະນາ, ຄູ່ຮ່ວມງານ ແລະ ບໍລິສັດວິເຄາະ Web3.
ສ່ວນຂະຫຍາຍນີ້ເປັນໄປຕາມຄວາມພະຍາຍາມເບື້ອງຕົ້ນຂອງ Google Cloud ທີ່ຕ້ອງການໃຫ້ຂໍ້ມູນ blockchain ເປັນປະຊາທິປະໄຕຜ່ານຊຸດຂໍ້ມູນສາທາລະນາຂອງ BigQuery ໃນປີ 2018 ແລະ ຍັງໄດ້ເພີ່ມ blockchain ອີກ 6 ອັນໃນປີ 2019.
BigQuery ແມ່ນ “ຄັງເກັບຂໍ້ມູນຂອງອົງກອນແບບບໍ່ມີເຊີບເວີ ແລະ ຍັງປະຢັດຕົ້ນທຶນ” ທີ່ຖືກອອກແບບມາສໍາລັບຜູ້ໃຊ້ທີ່ມີທັກສະໃນຂຽນ code ທີ່ຫຼາກຫຼາຍ.
ສຳລັບ blockchains 11 ແຫ່ງທີ່ເຂົ້າຮ່ວມໄດ້ແກ່:
- Avalanche
- Arbitrum
- Cronos
- Ethereum (Görli)
- Phantom (Opera)
- Near
- Optimism
- Polkadot
- Polygon Mainnet
- Polygon Mumbai
- Tron
Google Cloud ກ່າວວ່າ ທັງໝົດນີ້ເຮັດໄປກໍເພື່ອສົ່ງເສີມຄວາມເຂັ້ມແຂງຂອງອຸດສາຫະກໍາ blockchain ໂດຍການມອບຜົນໄດ້ຮັບທີ່ໄວຂຶ້ນ ແລະ ເຊື່ອຖືໄດ້ສຳລັບລູກຄ້າລະດັບອົງກອນຈົນໄປເຖິງລູກຄ້າທົ່ວໄປໃນ Web3.
“ໃນໄລຍະ 18 ເດືອນຜ່ານມາ ພວກເຮົາໄດ້ລົງທຶນໃນພາກສ່ວນນີ້ ແລະ ຍັງຄົງສືບຕໍ່ຈ້າງງານຢ່າງຕໍ່ເນື່ອງ. ພວກເຮົາໄດ້ມີການເຕີບໂຕຂຶ້ນ ບໍ່ພຽງແຕ່ກ່ຽວກັບການພັດທະນາທຸລະກິດ ແລະ ທີມງານການຕະຫຼາດຂອງພວກເຮົາ, ແຕ່ຍັງລວມເຖິງຄວາມສາມາດດ້ານຜະລິດຕະພັນ ແລະ ວິສະວະກໍາຂອງພວກເຮົາອີກດ້ວຍ”
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
