ກ່ອນໜ້ານີ້ໃນຕົ້ນປີ 2020, Google ໄດ້ມີນະໂຍບາຍທີ່ຈະລຶບບັນຊີ Gmail ທີ່ບໍ່ໄດ້ເຄື່ອນໄຫວມາເປັນເວລາດົນຢ່າງໜ້ອຍ 2 ປີ. ໂດຍບັນຊີດັ່ງກ່າວທີ່ຖືກລຶບຈະບໍ່ສາມາດເຂົ້າໃຊ້ງານໄດ້ອີກ ລວມເຖິງການກູ້ຄືນຂໍ້ມູນຕ່າງໆເຊັ່ນ: ປະຕິທິນ, Drive ແລະ ການບໍລິການເກັບຮັກສາໄຟລ໌ຮູບພາບ.
ທັງນີ້ Google ຈະເລີ່ມຕົ້ນນະໂຍບາຍດັ່ງກ່າວໃນເດືອນ ທັນວາ ປີ 2023 ຫຼື ອາດຈະໄວກວ່ານັ້ນ, ໂດຍທາງ Google ຈະສົ່ງການແຈ້ງເຕືອນໄປຫາອີເມວຫຼັກ ແລະ ອີເມວສຳຮອງເພື່ອແຈ້ງເຕືອນເຈົ້າຂອງບັນຊີກ່ອນທີ່ຈະລຶບບັນຊີອອກຖາວອນໃນເດືອນທັນວາ ປີ 2023.
![](https://laox.la/wp-content/uploads/2023/05/image-414.png)
ນະໂຍບາຍນີ້ຈະກວມເອົາພຽງແຕ່ບັນຊີຜູ້ໃຊ້ທົ່ວໄປເເບບສະໝັກຟຣີ. ໂດຍບັນຊີຢ່າງເປັນທາງການຮູບແບບທຸລະກິດ ເເລະ ສະຖານທີ່ສຶກສາຈະບໍ່ຖືກລຶບ.
ນີ້ແມ່ນວິທີງ່າຍໆທີ່ຈະເຮັດບັນຊີ Gmail ທີ່ບໍ່ມີການເຄື່ອນໄຫວມາເປັນເວລາ 2 ປີ ບໍ່ຖືກລຶບຖາວອນຄື:
- ເຂົ້າສູ່ລະບົບບັນຊີ Gmail ເປັນໄລຍະ.
- ໃຊ້ການບໍລິການຂອງ Google ເຊັ່ນ: Google Drive, YouTube, Google Play, Google Search Engine ແລະ Google Photo.
- ເຂົ້າສູ່ລະບົບການບໍລິການພາຍນອກ ຫຼື ແອັບພິເຄຊັນທີ່ເຊື່ອມຕໍ່ກັບບັນຊີ Google
![](https://laox.la/wp-content/uploads/2023/05/image-415.png)
ຢ່າງໃດກໍຕາມ, ການຕັດສິນໃຈທີ່ຈະລຶບບັນຊີ Google ທີ່ບໍ່ໄດ້ເຄື່ອນໄຫວມາເປັນເວລາດົນ ເເມ່ນການຕັດສິນໃຈພາຍໃຕ້ການຮັກສາຄວາມປອດໄພ. ເນື່ອງຈາກບັນຊີທີ່ບໍ່ເຄື່ອນໄຫວ ມັກມີລະຫັດຜ່ານເກົ່າ, ລະຫັດຜ່ານທີ່ຊ້ຳກັນ ເຊິ່ງມີຄວາມສ່ຽງຕໍ່ການໂຈມຕີທາງອິນເຕີເນັດ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/