“ອີກບໍ່ພໍເທົ່າໃດປີຕໍ່ໄປ ເຮົາຈະປ່ຽນຈາກການທີ່ຄົນເບິ່ງວ່າເຮົາເປັນບໍລິສັດ Social Media ໄປເປັນການສະແດງໃຫ້ເຫັນວ່າພວກເຮົາເປັນ Metaverse Company” ນັ້ນຄືຄຳກ່າວຂອງ Mark Zuckerberg, CEO ຂອງບໍລິສັດ Facebook ທີ່ໄດ້ກ່າວຂຶ້ນໃນເດືອນກໍລະກົດທີ່ຜ່ານມາ.
ເຊິ່ງຕໍ່ມາທາງ Facebook ກໍໄດ້ອອກມາລະບຸເຖິງແນວທາງການພັດທະນາ ແລະ ເປົ້າໝາຍຂອງບໍລິສັດ ທີ່ຈະຫັນເຂົ້າສູ່ຍຸກ Metaverse ພ້ອມທັງຈະປ່ຽນຊື່ບໍລິສັດພາຍໃນອາທິດໜ້າ.
ການຣີແບຣນໃນເທື່ອນີ້ກໍອາດຈະຍັງຄົງໄວ້ເຊິ່ງຄວາມເປັນ Facebook ແຕ່ອາດຈະຍ້າຍ Facebook ມາເປັນຜະລິດຕະພັນພາຍໃຕ້ບໍລິສັດແມ່ອີກເທື່ອໜຶ່ງ ເຊິ່ງກໍຮວມໄປເຖິງຜະລິດຕະພັນອື່ນໆເຊັ່ນ: Instagram, WhatsApp, Oculus ນຳ.
ໃນຄວາມເປັນຈິງແລ້ວການປ່ຽນຊື່ຂອງບໍລິສັດໃນເທື່ອນີ້ Mark Zuckerberg ໄດ້ຕັ້ງໃຈຈະປະກາດໃນການປະຊຸມປະຈຳປີຂອງບໍລິສັດໃນວັນທີ 28 ຕຸລາ ເຊິ່ງເຮົາອາດຈະໄດ້ຍິນຊື່ທີ່ຈະໃຊ້ແທ້ໆ ຖືກເປີດເຜີຍອອກມາກໍເປັນໄດ້ ແລະ ການປ່ຽນຊື່ໃນເທື່ອນີ້ກໍເປັນທີ່ໜ້າຈັບຕາເບິ່ງຂອງຜູ້ຄົນຈາກທົ່ວໂລກ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/