ຂີ້ເຫຍື້ອພລາສຕິກເອີ້ນໄດ້ວ່າເປັນໜຶ່ງໃນສາເຫດອັນດັບຕົ້ນໆ ທີ່ເຮັດໃຫ້ເກີດມົນລະພິດທາງສິ່ງແວດລ້ອມ ແລະ ທຸກມື້ນີ້ຂີ້ເຫຍື້ອພລາສຕິກທີ່ເປັນປະເພດຖົງ ແລະ ນ້ຳໜັກເບົາ ໄດ້ກາຍເປັນບັນຫາໃຫຍ່ທີ່ຄົນທົ່ວໂລກໃຫ້ຄວາມໃສ່ໃຈໃນການຊອກຫາວິທີການຮັບມື ແລະ ແກ້ໄຂ ເພາະມັນສາມາດກະຈາຍ ແລະ ແຊກຊ້ອນໄປຕາມພື້ນທີ່ຕ່າງໆ ເຮັດໃຫ້ເກີດຄວາມເສຍຫາຍຕໍ່ສິ່ງແວດລ້ອມ ແລະ ລະບົບນິເວດ.
ເນື່ອງຈາກຄວາມຕ້ອງການໃນການກຳຈັດ ແລະ ເຮັດໃຫ້ບັນດາພລາສຕິກປະເພດອ່ອນສາມາດຣີໄຊເຄິນໄດ້ງ່າຍຂຶ້ນ ທາງ One Clear Drop ບໍລິສັດຈາກເທັກຊັສ ສະຫະລັດອາເມຣິກາ ໄດ້ຜະລິດເຄື່ອງບີບອັດພລາສຕິກປະເພດອ່ອນທີ່ມີຊື່ວ່າ Clear Drop Soft Plastic Compressor ໂດຍຄວາມສາມາດຂອງມັນກໍຄື ບີບອັດພລາສຕິກອ່ອນໃຫ້ເປັນກ້ອນທີ່ສາມາດນຳໄປຣີໄຊເຄິນຕໍ່ໄດ້ງາຍ ແລະ ທີ່ສຳຄັນຂົນຍ້າຍສະດວກ.
Clear Drop SPC (Soft Plastic Compressor) ນັ້ນເປັນເຄື່ອງມືໃຊ້ໃນຄົວເຮືອນ ໂດຍວິທີການໃຊ້ກໍແສນງ່າຍດາຍພຽງເຮົານຳຖົງພລາສຕິກໄປໃສ່ໃນຊ່ອງດ້ານເທິງຂອງຕົວເຄື່ອງເພື່ອຈັດເກັບໄວ້ຈົນກວ່າຈະເຕັມ ຈາກນັ້ນໜ່ວຍງານຂອງລະບົບເຄື່ອງ Clear Drop SPC ຈະສົ່ງຄວາມຮ້ອນໃສ່ພລາສຕິກໃຫ້ພວກມົນຫົດຕົວລົງ ຈາກນັ້ນກໍບີບອັດແໜ້ນໃຫ້ມັນກາຍເປັນກ້ອນ ທີ່ສາມາດນຳໄປຣີໄຊເຄິນຕໍ່ໄດ້ ແລະ ຂົນຍ້າຍສະດວກ. ພ້ອມນັ້ນທາງບໍລິສັດກ່າວວ່າ Clear Drop SPC ຈະບໍ່ປ່ອຍຄວັນພິດສູງກວ່າລະດັບທີ່ກົດໝາຍ ແລະ ມາດຕະຖານດ້ານສຸຂະພາບອະນຸຍາດ ໃນຂະນະທີ່ພລາສຕິກກຳລັງຫຼອມລະລາຍ.
ສາມາດຮັບຊົມຂັ້ນຕອນການໃຊ້ງານຂອງ Clear Drop SPC ໄດ້ທີ່: https://bit.ly/3IkcAXw
ອຸປະກອນນີ້ເໝາະກັບພື້ນທີ່ທີ່ມີການໃຊ້ຖົງພລາສຕິກແບບໃຊ້ຄັ້ງດຽວຖິ້ມຈຳນວນຫຼາຍ ພ້ອມຍັງເໝາະກັບສະຖານທີ່ຜູ້ຮັບຂີ້ເຫຍື້ອ ແລະ ສູນການຈັດການຂີ້ເຫຍື້ອ ເພື່ອສົ່ງຕໍ່ສູ່ການນຳກັບມາໃຊ້ໃໝ່ ແລະ ອາດຈະຊ່ວຍລົດບັນຫາຂີ້ເຫຍື້ອພລາສຕິກຕົກຄ້າງໃນສິ່ງແວດລ້ອມອີກດ້ວຍ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
