CATL ຜູ້ຜະລິດແບດເຕີຣີລາຍໃຫຍ່ທີ່ສຸດຂອງໂລກ ປະກາດຮ່ວມມືກັບ Tesla ຍັກໃຫຍ່ດ້ານລົດໄຟຟ້າ ໂດຍສຸມໃສ່ການພັດທະນາເຕັກໂນໂລຊີແບັດເຕີຣີທີ່ສາກໄວ ເພື່ອຫຼຸດຜ່ອນຄ່າໃຊ້ຈ່າຍໃນການຜະລິດ ແລະ ສະໜັບສະໜູນການຜະລິດລົດໄຟຟ້າທີ່ມີລາຄາຕ່ຳກວ່າ 25,000 ໂດລາ.
Robin Zeng ປະທານກຳມະການຂອງ CATL ກ່າວວ່າບໍລິສັດກໍາລັງເຮັດວຽກຮ່ວມກັບ Tesla ຢ່າງໃກ້ຊິດ, ໂດຍສຸມໃສ່ການພັດທະນາໂຄງສ້າງທາງເຄມີໄຟຟ້າແບບໃໝ່ສໍາລັບແບັດເຕີຣີເພື່ອຊ່ວຍຮອງຮັບການສາກໄຟທີ່ໄວຂຶ້ນ.
ນອກຈາກນີ້, CATL ຍັງໃຫ້ການສະໜັບສະໜູນເຄື່ອງຈັກແກ່ໂຮງງານ Tesla ໃນລັດ Nevada ແລະ ວາງແຜນທີ່ຈະຂະຫຍາຍການຮ່ວມມືຂອງຕົນ ໂດຍການໃຫ້ສິດທິການຜະລິດແບັດເຕີຣີແກ່ Ford Motor Co. ໂດຍຜ່ານການເຝິກອົບຮົມຈາກວິສະວະກອນຂອງ Ford.
CATL ໝັ້ນໃຈໃນໂມເດວການອອກໃບອະນຸຍາດການຜະລິດແບັດເຕີຣີ ແລ ະການບໍລິການຫຼັງການຂາຍ. ໂດຍວາງແຜນທີ່ຈະຂະຫຍາຍໂມເດວນີ້ໄປສູ່ຜູ້ຜະລິດລົດໄຟຟ້າອີກ 10-20 ແຫ່ງໃນສະຫະລັດ ແລະ ຢູໂຣບ.
ສຳລັບໂຮງງານຜະລິດແບດເຕີຣີລະຫວ່າງ Ford-CATL ຄາດວ່າຈະເລີ່ມການຜະລິດພາຍໃນທ້າຍປີ 2026, ໂດຍກໍາລັງການຜະລິດທີ່ວາງແຜນຫຼຸດລົງເຫຼືອ 20 GWh ຈາກ 35 GWh.
ການເຄື່ອນໄຫວຂອງ 2 ບໍລິສັດທີ່ໄດ້ຮ່ວມມືກັນໃນຄັ້ງນີ້ຍັງຊີ້ໃຫ້ເຫັນເຖິງ ຄວາມສໍາຄັນຂອງຄວາມໄວ້ວາງໃຈລະຫວ່າງບໍລິສັດຕ່າງປະເທດ. ໂດຍສະເພາະໃນອຸດສາຫະກໍາທີ່ມີຄວາມສັບສົນທາງດ້ານພູມສາດທາງດ້ານການເມືອງ. ການຮ່ວມມືລະຫວ່າງ CATL ແລະ Tesla ຍັງສະທ້ອນໃຫ້ເຫັນ ພັດທະນາເຕັກໂນໂລຊີແບັດເຕີຣີທີ່ມີການສາກໄວ, ລາຄາຕໍ່າເພື່ອສະໜັບສະໜູນການເຕີບໂຕຂອງຕະຫຼາດລົດໄຟຟ້າ ແລະ ຄວາມທ້າທາຍດ້ານຄວາມສຳພັນລະຫວ່າງປະເທດໃນຫ່ວງໂສ້ອຸປະທານຂອງອຸດສາຫະກຳນີ້.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/