ບັນຫາທີ່ສາວຜົມຍາວຕ້ອງປະສົບເປັນປະຈຳເວລາຕື່ນນອນຕອນເຊົ້ານັ້ນກໍຄື ຜົມຊີ້ຟູພັນກັນ. ສະນັ້ນ, ອີກໜຶ່ງວິທີທີ່ຢາກແນະນຳກໍຄື: ການມັດຜົມແບບບໍ່ເຄັ່ງຕຶງ (ຫຼົມໆ) ກ່ອນນອນ.
ມື້ນີ້, ແອັດຈະນຳເອົາ 5 ຂໍ້ດີຂອງການມັດຜົມນອນຈະມີຫຍັງແດ່ ເຮົາມາຕິດຕາມນຳກັນ
1). ຊ່ວຍເຮັດໃຫ້ຜົມບໍ່ປົກໜ້າເວລານອນຫຼັບ
ໃນຂະນະທີ່ນອນ ຫາກເຮົາປ່ອຍຜົມ ແນ່ນອນຈະເຮັດໃຫ້ເສັ້ນຜົມປົກປິດໃບໜ້າ ກໍໃຫ້ນອນຫຼັບບໍ່ສະໜິດ. ຍ້ອນແນວນັ້ນ, ຂໍແນະນຳໃຫ້ມັດຜົມແບບຊົງສູງຫຼົມໆກ່ອນນອນ ເພື່ອເຮັດໃຫ້ການນອນຫຼັບສະບາຍສະໜິດຂຶ້ນ.
2). ຊ່ວຍປ້ອງກັນການເກີດສິວ
ແນ່ນອນວ່າຫາກບໍ່ສະຜົມ ແລ້ວປ່ອຍເສັ້ນຜົມໃຫ້ປົກໃບໜ້າ, ນ້ຳມັນທີ່ຢູ່ໃນເສັ້ນຜົມ, ສິ່ງເສດເຫຼືອ ແລະ ຂີ້ຝຸ່ນທີ່ຢູ່ໃນເສັ້ນຜົມນັ້ນສາມາດເຮັດໃຫ້ເກີດການອຸດຕັນ ແລະ ເປັນສິວໄດ້. ແຕ່ຖ້າຫາກເຮົາຮວບຜົມໃຫ້ສູງແລ້ວມັດຜົມແບບຫຼົມໆຈະຮັກສາຜົມ ບໍ່ໃຫ້ຖືກໃບໜ້າ ຊ່ວຍຫຼີກເວັ້ນສາເຫດຂອງການເກີດສິວ.
3). ປ້ອງກັນບໍ່ໃຫ້ຜົມພັນກັນ
ບັນຫາທີ່ສາວຜົມຍາວຕ້ອງປະສົບເມື່ອປ່ອຍຜົມນອນ ຄືຜົມພັນກັນ, ແຕ່ບັນຫາເຫຼົ່ານີ້ຈະໝົດໄປ ເມື່ອມັດຜົມກ່ອນນອນເພາະນັ້ນຈະຊ່ວຍໃຫ້ຜົມຂອງທ່ານຊື່ຕົງ, ຈັດຊົງເປັນລະບຽບ ເຖິງແມ່ນວ່າໃນຂະນະທີ່ນອນຫຼັບທ່ານຈະພິກຄີງໄປມາກໍຕາມ.
4). ຊ່ວຍໃຫ້ນອນຫຼັບສະບາຍຂຶ້ນ
ການມັດຜົມ ຈະຊ່ວຍກະຕຸ້ນການໄຫຼວຽນຂອງເລືອດໝຸນວຽນມາລ້ຽງສະໝອງໄດ້ດີ, ຊ່ວຍຜ່ອນຄາຍ ແລະ ນອນສະບາຍຂຶ້ນ.
5). ຊ່ວຍຫຼຸດອາການຜົມຫຼົ່ນ
ການມັດຜົມ ແມ່ນຊ່ວຍຫຼຸດຜ່ອນການສຽດສີ ແລະ ການຫຼຸດເຮ່ຍຂອງເສັ້ນຜົມ. ຫາກວ່າມັດຜົມແບບແໜ້ນເກີນໄປ ຈະເຮັດໃຫ້ຮາກຜົມເຄັ່ງຕຶງ ອາດກໍ່ໃຫ້ຜົມຫຼົ່ນຫຼາຍຂຶ້ນ ແລະ ປວດໜັງຫົວ. ສະນັ້ນ, ແນະນຳໃຫ້ມັດຜົມຫຼົມໆ ຈະຊ່ວຍປ້ອງກັນບໍ່ໃຫ້ຜົມຫຼົ່ນເຮ່ຍ.
ສຸດທ້າຍແລ້ວ, ສາວໆຈະມັດຮວບຜົມ ຫຼື ປ່ອຍຜົມກໍດີ ແຕ່ກໍຄວນສະຜົມເປັນປະຈຳ ແລະ ຫຼີກເວັ້ນການນອນທັບຜົມໂດຍກົງເພາະອາດເຮັດໃຫ້ຜົມພັນກັນ ແລະ ຜົມຫລົ່ນໄດ້.
ແຫຼ່ງທີ່ມາ:
https://www.sanook.com/women/244673/
https://www.sanook.com/women/109669
ຕິດຕາມຂ່າວທັງໝົດຈາກ LaoX: https://laox.la/all-posts/