ໃນໄລຍະຂອງວັນຄຣິສມາສນີ້ ຫຼາຍໆຄົນກໍອາດຈະຊອກເຄື່ອງດື່ມທີ່ເຂົ້າກັນກັບເທສະການຢູ່ແມ່ນບໍ່? ມື້ນີ້ທາງທີມງານເຮົາມີ 7 ເມນູເຄື່ອງດື່ມທັງຮ້ອນ ແລະ ເຢັນມານຳສະເໜີ ໂດຍເມນູດັ່ງກ່າວສາມາດເຮັດໄດ້ເອງແບບງ່າຍໆແລະແຊບພ້ອມ ທີ່ສຳຄັນ ບໍ່ມີສ່ວນປະສົມຂອງແອລກໍຮໍ ເຊິ່ງຈະມີເມນູໃດແດ່ ເຮົາມາເບິ່ງກັນເລີຍ.
- Peanut butter Hot Chocolate
ສຳລັບໃຜທີ່ບໍ່ມັກດື່ມກາເຟໃນວັນທີ່ອາກາດໜາວໆ ເຮົາແນະນຳເມນູນີ້ເລີຍ ເປັນໂກໂກ້ຮ້ອນ ທີ່ມາພ້ອມກັບຄວາມມັນແລະກອບຂອງຖົ່ວມາພ້ອມກັບຊັອກໂກແລັດ ບວກກັບຄວາມແຊບຂອງວິບຄຣີມ ເປັນອີກໜຶ່ງເມນູທີ່ເຂົ້າກັບເທສະການຄຣິສມາສສຸດໆໄປເລີຍ.
- Maple Cinnamon Hot Chocolate
ເປັນໜຶ່ງເມນູທີ່ດື່ມງ່າຍໃນວັນທີ່ຮູ້ສຶກໜາວ ຈະເສີບມາເປັນແບບອຸ່ນຫຼືຮ້ອນກໍແຊບ ເພາະຄວາມເຂັ້ມຂຸ້ນຂອງຊັອກໂກແລັດ ຄວາມຫອມຂອງອົບເຊີຍທີ່ສົ່ງກິ່ນອອກມາ ແລະ ຄວາມມັນຂອງວິບປິ້ງຄຣີມທີ່ເປັນທັອບປິ້ງໃນຈອກ ເປັນເມນູທີ່ດື່ມໄດ້ເລື້້ອຍໆແບບບໍ່ເບື່ອເລີຍ.
- Donut Strawberry Milk Shake
ເມນູຕໍ່ມາ ແມ່ນມາພ້ອມຄວາມມຸ້ງມິ້ງດ້ວຍສີສັນໂດດເດັ່ນທີ່ເຂົ້າກັບເທສະການສຸດໆໄປເລີຍກ ນອກນີ້ຍັງເຮັດໃຫ້ອົດໃຈບໍ່ໄຫວທີ່ຈະຕ້ອງໄດ້ລອງ ເພາະເມນູນີ້ມີທັງໂດນັດແລະທັອບປີ້ງຕ່າງໆ ພ້ອມດ້ວຍນົມສະຕໍເບີຣີ້ທີ່ຫອມຫວານ ເມນູນີ້ຮັບຮອງວ່າຖືກໃຈສາຍເຂົ້າໜົມຢ່າງແນ່ນອນ.
- Froot Loop Milk Shake
ເມນູທີ 4 ນີ້ເປັນເມນູທີ່ເຮັດງ່າຍ ທັງແຊບແລະໜ້າຮັກສົດໃສ ເປັນເຄື່ອງດື່ມທີ່ມີໜ້າຕາສວຍງາມພ້ອມທັງເປັນຂອງຫວານທີ່ມີປະໂຫຍດໄປພ້ອມໆກັນໄດ້ ຮັບຮອງວ່າຖ້າເຮັດໃຫ້ລູກໆຫຼານໆ ໄດ້ດື່ມເມນູນີ້ໃນວັນຄຣິສມາສຫຼືວັນອື່ນໆ ເຂົາເຈົ້າຕ້ອງມັກຢ່າງແນ່ນອນ.
- Strawberry Lemonade
ບໍ່ຕ້ອງມີແອລກໍຮໍ ຫຼື ສິ່ງມຶນເມົາກໍສ້າງສັນມ່ວນຊື່ນໄປກັບໝູ່ເພື່ອນໄດ້ ໂດຍເມນູນີ້ນອກຈາກສີສັນຈະສົດໃສແລ້ວ ເມື່ອດື່ມເຂົ້າໄປຍັງໃຫ້ຄວາມສົດຊື່ນດ້ວຍຣົດຊາດທີ່ມີຄວາມສົ້ມອົມຫວານ ເຊິ່ງຕ້ອງເຂົ້າກັບງານກິນລ້ຽງຄຣິສມາສຢ່າງແນ່ນອນ ທີ່ສຳຄັນແມ່ນເຮັດງ່າຍສຸດໆ.
- Shirley Temple
ສຳລັບໃຜທີ່ບໍ່ມັກດື່ມເຫຼົ້າເບຍ ເມື່ອຕ້ອງໄປສ້າງສັນກັບໝູ່ໃນໄລຍະເທສະການຄຣິສມາສ Shirley Temple ກໍເປັນອີກໜຶ່ງທາງເລືອກໃຫ້ເຈົ້າລອງ ດ້ວຍສີສັນທີ່ມີຄວາມຄ້າຍຄື Cocktail ບວກກັບເມນູນີ້ທີ່ມີສ່ວນປະສົມຂອງນ້ຳຫວານກິ່ນໝາກພິລາ ແລະ ສະຕຣໍເບີຣີ້ ຕໍ່ດ້ວຍການເພີ່ມນ້ຳອັດລົມກິ່ນເລມອນລົງໄປ ຮັບຮອງວ່າຖ້າໄດ້ດື່ມແລ້ວຕ້ອງສົດຊື່ນສຸດໆເລີຍ.
- Rosemary Grapefruit Mocktail
ເມນູສຸດທ້າຍນີ້ເຮັດມາຈາກນໍ້າໝາກ Grapefruit ທີ່ມີສີສັນຊວນໃຫ້ລອງ ບວກກັບນ້ຳ Rosemary ທີ່ມີຄວາມຫອມເປັນພິເສດ ຕາມດ້ວຍຕື່ມນ້ຳໂຊດາລົງເພື່ອຄວາມສົດຊື່ນ. ເມນູບອກໄດ້ເລີຍວ່າຖືກໃຈສາຍປາຕີ້ທີ່ບໍ່ມັກດື່ມເຫຼົ້າເບຍ.
ສຳລັບໃຜທີ່ຕ້ອງການຢາກເຮັດຕາມເມນູທີ່ກ່າວມາ ສາມາດອ່ານລາຍລະອຽດກ່ຽວກັບວິທີເຮັດແລະຂັ້ນຕອນເພີ່ມຕື່ມໄດ້ທີ່: https://cutt.ly/ZUd1SMw
ຕິດຕາມຂ່າວທັງໝົດຈາກ LaoX: https://laox.la/all-posts/
