2 ບໍລິສັດລາວ ແລະ ໄທ ຮ່ວມມືພັດທະນາ ແລະ ສຶກສາຄວາມເປັນໄປໄດ້ໃນການກໍ່ສ້າງສາງເກັບນ້ຳມັນຢູ່ ສປປ ລາວ ທີ່ຈະເປັນແຫຼ່ງນ້ຳມັນທາງສຳຮອງຂອງປະເທດລາວ. ເພື່ອຫຼຸດຜ່ອນຕົ້ນທຶນລາຄານ້ຳມັນເຊື້ອໄຟ ແລະ ເຮັດໃຫ້ລາຄາຖືກລົງໃນອະນາຄົດ ພ້ອມກັບສຶກສາທຸລະກິດຂົນສົ່ງໃນເຂດໂລຈິສຕິກໃນນະຄອນຫຼວງວຽງຈັນ.
ພິທີລົງນາມບົດບັນທຶກຄວາມເຂົ້າໃຈ ວ່າດ້ວຍການຮ່ວມມືພັດທະນາ ແລະ ສຶກສາຄວາມເປັນໄປໄດ້ໃນການຮ່ວມລົງທຶນສ້າງສາງເກັບນ້ຳມັນ ແລະ ກິດຈະກຳຂົນສົ່ງໃນເຂດໂລຈິສຕິກ ນະຄອນຫຼວງວຽງຈັນລະຫວ່າງບໍລິສັດ PTL ໂຮນດິ້ງຈຳກັດ ແລະ ບໍລິສັດ PTT OR ຈຳກັດມະຫາຊົນ ໄດ້ຈັດຂຶ້ນໃນວັນທີ 21 ເມສາ 2022 ທີ່ຜ່ານມາ, ຮ່ວມລົງນາມລະຫວ່າງ ທ່ານຈັນທອນ ສິດທິໄຊ ຜູ້ອຳນວຍການໃຫຍ່ບໍລິສັດ PTL ແລະ ທ່ານ ຊົງພັນ ເທບນຳສົມມະນັດ ຮອງປະທານຜູ້ບໍລິຫານການຕະຫຼາດລະຫວ່າງປະເທດ, ບໍລິສັດ PTT OR ຈຳກັດມະຫາຊົນ ມີຜູ້ບໍລິຫານລະດັບສູງຂອງສອງບໍລິສັດ ແລະ ພະນັກງານທີ່ກ່ຽວຂ້ອງຂອງ 2 ບໍລິສັດເຂົ້າຮ່ວມເປັນສັກຂີພະຍານ.
ການລົງນາມໃນຄັ້ງນີ້ ສອງຝ່າຍຈະຄົ້ນຄວ້າກາລະໂອກາດ ແລະ ທ່າແຮງປົມຊ້ອນໃນການຮ່ວມມືດ້ານການລົງທຶນກົມອຸດສາຫະກຳວຽງຈັນໂລຈິສຕິກພາກ ທີ່ຕັ້ງຢູ່ບ້ານດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ ໂດຍຈະຮ່ວມກັນຈັດຕັ້ງປະຕິບັດວຽກງານບໍລິສັດ ການສຶກສາຄວາມເປັນໄປໄດ້ໃນການຂົນສົ່ງ-ການຄ້າ ແລະ ການສະໜອງນ້ຳມັນເຊື້ອໄຟ ຈາກປະເທດໄທມາລາວ ແລະ ພາກໃຕ້ຂອງສາທາລະນະລັດ ປະຊາຊົນຈີນ ຫຼື ຂົງເຂດອື່ນໆ.
ການຕົກລົງທັງສອງຝ່າຍໄດ້ມີເນື້ອໃນຫຼັກດັ່ງນີ້: ການກຳນົດຫຼັກການພື້ນຖານຂອງພາກສ່ວນຕ່າງໆ ເພື່ອກວດກາປະເມີນ ແລະ ປະເມີນຄວາມເປັນໄປໄດ້ ແລະ ທ່າແຮງທີ່ຈະຮ່ວມກັນພັດທະນາໂຄງການ ເຊິ່ງຈະຕ້ອງຮ່ວມກັນດຳເນີນການເຮັດວຽກ ພາຍໃນ 2 ບໍລິສັດ ສຶກສາຄວາມເປັນໄປໄດ້ ຫຼື ສຶກສາຮູບແບບອື່ນໆ ໃນການພັດທະນາທ່າແຮງຂອງການລົງທຶນການເງິນ-ການຄ້າ ທາງດ້ານກົດໝາຍ ແລະ ດ້ານອື່ນໆທີ່ກ່ຽວຂ້ອງຂອງໂຄງການໃນລາວ. ໃນນີ້ລວມມີການລົງທຶນຮ່ວມໃນວີແອວພີທັງໝົດລວມເຖິງ ທ່າເຮືອແຫ້ງ, ການປຸງແຕ່ງສົ່ງ-ອອກ, ການຄ້າເສລີ, ສວນສາທາລະນະ, ການຂົນສົ່ງ ແລະ ຟາມຖັງນ້ຳມັນເຊື້ອໄຟຈາກປະເທດໄທໄປສະຖານີວີແອວພີ ຜ່ານທາງລົດໄຟ ຫຼື ວິທີການຂົນສົ່ງອື່ນໆທີ່ເປັນໄປໄດ້ ການຊື້-ຂາຍ ແລະ ການສະໜອງນ້ຳມັນເຊື້ອໄຟ ລວມເຖິງກາລະໂອກາດ ຮ່ວມທຸລະກິດອື່ນໆລະຫວ່າງຫຼາຍບໍລິສັດ. ການຈັດຕັ້ງຊື້ ແລະ ຄຸ້ມຄອງ ຄວາມສ່ຽງດ້ານລາຄາ ເພື່ອຮັບມືກັບການຜັນແປຂອງລາຄານ້ຳມັນ ແລະ ຫຼຸດຜ່ອນຄວາມສ່ຽງດ້ານລາຄາ ການຂົນສົ່ງນ້ຳມັນ, ການສະໜອງນ້ຳມັນເຊື້ອໄຟ ແລະ ຜະລິດຕະພັນບໍ່ແມ່ນນ້ຳມັນຈາກໄທໄປຍັງລາວ ແລະ ພາກໃຕ້ຂອງຈີນ. ຮ່ວມກັນກະກຽມ ແລະ ສະຫຼຸບການສຶກສາຄວາມເປັນໄປໄດ້ ແຜນການງົບປະມານ ແລະ ການເຄື່ອນໄຫວອື່ນໆທີ່ຕ້ອງການໃຫ້ແກ່ MOU ພ້ອມກັນດຳເນີນຮ່ວມມືບັນຫາອື່ນໆ ທີ່ຝ່າຍຕ່າງໆໄດ້ຕົກລົງເຫັນດີເປັນເອກະສັນກັນ ເຊິ່ງສອງຝ່າຍໄດ້ຕົກລົງສຶກສາຄວາມເປັນໄປໄດ້ເປັນທີ່ພໍໃຈ ແລະ ເຫັນດີຮ່ວມມືກັນໃນການກະກຽມບັນດາຂໍ້ຕົກລົງສະບັບຕໍ່ໄປ.
ຂອບໃຈຂໍ້ມູນຈາກ: https://bit.ly/3MugCLV
ຕິດຕາມຂ່າວທັງໝົດຈາກ LaoX: https://laox.la/all-posts/
