ໃນທະເລອັນກວ້າງໃຫຍ່ ຍັງມີຫຼາຍສິ່ງທີ່ລໍຖ້າການສຳຫຼວດ ເຊັ່ນດຽວກັບໝຶກໝູນ້ອຍ (Piglet Squid) ໃນທະເລຮາວາຍ ທີ່ນັກຊີວະວິທະຍາໄດ້ບັນທຶກພາບໄດ້ໃນບໍລິເວນກາງມະຫາສະໝຸດປາຊີຟິກ ເລິກລົງໄປ 1,400 ແມັດ.
![](https://laox.la/wp-content/uploads/2022/07/image-387.png)
ພວກເຂົາໃຊ້ຫຸ່ນສຳຫຼວດໃຕ້ນ້ຳຂອງເຮືອ Nautilus ເຊິ່ງເປັນຂອງອົງກອນບໍ່ສະແຫວງຫາຜົນກຳໄລ Ocean Exploration Trust ໃນການສຳຫຼວດ. ໃນຕອນທຳອິດ ພວກເຂົາບໍ່ຮູ້ວ່າມັນແມ່ນສັດຊະນິດໃດ ແຕ່ມັນຄ້າຍໆໝຶກ ແລະ ໃນທີ່ສຸດພວກເຂົາກໍພົບວ່າ ນີ້ແມ່ນ “ໝຶກໝູນ້ອຍ” ຫຼື Piglet Squid ໝຶກທີ່ມີສ່ວນຫົວຄ້າຍກັບດັງຂອງໝູ ກໍເລີຍເປັນທີ່ມາຂອງຊື່ດັ່ງກ່າວ.
![](https://laox.la/wp-content/uploads/2022/07/image-388.png)
ນອກຈາກສ່ວນຫົວທີ່ຄ້າຍກັບໝູແລ້ວ ລຳຕົວຂອງມັນຍັງໂພງຄືກັບປູມເປົ້າ ແລະ ມີໜວດນ້ອຍໆປ້ອມໆຢູ່ເທິງຫົວ ເຮັດໃຫ້ໝຶກໝູນ້ອຍ ໜ້າຮັກ ເປັນຕາແພງ ຕ່າງຈາກໝຶກທົ່ວໄປ.
![](https://laox.la/wp-content/uploads/2022/07/image-389.png)
![](https://laox.la/wp-content/uploads/2022/07/image-391.png)
![](https://laox.la/wp-content/uploads/2022/07/image-392.png)
ຂອບໃຈທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
No comment