ໜ່ວຍງານຄຸ້ມຄອງດູແລຂອງຮ່ອງກົງໄດ້ປະກາດວ່າຈະອອກໃບອະນຸຍາດໃຫ້ກັບຜູ້ອອກຫຼຽນ Stablecoin ແລະ Sandbox ເພື່ອໃຫ້ອົງການສາມາດເຂົ້າມາເບິ່ງແຍງພວກເຂົາໄດ້ ແລະ ໄດ້ແນະນໍາແນວທາງການປະຕິບັດຕາມສໍາລັບບໍລິສັດໃນອະນາຄົດ.
ນອກຈາກນີ້ທາງທະນາຄານກາງຮ່ອງກົງ (HKMA) ແລະ Financial Services and the Treasury Bureau (FSTB) ກໍໄດ້ອອກມາສະແດງຄວາມຄິດເຫັນກ່ຽວກັບ Stablecoin ທີ່ໃຊ້ເງິນ Fiat ເປັນສະກຸນເງິນສຳຮອງໃນວັນທີ 29 ກຸມພາທີ່ຜ່ານມາ.
Fiat ແມ່ນສະກຸນເງິນປະເພດໜຶ່ງທີ່ຖືກອອກແບບເພື່ອຮັກສາມູນຄ່າຂອງມັນເທົ່າກັບ ສະກຸນເງິນຂອງປະເທດນັ້ນໆເຊັ່ນ: ເງິນໂດລາສະຫະລັດ ຫຼື ໂດລາຮ່ອງກົງ…
ການເຄື່ອນໄຫວໃນຄັ້ງນີ້ ທາງຮ່ອງກົງມີຄວາມພະຍາຍາມທີ່ຈະເຮັດໃຫ້ຕົນເອງ ກາຍເປັນສູນກາງ Cryptocurrency ໃນພູມີພາກ, ໂດຍເລີ່ມຈາກການອອກໃບອະນຸຍາດສຳລັບການໃຫ້ບໍລິການ crypto ໃນເດືອນມິຖຸນາ. ລວມທັງໄດ້ວາງແຜນການຄວບຄຸມກົດລະບຽບສໍາລັບຫຼຽນ Stablecoin ອີກດ້ວຍ.
ຢ່າງໃດກໍຕາມ, ສໍາລັບບໍລິສັດທີ່ຈະໄດ້ຮັບໃບອະນຸຍາດຈາກ HKMA, ຈຳເປັນຈະຕ້ອງມີຄຸນສົມບັດ ແລະ ເງື່ອນໄຂຕາມທີ່ຕ້ອງການ. ໂດຍບໍ່ສົນເລື່ອງຂອງຈຸດປະສົງໃນການອອກStablecoin ທີ່ຜູກກັບສະກຸນເງິນທີ່ແທ້ຈິງ, ເຊິ່ງລວມມີທັງເງິນໂດລາຮ່ອງກົງ ແລະ ຈໍາເປັນຕ້ອງໄດ້ມີໃບອະນຸຍາດເພື່ອດໍາເນີນການ ເພື່ອໃຫ້ສາມາດຕອບສະໜອງການໃຫ້ບໍລິການຕະຫຼາດ Stablecoin ກັບປະຊາຊົນຮ່ອງກົງໄດ້.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/