ໜ່ວຍງານຄຸ້ມຄອງດູເເລກ່າວວ່າ “Crypto Scammers ໃຊ້ AI ໃນການສ້າງ CEO ຕົວປອມເພື່ອຫຼອກລວງນັກລົງທຶນ”


ປັດຈຸບັນ ກະເເສຄວາມນິຍົມຂອງ AI ກຳລັງມາເເຮງ, ເຮັດໃຫ້ມີຄົນສວຍໂອກາດໂດຍໃຊ້ຄວາມສາມາດຂອງ AI ນີ້ໃຫ້ເປັນປະໂຫຍດໃນການຫຼອກລວງບັນດານັກລົງທຶນ ໂດຍການສ້າງ CEO ຂຶ້ນມາເພື່ອຫຼອກລວງນັກລົງທຶນ Crypto ຜ່ານ YouTube.

ໃນອາທິດນີ້ ໜ່ວຍງານ California Department of Financial Protection and Innovation (DFPI) ຂອງລັດ California ໄດ້ອອກມາເວົ້່າເຖິງມາດຕະການການຄຸ້ມຄອງດູເເລຈາກການຫຼອກລວງເອົາ Crypto ໂດຍສົ່ງຈົດໝາຍໃຫ້ຍຸຕິ ເເລະ ຍົກເລິກໄປຫາ 5 ບໍລິສັດທີ່ອ້າງວ່າພະຍາຍາມສະເເຫວງຫາຜົນກຳໄລຈາກກະເເສຂອງ AI ທີ່ມາເເຮງ.

ໂດຍເປົ້າໝາຍຫຼ້າສຸດຂອງໜ່ວຍງານຄື Maxpread Technologies, Harvest Keeper, Visque Capital, Coinbot ເເລະ QuantFund ເຊິ່ງ DFPI ກ່າວຫາວ່າ ເເຕ່ລະລາຍສະເໜີຫຼັກຊັບທີ່ບໍ່ມີເງື່ອນໄຂ ເເລະ ເຮັດສັນຍາທີ່ບໍ່ຖືກຕ້ອງກັບນັກລົງທຶນ.

DFPI ກ່າວວ່າ ບໍລິສັດຕ່າງໆ ຍັງເວົ້າເກີນຄວາມເປັນຈິງກ່ຽວກັບຜົນຕອບເເທນທີ່ຈະໄດ້ຮັບຈາກ AI ໃນການຊື້ຂາຍ Crypto ເເລະ ການໃຊ້ AI ເພື່ອສ້າງກົນລະຍຸດທາງການຕະຫຼາດເພື່ອຫຼອກລວງເຫຍື່ອທີ່ບໍ່ມີຄວາມຮູ້ທາງດ້ານນີ້.

ນອກເໜືອຈາກການພະຍາຍາມຫຼອກລວງໃຫ້ລົງທຶນເເລ້ວນັກ, Maxpread Technologies ຍັງຖືກກ່າວຫາວ່າ “ພະຍາຍາມຫລອກລວງນັກລົງທຶນກ່ຽວກັບຕົວຕົນຂອງ CEO ໂດຍໃຊ້ AI ໃນການສ້າງ CEO ຕົວປອມຂຶ້ນມາ ເເລະ ຕັ້ງໂປຣເເກມໃຫ້ອ່ານຕາມ script”

ໃນວິດີໂອທີ່ລົງໃນ YouTube ຂອງບໍລິສັດ Maxpread ເມື່ອວັນທີ 8 ເດືອນເມສາ, CEO ທີ່ອ້າງຊື່ວ່າ “Michael Vanes” ໄດ້ອອກມາເວົ້າກ່ຽວກັບການເປີດຕົວຂອງບໍລິສັດ. ແຕ່ເຈົ້າໜ້າທີ່ບອກວ່າບຸກຄົນທີ່ຢູ່ໃນວີດີໂອນັ້ນບໍ່ແມ່ນ CEO ເເທ້. ໂດຍ CEO ເເທ້ຂອງບໍລິສັດ Maxpread ແມ່ນ Jan Gregory ເຊິ່ງຮັບຕຳເເໜ່ງເປັນ CMO ເເລະ CBM ຂອງບໍລິສັດ.

ທີ່ມາ:

ຕິດຕາມຂ່າວທັງໝົດຈາກ LaoX: https://laox.la/all-posts/