Rosamund Adoo-Kissi-Debrah ຜູ້ມີລູກສາວ ອາຍຸ 9 ປີ Ella Kissi-Debrah ທີ່ຖືກລະບຸວ່າ ໄດ້ເສຍຊີວິດຈາກມົນລະພິດທາງອາກາດ ແລະ ເປັນຄົນທຳອິດໃນສະຫະຣາຊະອານາຈັກ ທີ່ຖືກລະບຸໃນບັດມໍລະນະ ວ່າເສຍຊີວິດດ້ວຍສາເຫດນີ້.
ຜູ້ເປັນແມ່ໄດ້ເດີນໜ້າຟ້ອງຮ້ອງລັດຖະບານ ໄດ້ແກ່ ກະຊວງສິ່ງແວດລ້ອມ ອາຫານ ແລະ ກິດຈະການຊົນນະບົດ, ກົມຄົມມະນາຄົມ ແລະ ກົມອະນາໄມແລະການດູແລສັງຄົມ ກາຍເປັນຈຳເລີຍໃນຄຳກ່າວອ້າງ.
ທາງດ້ານທະນາຍຂອງ Rosamund Adoo-Kissi-Debrah ໄດ້ກ່າວວ່າ ເຖິງວ່າຄຳກ່າວອ້າງນີ້ຈະລວມໄປເຖິງການຮຽກຮ້ອງຄ່າເສຍຫາຍ ແຕ່ມັນເປັນການສົ່ງເສີມການລົນນະລົງໃນວົງກວ້າງ ເພື່ອສ້າງ “ສິດທິໃນອາກາດບໍລິສຸດ” ຂອງທຸກຄົນ
ຢ້ອນກັບໄປ 2 ປີ ກ່ອນທີ່ Ella Kissi-Debrah ຈະເສຍຊີວິດ ຄອບຄົວພວກເຂົາ ອາໄສຢູ່ແຫຼ່ງທີ່ເປັນຊຸມຊົນ ມີການສັນຈອນໜາແໜ້ນ ແລະ Ella ກໍເດີນທາງເສັ້ນນີ້ໄປ-ກັບໂຮງຮຽນຢູ່ຕະຫຼອດ. Ella ເລີ່ມເປັນຫອບຫືດຕອນອາຍຸ 7 ປີ ແລະ ໃນ 2 ປີຕໍ່ມາ ລາວຕ້ອງເຂົ້າໂຮງໝໍເພື່ອຮັບການປິ່ນປົວເຖິງ 27 ຄັ້ງ ຍ້ອນມີອາການຊັກຕະຫຼອດ ຈົນສຸດທ້າຍເມື່ອຜ່ານວັນເກີດຄົບຮອບ 9 ປີ ພຽງບໍ່ເທົ່າໃດອາທິດ ກໍໄດ້ເສຍຊີວິດລົງ.
ຖ້າການກ່າວອ້າງໃນຄັ້ງນີ້ປະສົບຄວາມສຳເລັດ ຈະກາຍເປັນຄັ້ງປະຫວັດສາດຂອງ “ສິດທິໃນອາກາດບໍລິສຸດ” ພາຍໃຕ້ກົດບັນຍັດສິດທິມະນຸດ.
ຕິດຕາມຂ່າວທັງໝົດຈາກ LaoX: https://laox.la/all-posts/