Adam Jonas ນັກວິເຄາະຂອງບໍລິສັດ Morgan Stanley ບໍລິສັດບໍລິການທາງດ້ານການເງິນທີ່ໃຫຍ່ທີ່ສຸດຂອງໂລກ ໄດ້ອອກມາແນະນຳວ່າ ໜຶ່ງໃນແນວທາງທີ່ຜູ້ຜະລິດລົດຍັກໃຫຍ່ໃນປະເທດຕາເວັນຕົກຈະສາມາດພັດທະນາຂຶ້ນໄດ້ນັ້ນ ແມ່ນຈະຕ້ອງໄດ້ແມ່ນການຮ່ວມມືກັບປະເທດຈີນເພື່ອອະນາຄົດຂອງລົດໄຟຟ້າ (EV), ຖ້າບໍ່ດັ່ງນັ້ນພວກເຂົາຈະບໍ່ສາມາດຜະລິດ EV ທີ່ມີລາຄາຖືກໄດ້ອີກເລີຍ.
ໂດຍ Adam Jonas ໄດ້ກ່າວວ່າ ປະລິມານການນຳເຂົ້າ EV ຈາກຈີນ ເມື່ອທຽບໃສ່ກັບຫຼາຍປະເທດເປັນສິ່ງທີ່ແທບຈະບໍ່ສາມາດ “ແຍກອອກໄດ້” ເຖິງແມ່ນວ່າອາຊີຈະມີຄວາມເຄັ່ງຄັດຫຼາຍກໍ່ຕາມ. ເນື່ອງຈາກຄວາມກັງວົນດ້ານອຸດສາຫະກຳ ແລະ ຄວາມປອດໄພແຫ່ງຊາດທີ່ຈະຫຼຸດການນຳໃຊ້ລົດຍົນ EV ຢູ່ປະເທດຕາເວັນຕົກເທົ່ານັ້ນ.
ອີງຕາມຂໍ້ມູນທີ່ເຜີຍແຜ່ ເມັກຊິໂກຍັງມີໂອກາດທີ່ຈະເປັນຂົວເຊື່ອມຕໍ່ລະຫວ່າງຈີນ ແລະ ຢູໂຣບ. ໂດຍລົດໄຟຟ້າສ່ວນໃຫຍ່ທີ່ຜະລິດຢູ່ໃນເມັກຊິໂກໃຊ້ອຸປະກອນ ແລະ ຄວາມຮູ້ທາງດ້ານເຕັກໂນໂລຊີຈາກປະເທດຈີນ. ເຊິ່ງນີ້ຈະເຮັດໃຫ້ພວກເຂົາສາມາດສ້າງລົດໃນລາຄາຖືກໄດ້. ນອກຈາກນີ້ ລົດ EV ຂອງຈີນຍັງມີຕ່ອງໂສ້ອຸປະທານຂະຫນາດໃຫຍ່ ແລະ ໄດ້ຮັບຊັບພະຍາກອນໃນການຜະລິດແບັດເຕີຣີໄວ້ຢ່າງຫຼວງຫຼາຍ. ໂດຍການສ້າງຕັ້ງໂຮງງານໃນເຂດທີ່ອຸດົມສົມບູນໄປດ້ວຍຊັບພະຍາກອນນີ້ເຮັດໃຫ້ການຜະລິດລົດ EV ແລະ ແບດເຕີຣີທີ່ມີລາຄາຖືກລົງຢ່າງບໍ່ໜ້າເຊື່ອ.
ບໍລິສັດຂອງຈີນກໍກໍາລັງຊອກຫາການສ້າງຕັ້ງໂຮງງານໃນເມັກຊິໂກ, ໂດຍຫວັງວ່າຈະຈັດຫາໃຫ້ແກ່ Tesla ເມື່ອໂຮງງານຂະໜາດໃຫຍ່ຂອງເມັກຊິໂກກຽມພ້ອມແລ້ວ.
ປັດຈຸບັນເມັກຊິໂກກໍາລັງເຮັດວຽກຮ່ວມກັບສະຫະລັດ ແລະ ເຮັດໜ້າທີ່ເປັນ buffer ສໍາລັບຈີນ, ເຖິງແມ່ນວ່າ BYD ແລະ ໂຮງງານຜະລິດອື່ນໆ ໃນປະເທດຈີນມີການຫຼ້າຊ້າເປັນເວລາເກືອບສອງປີ, ແຕ່ Tesla ກໍໄດ້ຮັບໃບອະນຸຍາດພາຍໃນໜຶ່ງເດືອນ.
ທັງນີ້, ລົດ EV ຂອງຈີນຕ້ອງກົດດັນລາຄາຂອງລົດໄຟຟ້າເພື່ອແຂ່ງຂັນກັບຜູ້ຫຼິ້ນລາຍໃຫຍ່ອື່ນໆ ເພາະວ່າລາຄາເປັນໜຶ່ງໃນປັດໄຈທີ່ເຮັດໃຫ້ຜູ້ໃຊ້ເລືອກເປັນອັນດັບທໍາອິດ ຖ້າຫາກຄຸນະພາບ ແລະ ເຕັກໂນໂລຊີໃນລົດບໍ່ແຕກຕ່າງກັນຫຼາຍ. .
ແນວໃດກໍດີ, Elon Musk ໄດ້ກ່າວວ່າ ຖ້າຫາກບໍ່ແມ່ນເປັນອຸປະສັກທາງດ້ານການຄ້າ, ລົດ EV ຂອງຈີນຈະກາຍເປັນຄູ່ແຂ່ງທີ່ມີຊື່ສຽງ ແລະ ທຳລາຍບັນດາບໍລິສັດລົດທັງໝົດໃນໂລກ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/