ເນື່ອງຈາກຜົນກະທົບທາງກົງຈາກການເພີ່ມອັດຕາການເກັບອາກອນຊົມໃຊ້ຂອງທາງພາກລັດ ໃນກຸ່ມຜະລິດຕະພັນເຄື່ອງດື່ມ ປະເພດເບຍທັງໝົດ ຈຶ່ງສົ່ງຜົນໃຫ້ ບໍລິສັດ ເບຍລາວ ມີຄວາມຈຳເປັນຕ້ອງໄດ້ປັບຂຶ້ນລາຄາໃນບາງຜະລິດຕະພັນ.
ໂດຍທາງ ບໍລິສັດ ເບຍລາວ ຈຳກັດ ກໍໄດ້ມີການປັບປຸງປະສິດທິພາບ ແລະ ຄວບຄຸມຕົ້ນທຶນຕ່າງໆ ທີ່ເພີ່ມຂຶ້ນ ເຮັດໃຫ້ ບໍລິສັດ ສາມາດຫຼຸດຜ່ອນຜົນກະທົບທາງດ້ານຕົ້ນທຶນ ທີ່ເກີດຈາກການເພີ່ມຂຶ້ນຂອງອັດຕາອາກອນຊົມໃຊ້ໄດ້ໃນບາງສ່ວນ ເພື່ອເຮັດໃຫ້ການປັບຂຶ້ນລາຄາຜະລິດຕະພັນໃນຄັ້ງນີ້ ແມ່ນໃຫ້ປັບຂຶ້ນໜ້ອຍທີ່ສຸດເທົ່າທີ່ຈະເປັນໄປໄດ້.
ການປັບຂຶ້ນລາຄາໃໝ່ໃນຄັ້ງນີ້ ຈະເລີ່ມມີຜົນປະຕິບັດນັບຕັ້ງແຕ່ວັນທີ 17 ມັງກອນ 2022 ເປັນຕົ້ນໄປ ແລະ ທຸກໆການສັ່ງຊື້ ຫຼື ການອອກບິນສັ່ງຊື້ໃນວັນທີ 17 ມັງກອນ 2022 ເປັນຕົ້ນໄປນັ້ນ ແມ່ນຈະເປັນລາຄາທີ່ໄດ້ປັບປຸງໃໝ່ນີ້.
ຕິດຕາມຂ່າວທັງໝົດຈາກ LaoX: https://laox.la/all-posts/
