ເລື່ອງລາວທີ່ສຸດແສນຈະມຶນງົງນີ້ເກີດຂຶ້ນທີ່ປະເທດອິນໂດເນເຊຍ ໂດຍທາງເວັບໄຊ world of buzz ໄດ້ອ້າງອີງຂໍ້ມູນຈາກສື່ທ້ອງຖິ່ນຂອງອິນໂດເນເຊຍ Suara.com ເຊິ່ງໄດ້ນຳສະເໜີຂ່າວຂອງຍິງສາວຄົນໜຶ່ງ ທີ່ຖືກແຊຣ໌ຕໍ່ໆກັນໃນ TikTok ເປັນຈຳນວນຫຼາຍໝື່ນຄັ້ງ ກັບກໍລະນີຂອງຍິງສາວອິນໂດເນເຊຍ ທີ່ຢາກປອບໃຈແຟນໜຸ່ມຈາກການສູນເສຍແມ່ ດ້ວຍການສະເໜີຕົວຈະແຕ່ງງານກັບພໍ່ຂອງແຟນເພື່ອທົດແທນແມ່ທີ່ເສຍໄປ.
ໃນວິດີໂອທີ່ຍິງສາວຄົນນີ້ໂພສລົງໃນ TikTok ລາວໄດ້ບອກວ່າ ລາວຈະເຮັດທຸກຢ່າງ ບໍ່ວ່າຈະຕ້ອງເຮັດດ້ວຍວິທີໃດ ເພື່ອຈະຊ່ວຍບັນເທົາຄວາມໂສກເສົ້າຂອງແຟນໜຸ່ມທີ່ລາວຮັກ ທີ່ທຸກທໍລະມານຈາກການສູນເສຍແມ່, ດັ່ງນັ້ນ ລາວຈຶ່ງຕັດສິນໃຈໃນແບບທີ່ບໍ່ມີໃຜຄາດຄິດມາກ່ອນ ນັ້ນກໍຄືການ ‘’ແຕ່ງງານກັບພໍ່ຂອງແຟນ’’.
ໃນວິດີໂອລາວຍັງບອກເຫດຜົນໃນການແຕ່ງງານດັ່ງກ່າວໄວ້ວ່າ “ແມ່ຂອງແຟນຂ້ອຍຫາກໍເສຍໄປ ຂ້ອຍບໍ່ຢາກໃຫ້ລາວຕ້ອງເສຍໃຈ ຂ້ອຍເລີຍຕັດສິນໃຈແຕ່ງງານກັບພໍ່ຂອງລາວ ແລະ ລາວກໍຈະມີແມ່ອີກຄັ້ງ”.
ໃນຂະນະທີ່ວິດີໂອໄດ້ເຜີຍແຜ່ອອກໄປ ເຮັດໃຫ້ວິດີໂອດັ່ງກ່າວມີຍອດຮັບຊົມກວ່າ 8.8 ລ້ານເທື່ອ ແລະ ຍອດໄລ້ກວ່າ 1 ລ້ານໄລ້ ພ້ອມດ້ວຍຄອມເມັ້ນໄປຕ່າງໆນານາ ຫຼາຍໆຄົນກໍບອກວ່ານີ້ຄືການເສຍສະຫຼະຄັ້ງຍິ່ງໃຫຍ່ ໃນຂະນະທີ່ອີກຫຼາຍສຽງກໍຄອມເມັ້ນສຽດສີປະຊົດວ່າ ການທີ່ຍິງສາວເຮັດແບບນີ້ບໍ່ຮູ້ວ່າລາວເຮັດເພື່ອໃຜກັນແທ້.
ຮັບຊົມວິດີໂອໄດ້ທີ່ລິ້ງລຸ່ມນີ້:
ແລ້ວທ່ານຄິດແນວໃດກັບການເສຍສະຫຼະຂອງລາວເພື່ອຄວາມສຸກຂອງຄົນທີ່ລາວຮັກທີ່ສຸດ? ຟັງເບິ່ງແລ້ວມັນເກີນກວ່າຈະເປັນເລື່ອງແທ້ແມ່ນບໍ?
ແຕ່ເຖິງຢ່າງໃດກໍຕາມ ທາງເວັບໄຊ world of buzz ແລະ Suara.com ບໍ່ໄດ້ບອກຫຼືຢືນຢັນວ່າເຫດກນນີ້ເປັນເລື່ອງແທ້ຫຼືບໍ່ ຫຼືເປັນພຽງການເຮັດຫຼິ້ນໆໃນສັງຄົມອອນລາຍເທົ່ານັ້ນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
