ສະຫະລັດອາຣັບເອມິເຣດກຳລັງແນມຫາຊ່ອງທາງການຄ້າໃນການຮ່ວມມືກັບຈີນເພີ່ມຂຶ້ນເພື່ອໃຫ້ກາຍເປັນໜຶ່ງໃນບັນດາຜູ້ຫຼິ້ນລະດັບທົ່ວໂລກ. ທັງສອງປະເທດພະຍາຍາມທີ່ຈະເພີ່ມທະວີການຮ່ວມມືໂດຍການລົງທຶນ ແລະ ເພື່ອເພີ່ມການຂະຫຍາຍຕົວທາງດ້ານການຄ້າຂອງຕົນຢູ່ໃນໝູ່ເກາະປາຊີຟິກ ແລະ ອາຟຣິກາ.
ໃນບົດລາຍງານຍັງກ່າວອີກວ່າ, ການຄ້າລະຫວ່າງທັງສອງປະເທດຈະໃຊ້ເງິນຢວນຂອງຈີນໃນການຊຳລະ. ສິ່ງນີ້ຈະເຮັດໃຫ້ບັນດາປະເທດຕາເວັນອອກກາງອະນຸຍາດໃຫ້ຈີນເຂົ້າມາມີອິດທິພົນໃນພູມີພາກໄດ້. ດ້ວຍເຫດນີ້, ຈຶ່ງຄວນມີການປ່ຽນແປງຄວາມສົມດຸນທາງອຳນາດຂອງໂລກໃຫ້ຫ່າງໄກຈາກການປົກຄອງຂອງຝ່າຍຕາເວັນຕົກ.
ຈີນ ແລະ ສະຫະລັດອາຣັບເອມີເຣດມີຄວາມພະຍາຍາມທີ່ພັດທະນາ BRICS. ຕະຫຼອດທັງປີທີ່ຜ່ານມາ ກຸ່ມປະເທດພັນທະມິດ BRICS ໄດ້ມີການຂະຫຍາຍຕົວສູງ, ສິ່ງດັ່ງກ່າວໄດ້ເຮັດໃຫ້ຂົງເຂດພູມສາດທາງດ້ານການເມືອງມີການພັດທະນາຢ່າງຫຼວງຫຼາຍ.
ໂດຍການປະກາດນຳໃຊ້ເງິນຢວນເຂົ້າໃນການຄ້າລະຫວ່າງປະເທດຂອງສອງປະເທດນີ້ ຍັງເປັນໜຶ່ງໃນແຜນການຫຼຸດຜ່ອນການນຳໃຊ້ເງິນໂດລາສະຫະລັດທີ່ກຳລັງຈະຢຶດຄອງໂລກ. ນອກຈາກນີ້, ຈີນ ແລະ ສະຫະລັດອາຣັບເອມີເຣດມີຍັງໄດ້ວາງແຜນການຂະຫຍາຍທຸລະກິດຄັ້ງທໍາອິດຂອງຕົນໃນລະຫວ່າງການປະຊຸມສຸດຍອດປະຈໍາປີໃນປີ 2023.
ແລະໃນຕອນນີ້, ປະເທດຈີນ ແລະ ສະຫະລັດອາຣັບເອມີເຣດເຊິ່ງເປັນສະມາຊິກໃນ BRICS ຕ້ອງການທີ່ຈະເພິ່ມຊື່ສຽງຂອງປະເທດຕົນເອງໃຫ້ກາຍເປັນທີ່ຍອມຮັບໃນລະດັບໂລກ ແລະ ໄດ້ແນມຫາຊ່ອງທາງເພິ່ມຂຶ້ນອີກໃນດ້ານການຄ້າລະຫວ່າງປະເທດທີ່ນຳໃຊ້ສະກຸນເງິນທ້ອງຖິ່ນໃນການຊໍາລະ ພ້ອມກັນນັ້ນກໍໄດ້ແນມຫາການເພີ່ມບົດບາດຂອງຕົນໃນລະດັບໂລກຜ່ານການລົງທຶນ.
ສະຫະປະຊາຊາດສະຫະລັດອາຣັບເອມິເຣດແມ່ນໜຶ່ງໃນຫ້າປະເທດທີ່ຈະເຂົ້າຮ່ວມເປັນພັນທະມິດທາງດ້ານເສດຖະກິດໃນທ້າຍປີນີ້ ແລະ ຍັງກຽມທີ່ຈະເຂົ້າຮ່ວມກັບ Saudi Arabia, Iran, Egypt ແລະ Ethiopia ໃນຖານະເປັນສະມາຊິກກຸ່ມປະເທດ BRICS ໃໝ່ຫຼ້າສຸດ, ໂດຍບັນດາສະມາຊິກພ້ອມແລ້ວທີ່ຈະຮ່ວມມືກັນເພື່ອເພີ່ມການສະແດງຕົນໃນປະເທດອາຟຣິກາ ແລະ ສະຫະປະຊາຊາດສະຫະລັດອາຣັບເອມິເຣດ ກໍພ້ອມແລ້ວທີ່ຈະເປີດກວ້າງການນຳໃຊ້ເງິນຢວນຢ່າງຮອບດ້ານ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/