ເມື່ອບໍ່ດົນມານີ້ ລັດຖະບານ ກໍຄື ກະຊວງແຜນການ ແລະ ການລົງທຶນ ໄດ້ເຊັນສັນຍາອະນຸມັດໃຫ້ ພັດທະນາໂຄງການ (PDA) ເຂື່ອນໄຟຟ້ານ້ຳອີມູນ 1 ແລະ ນ້ຳອີມູນ 2 ພະລັງງານສະອາດ ແບບປະສົມປະສານ ກຳລັງຕິດຕັ້ງ 225 MW, ເມືອງກະລຶມ ແລະ ເມືອງລະມາມ ມູນຄ່າກວ່າ 450 ລ້ານໂດລາ ທີ່ແຂວງເຊກອງ ລະຫວ່າງ ລັດຖະບານ ແຫ່ງ ສປປ ລາວ ກັບ ບໍລິສັດ ໄຊຊະນະພະລັງງານ ຈຳກັດຜູ້ດຽວ ສະໜອງການຊົມໃຊ້ພາຍໃນ ແລະ ສົ່ງອອກໄປ ສສ. ຫວຽດນາມ.
ໂດຍໃນການເຊັນສັນຍາຄັ້ງນີ້ ລົງນາມໂດຍ ທ່ານ ນ. ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ເຊັນເປັນພະຍານໂດຍ ທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ທ່ານ ສາກົນ ພອນປະເສີດ ຫົວໜ້າພະແນກແຜນການ ແລະ ການລົງທຶນ ແຂວງເຊກອງ ຮ່ວມກັບ ບໍລິສັດເຊັນໂດຍ ທ່ານ ພອນໄຊ ວິຊາເທບ ປະທານບໍລິສັດ ໄຊຊະນະພະລັງງານມີ ຈຳກັດຜູ້ດຽວ ແລະ ເຊັນເປັນພະຍານໂດຍ ທ່ານ ນ. Pichaya LAMJUNTUEK ຮອງປະທານບໍລິສັດ ສະເປສດໄຮໂດ ພາວເວີ ຈຳກັດຜູ້ດຽວ, ທ່ານ ສິດທິໄຊ ສຸວັນນາລີ ປະທານ ບໍລິສັດ ຫົງຄຳ ເອັນເນີຈີ ຈຳກັດຜູ້ດຽວ.
ສ່ວນຜູ້ຖືຮຸ້ນຫຼັກຂອງ PDA ລວມມີ ບໍລິສັດ ໄຊສະນາ ພະລັງງານພຽງຜູ້ດຽວ ແລະ ບໍລິສັດ Space Hydro Power Sole ມີແຜນຈະສ້າງເຂື່ອນໄຟຟ້າທີ່ມີກຳລັງຕິດຕັ້ງ 75 ເມກາວັດ, ປໍ້າເກັບມ້ຽນ 100 ເມກາວັດ ແລະ ລະບົບການຜະລິດພະລັງງານແສງອາທິດແບບເລື່ອນໄດ້ 50 ເມກາວັດ ເຊິ່ງສ່ວນໃຫຍ່ແລ້ວ ກະແສໄຟຟ້າທີ່ຜະລິດໄດ້ຈະຮັບໃຊ້ຄວາມຕ້ອງການດ້ານພະລັງງານຂອງຕະຫຼາດຫວຽດນາມ.
ນີ້ແມ່ນໂຄງການພະລັງງານສະອາດແບບປະສົມ ເຊິ່ງມີກຳລັງຜະລິດ ແລະ ຕິດຕັ້ງທັງໝົດ 225 ເມກາວັດ ຖືວ່າເປັນໂຄງການທໍາອິດຂອງ ສປປ ລາວ ໂດຍຈະລວມເອົາຜົນປະໂຫຍດຂອງຊັບພະຍາກອນທຳມະຊາດຕ່າງໆ. ເຂົ້າກັນໄດ້ກັບພະລັງງານທີ່ຜະລິດຈາກແຫຼ່ງນ້ຳ ແລະ ແສງແດດ. ພະລັງງານຍັງຖືກສ້າງຂຶ້ນຜ່ານລະບົບປໍ້າເກັບຮັກສາໃນຕອນກາງຄືນ ເພື່ອນຳມາໃຊ້ໃນລະຫວ່າງມື້.
ໂດຍໂຄງການນີ້ຈະສະໜອງໄຟຟ້າໃຫ້ທັງຊາວລາວ ແລະ ສົ່ງອອກ ເຊິ່ງຄາດວ່າຈະສ້າງລາຍຮັບຢ່າງຫຼວງຫຼາຍໃຫ້ແກ່ລັດຖະບານ ແລະ ຊຸມຊົນທ້ອງຖິ່ນ. ລວມທັງການສ້າງວຽກເຮັດງານທຳໃຫ້ປະຊາຊົນທ້ອງຖິ່ນ ແລະ ຈະຊ່ວຍໃຫ້ວິສະວະກອນລາວຮຽນຮູ້ທັກສະໃໝ່ໆ ເພີ່ມຄວາມຮູ້ດ້ານວິຊາການ ພ້ອມທັງຊ່ວຍຊຸກຍູ້ການພັດທະນາເສດຖະກິດ ແລະ ສັງຄົມຢ່າງໝັ້ນຄົງ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
