ສປ ຈີນ ຄອງສະຖານະຄູ່ການຄ້າລາຍໃຫຍ່ອັນດັບໜຶ່ງຂອງອາຊຽນ 14 ປີຕິດຕໍ່ກັນ ດ້ວຍມູນຄ່າການນຳເຂົ້າ ແລະ ສົ່ງອອກໃນປີ 2022 ທີຜ່ານມານີ້ ສາມາດບັນລຸໄດ້ເຖິງ 6,520 ຕື້ຢວນ (970 ຕື້ໂດລາສະຫະລັດ) ໃນປີ 2022, ເພີ່ມຂຶ້ນ 15% ເມື່ອທຽບປີກ່ອນໜ້ານີ້.
ໂດຍໃນເວລາຕອບຄໍາຖາມນັກຂ່າວໃນກອງປະຊຸມຖະແຫຼງຂ່າວເມື່ອວັນທີ 14 ກັນຍານີ້, ທ່ານນາງ ເໝົາໜິງ ໂຄສົກກະຊວງການຕ່າງປະເທດຈີນຢືນຢັນວ່າ: ຈີນໄດ້ຄອງຖານະຄູ່ການຄ້າໃຫຍ່ອັນດັບໜຶ່ງຂອງອາຊຽນ 14 ປີຕິດຕໍ່ກັນ, ສ່ວນອາຊຽນເປັນຄູ່ການຄ້າໃຫຍ່ອັນດັບໜຶ່ງຂອງຈີນເປັນເວລາ 3 ປີຕິດຕໍ່ກັນແລ້ວ.
ອີງຕາມການລາຍງານຂອງໜັງສືພິມ Global Times ເຫັນວ່າ ໃນປີ 2022 ທີ່ຜ່ານມາ ການນຳເຂົ້າ ແລະ ສົ່ງອອກຂອງຈີນໄປອາຊຽນມີເຖິງ 6.520 ຕື້ຢວນ, ເພີ່ມຂຶ້ນ 15% ຈາກປີ 2021. ໃນນັ້ນ, ການສົ່ງອອກບັນລຸ 3,790 ຕື້ຢວນ, ເພີ່ມຂຶ້ນ 21,7%, ການນຳເຂົ້າບັນລຸ 2.730 ຕື້ຢວນ, ເພີ່ມຂຶ້ນ 6,8%
ຕິດຕາມຂ່າວທັງໝົດຈາກ LaoX: https://laox.la/all-posts/