ເພື່ອທີ່ຈະຊ່ວຍໃຫ້ສັດຫຼາຍຊະນິດບໍ່ສູນພັນ, IFAW (International Fund for Animal Welfare) ໄດ້ພະຍາຍາມຮັກສາໜຶ່ງໃນປະຊາກອນຊ້າງເອເຊຍກຸ່ມສຸດທ້າຍ ໂດຍມີເປົ້າໝາຍເພື່ອສະເເດງໃຫ້ເຫັນເຖິງ ຄວາມສົມດຸນລະຫວ່າງນະວັດຕະກຳທາງເສດຖະກິດ ເເລະ ລະບົບນິເວດທີ່ສາມາດຮັກສາຊ້າງສາຍພັນເອເຊຍໄດ້.
ຊ້າງປ່າເອເຊຍນີ້ອາໄສຢູ່ໃນເຂດທີ່ຖືກເເບ່ງເເຍກ ແລະ ຖືກຄຸກຄາມຢູ່ໃນ 13 ປະເທດ, ເຊິ່ງການຂະຫຍາຍຕົວຂອງຕົວເມືອງ, ຊົນນະບົດ ແລະ ກະສິກໍາ ເຮັດໃຫ້ຊ້າງເອເຊຍສູນເສຍທີ່ຢູ່ອາໄສ. ໃນປັດຈຸບັນ, ຜົນກະທົບຂອງການກະທໍາຂອງມະນຸດແມ່ນ ສົ່ງຜົນໃຫ້ເກີດການສູນເສຍຂອງປະຊາກອນຊ້າງເຖິງ 50.000 ໂຕ, ຍ້ອນຄວາມຂັດແຍ້ງກັນຂອງສັດປ່າ ເເລະ ມະນຸດ. ດ້ວຍເຫດນີ້ ຈຶ່ງເຮັດໃຫ້ຊ້າງເອເຊຍກາຍເປັນຊ້າງທີ່ກຳລັງໃກ້ຈະສູນພັນ ມັນຖືກຈັດຢູ່ໃນບັນຊີແດງຂອງ IUCN ແລະ ຖືກຈັດເປັນສັດສະຫງວນປະເພດ 1 ໃນກົດໝາຍວ່າດ້ວຍການປົກປ້ອງສັດປ່າຂອງຈີນຕັ້ງແຕ່ປີ 1988 ເປັນຕົ້ນມາ.
![](https://laox.la/wp-content/uploads/2023/04/image-216.png)
ໂດຍໃນໄລຍະທຳອິດຂອງ Asian Elephant Protection project ຂອງ IFAW ເລີ່ມຂຶ້ນໃນປີ 2000 , ເຮັດໃຫ້ຄວາມຂັດເເຍ້ງລະຫວ່າງຄົນ ເເລະ ສັດລົດລົງຫຼາຍ. ປັດຈຸບັນ ເຈົ້າໜ້າທີ່ຄຸ້ມຄອງປ່າຄອບຄຸມ 134 ບ້ານ ເເລະ ສະມາຊິກໃນຊຸມຊົນກວ່າ 8.245 ຄົນໄດ້ຮັບການເຝິກອົບຮົມກ່ຽວກັບວິທີການຫຼີກເວັ້ນການຂັດແຍ້ງກັບຊ້າງ.
ຫຼັງຈາກເລີ່ມໂຄງການໄດ້ບໍ່ດົນ ກໍເຂົ້າສູ່ໃນໄລຍະທີສອງ, ໃນໄລຍະນີ້ໄດ້ IFAW ຊຸກຍູ້ອຸດສາຫະກໍາທີ່ຍືນຍົງໃໝ່ໃນພາກພື້ນ ເຊັ່ນ: ການລ້ຽງເຜິ້ງ. ສິ່ງນີ້ສ້າງຄວາມຮັ່ງມີ ແລະການປ່ຽນແປງທາງສັງຄົມໃໝ່ທີ່ສອດຄ່ອງກັບການປົກປ້ອງທີ່ຢູ່ອາໄສຂອງຊ້າງໃນປ່າຝົນ.
ປັດຈຸບັນ, IFAW ພວມດຳເນີນໂຄງການໄລຍະທີ 3 ແນໃສ່ສົມທົບກັບການປ່ຽນແປງທາງດ້ານເສດຖະກິດ ແລະ ສັງຄົມແບບຍືນຍົງເປັນຫົວໃຈຫຼັກກັບຍຸດທະສາດຂອງຈີນ ເພື່ອລົດອັດຕາການປ່ຽນແປງຂອງດິນຟ້າອາກາດ.
“ດຽວນີ້, ພວກເຮົາຕ້ອງການຮັບປະກັນວ່າຊຸມຊົນເຫຼົ່ານີ້ ກຳລັງຊ່ວຍເຫຼືອຊ້າງດ້ວຍນະວັດຕະກຳທາງເສດຖະກິດທີ່ຊ່ວຍໃຫ້ຈີນບັນລຸຄວາມເປັນກາງຂອງຄາບອນ”
![](https://laox.la/wp-content/uploads/2023/04/image-217.png)
ຕັ້ງເເຕ່ປີ 2000 – 2005, IFAW ໄດ້ສະໜອງສິນເຊື່ອຈຸລະພາກໃຫ້ແກ່ຊຸມຊົນທ້ອງຖິ່ນ, ໂດຍສະເພາະເເມ່ນກຸ່ມເເມ່ຍິງ ເພື່ອຊ່ວຍໃຫ້ພວກເຂົາຫັນປ່ຽນໄປປູກພືດທີ່ຊ້າງບໍ່ກິນ ເເລະ ມີມູນຄ່າທາງເສດຖະກິດສູງ. ໂຄງການດັ່ງກ່າວຄອບຄຸມກວ່າ 210 ຄົວເຮືອນຈາກ 7 ບ້ານ ເເລະ ສົ່ງຜົນໃຫ້ມີການເພີ່ມຂຶ້ນໂດຍສະເລ່ຍຂອງລາຍໄດ້ 35% ກັບອັດຕາການຈ່າຍຄືນ 100%.
ໃນໄລຍະ 2 -3 ປີທີ່ຜ່ານມານີ້, ໂຄງການດັ່ງກ່າວໄດ້ບັນລຸຜົນສຳເລັດອັນໃຫຍ່ຫຼວງໃນການສົ່ງເສີມທຸລະກິດລ້ຽງເຜິ້ງ ແລະ ການຜະລິດນ້ຳເຜິ້ງແບບຍືນຍົງ, ເປັນຕົ້ນແມ່ນທຸລະກິດການປູກໝາກໄມ້ເຂດຮ້ອນ ແລະ ໝາກມ່ວງຫິມະພານ, ເຊິ່ງເປັນທາງເລືອກເເທນການປູກຢາງພາລາເເບບດັ້ງເດີມທີ່ສົ່ງຜົນອັນຕະຫຼາຍຕໍ່ຄຸນະພາບຂອງດິນ, ການຮັກສານ້ຳ ເເລະ ການປົກປ້ອງປ່າຝົນ.
![](https://laox.la/wp-content/uploads/2023/04/image-218.png)
ເພື່ອຮັບປະກັນໂຄງການປົກປ້ອງຊ້າງເອເຊຍຂອງ IFAW ຈະຊ່ວຍເລັ່ງການຂັບເຄື່ອນຂອງຈີນໃນການລົດຜ່ອນການປ່ອຍອາຍຄາບອນ, IFAW ແລະ ຄູ່ຮ່ວມງານທ້ອງຖິ່ນຂອງຕົນໄດ້ພັດທະນາຮູບແບບຊຸມຊົນໃນການກັກເກັບກາກບອນດ້ວຍນະວັດກໍາໃໝ່ ທີ່ປະສົມປະສານກັບການອະນຸລັກຊ້າງເອເຊຍ, ການກັບເກັບຄາບອນໂດຍການຈັບຄາບອນຢູ່ໃນຕົ້ນໄມ້ ແລະ ດິນ. ການຍຶດເອົາກາກບອນຕໍ່ສູ້ກັບການປ່ຽນແປງຂອງດິນຟ້າອາກາດໂດຍຜ່ານການກໍາຈັດຄາບອນໄດອອກໄຊໃນໄລຍະຍາວ.
ສ່ວນໜຶ່ງຂອງໂຄງການກໍຄື ແຜນການປູກຕົ້ນໄມ້ທີ່ເປັນມິດກັບສິ່ງແວດລ້ອມ, ສົ່ງເສີມລາຍໄດ້ໃນຂະນະທີ່ປົກປັກຮັກສາທີ່ຢູ່ອາໄສຂອງຊ້າງໄປນຳ. ແຜນການດັ່ງກ່າວໄດ້ນຳໃຊ້ວິທີການຄິດໄລ່ ແລະ ລົດການປ່ອຍອາຍຄາບອນແບບພິເສດ ເພື່ອວັດແທກການກັກເກັບຄາບອນໃນລະດັບບ້ານ, ໂດຍອີງໃສ່ການຮັບເອົາແຫຼ່ງພະລັງງານແສງຕາເວັນມາໃຊ້ ແລະ ການຫັນປ່ຽນໄປສູ່ການປູກພືດທົດແທນທີ່ດັກຈັບເອົາຄາບອນໄດ້ຫຼາຍເຊັ່ນ: ໝາກມ່ວງ ແລະ ໝາກຂາມ. ພືດຜົນເຫຼົ່ານີ້ສາມາດປູກໄດ້ຢູ່ໃກ້ກັບໝູ່ບ້ານ ເພື່ອໃຫ້ປະຊາຊົນຫຼີກເວັ້ນການບຸກເບີກປ່າເພື່ອຕັດຕົ້ນໄມ້.
ໃນເດືອນສິງຫາ ປີ 2021, IFAW, Swire Coca-Cola ແລະ Xishuangbanna Tropic Rainforest Conservation Foundation (XTRCF) ໄດ້ເຂົ້າຮ່ວມກໍາລັງເພື່ອຂະຫຍາຍໂຄງການທີ່ມີຢູ່ແລ້ວໃນ Daotangqing ໄປສູ່ຊຸມຊົນອື່ນໆ.
“ພວກເຮົາຫວັງວ່າຈະປະກອບສ່ວນເຂົ້າໃນການອະນຸລັກຊີວະນານາພັນ ແລະ ເປົ້າໝາຍການລົດຜ່ອນຂອງກາກບອນຂອງຈີນໃນປີ 2060 ໂດຍການຄົ້ນຄວ້າ ແລະ ແບ່ງປັນນະວັດຕະກຳລະດັບບ້ານ”
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/