ສຳລັບຊີຣີ້ລາວເຮົາເລື່ອງ My Melody ກໍກຳລັງເປັນທີ່ນິຍົມຫຼາຍພໍສົມຄວນ ເພາະເປັນເລື່ອງທີ່ໜ້າສົນໃຈ ແລະ ໜ້າຕິດຕາມເປັນທີ່ສຸດ, ບົດບາດຕົວລະຄອນກໍຖືກໃຈໃຜຫຼາຍຄົນ ໂດຍສະເພາະໄວໜຸ່ມເຮົາ, ພ້ອມກັບມີຄົບທຸກອາລົມ, ນັກສະແດງນ້ອງໃໝ່ກໍເກັ່ງສະແດງເຖິງບົດບາດ ເບິ່ງແລ້ວເຮັດໃຫ້ມ່ວນທັງກາຍ ແລະ ຈິດໃຈໄປຕາມໆກັນ.
ມື້ນີ້ເຮົາຈະມານຳສະເໜີກ່ຽວກັບຄວາມໜ້າຮັກຂອງນ້ອງ ມິມີ່ ຜູ້ທີ່ສະແດງເປັນນາງເອກຂອງເລື່ອງ ທັງຊີວິດຈິງກັບບົດບາດການສະແດງວ່າຈະຄ້າຍຄື ຫຼື ແຕກຕ່າງກັນຢ່າງໃດ.
ມິມີ່ ຊື່ແທ້ແມ່ນ: ບຸດສະບາ ພິດອານົງ ອາຍຸ 21 ປີ ກຳລັງສຶກສາທີ່ ຣັດຕະນະ ຮຽນການເງິນ-ການທະນາຄານ, ເຮັດວຽກສັງກັດ Tara Academy.
ເລື່ອງ My Melody: ຮັບບົດເປັນ ຢາດຟ້າ ນາງເອກຂອງເລື່ອງ, ຕົວລະຄອນຈະເປັນຄົນດື້, ເວົ້າເກັ່ງ, ຂີ້ນ້ອຍໃຈ, ເມື່ອມີຄວາມຕັ້ງໃຈຢາກເຮັດສິ່ງໃດຕ້ອງເຮັດໃຫ້ສຳເລັດ.
ຕົວຈິງກັບຕົວລະຄອນ: ຂ້ອນຂ້າງຄືກັນເປະເລີຍ ເພາະຕົວຈິງກໍຂີ້ດື້ເວົ້າເກັ່ງ.
ຄົນທີ່ສະໜິດທີ່ສຸດໃນກອງຖ່າຍ: ແມ່ນສະໜິດກັບເກືອບທຸກຄົນເລີຍໂດຍສະເພາະ ເຈແປນ, ແມັກ, ເຕີ້ຍ ກາຍເປັນໝູ່ກັນແທ້ໆ ຕົວຕິດກັນຕະຫຼອດ.
ສາຍາທີ່ໄດ້ຮັບໃນກອງ: ແມ່ນ ຕາເວັນດວງນ້ອຍໆ, ເໝັ່ງ ເພາະຫົວລ້ານ
ຜົນງານທີ່ຜ່ານມາ: ຊະນະການປະກວດ Miss Sofy Girl 2018 ຖ່າຍແບບ ຖ່າຍໂຄສະນາຕ່າງໆ.
ເວລາວ່າງ: ແມ່ນມັກເຮັດເຂົ້າໜົມ, ອ່ານປຶ້ມ, ຖ່າຍຮູບ.
ໃນອະນາຄົດ: ຢາກເປັນນັກສະແດງທີ່ປະສົບຄວາມສຳເລັດ ແລະ ທຸກຄົນຍອມຮັບໃນຄວາມສາມາດ
ສຸດທ້າຍນີ້ ມີ່ຂໍຝາກຜົນງານຊີຣີ້ My Melody ທຳນອງຫົວໃຈ ໄວລຸ້ນປັ້ນຝັນ, ເຊິ່ງເປັນຊີຣີ້ເລື່ອງທຳອິດຂອງມີ່. ຢາກບອກວ່າມີ່, ນັກສະແດງ ແລະ ທີມງານທຸກຄົນຕັ້ງໃຈກັບຜົນງານນີ້ຫຼາຍ ຊ່ວຍສະໜັບສະໜູນຜົນງານຂອງຄົນລາວນຳກັນແນ່ເດີ
ຂອບໃຈບົດສຳພາດໂດຍ: ບຸດສະບາ ພິດອານົງ (ມິມີ່)
ເຟສບຸກ: Mimi Boutsaba
ສຳພາດວັນທີ: 21 ກັນຍາ 2021
ຕິດຕາມຂ່າວທັງໝົດຈາກ LaoX: https://laox.la/all-posts/
