ລັດຖະບານຕຸຣເຄຍໄດ້ເພີ່ມຄ່າແຮງຂັ້ນຕ່ຳຂຶ້ນສູງອີກເທື່ອໜຶ່ງ. ທ່າມກາງວິກິດການຄ່າໃຊ້ຈ່າຍໃນການດໍາລົງຊີວິດທີ່ຍືດເຍື້ອ, ສົ່ງຜົນໃຫ້ຄວາມພະຍາຍາມທີ່ຈະຄວບຄຸມອັດຕາເງິນເຟີ້ທີ່ຊໍາເຮື້ອໄດ້ກາຍເປັນບັນຫາທີ່ຊັບຊ້ອນຫຼາຍຂຶ້ນ.
ທ່ານ Vedat Ishikhan, ນາຍົກລັດຖະມົນຕີກະຊວງແຮງງານຂອງຕຸຣເຄຍໄດ້ກ່າວໃນວັນພຸດທີ່ຜ່ານມາວ່າ ຈະເພີ່ມຄ່າຈ້າງຂັ້ນຕໍ່າໃນແຕ່ລະເດືອນຈະຢູ່ທີ່ 17,002 lira (578.31 ໂດລາສະຫະລັດ) ໃນປີ 2024, ເຊິ່ງເພີ່ມຂຶ້ນ 49% ເມື່ອທຽບກັບຄ່າຈ້າງທີ່ເພີ່ມຂຶ້ນໃນເດືອນກໍລະກົດ ແລະ ເພີ່ມຂຶ້ນເຖິງ 100% ເມື່ອທຽບກັບຄ່າຈ້າງທີ່ເພີ່ມຂຶ້ນໃນເດືອນມັງກອນ.
“ພວກເຮົາຍິນດີທີ່ຈະປະຕິບັດຕາມຄຳໝັ້ນສັນຍາທີ່ໃຫ້ໄວ້ເພື່ອປ້ອງກັນບໍ່ໃຫ້ຄົນງານຂອງພວກເຮົາຖືກກົດດັນຈາກໄພເງິນເຟີ້, ໂດຍໃນຕອນນີ້ມີປະມານ 1 ໃນ 3 ຂອງ 86 ລ້ານຄົນໄດ້ຮັບຄ່າຈ້າງຂັ້ນຕ່ຳ ແລະ ເງິນເດືອນອື່ນໆເພິ່ມຂຶ້ນຈາກເງິນເດືອນພື້ນຖານຂອງພວກເຂົາ”
ວິກິດການທາງດ້ານການເງິນໃນທ້າຍປີ 2021 ໄດ້ຈູດຊະນວນໄພເງິນເຟີ້ທີ່ຮ້າຍແຮງທີ່ສຸດຂອງຕຸຣເຄຍ, ກ່ອນທີ່ຈະເພີ່ມຂຶ້ນແຕະລະດັບສູງສຸດໃນຮອບ 24 ປີທີ່ 85.51% ໃນເດືອນຕຸລາ ປີ 2022, ແລະໃນປີນີ້ສະກຸນເງິນ lira ຂອງຕຸຣເຄຍຍັງຄົງອ່ອນຄ່າລົງຢ່າງຕໍ່ເນື່ອງ ເຮັດໃຫ້ສູນເສຍມູນຄ່າປະມານ 35% ເມື່ອທຽບກັບເງິນໂດລາໃນປີນີ້. ນອກຈາກນີ້ ຄ່າໃຊ້ຈ່າຍສິ່ງຂອງຕ່າງໆໃນຄົວເຮືອນຍັງເພິ່ມສູງຂຶ້ນ ສົ່ງຜົນໃຫ້ປະຊາຊົນຕ້ອງປະສົບກັບບັນຫາຢ່າງໃຫຍ່ຫຼວງ
ຢ່າງໃດກໍຕາມ, ນະໂຍບາຍການເພິ່ມຄ່າແຮງງານທີ່ສູງຂຶ້ນມີບົດບາດອັນໃຫຍ່ຫຼວງໃນການແກ້ໄຂອັດຕາເງິນເຟີ້, ອັດຕາເງິນເຟີ້ໄດ້ປັບຕົວຂຶ້ນເລັກນ້ອຍທີ່ 62% ໃນເດືອນພະຈິກເຊິ່ງເປັນລະດັບສູງສຸດໃນປີນີ້ ເຊິ່ງເປັນລະດັບສູງສຸດໃນປີນີ້ ແຕ່ຕໍ່າກວ່າທີ່ຄາດໄວ້ເລັກນ້ອຍ. ນີ້ເປັນສັນຍານວ່າຮອບວຽນການເພີ່ມອັດຕາດອກເບ້ຍຢ່າງຮຸນແຮງຂອງຕຸຣເຄຍອາດຈະມີຄວາມຕ້ອງການຫຼຸດລົງແລ້ວ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
