ບໍລິສັດ China Aoyuan Group ໄດ້ຍື່ນຂໍພິທັກຊັບຕາມມາດຕາ 15 ຂອງສານລົ້ມລະລາຍໃນສະຫະລັດອາເມຣິກາ ໃນນະຄອນນິວຢອກ ໃນວັນທີ 20 ທັນວາ 2023 ທີ່ຜ່ານມາ ຕາມເວລາໃນສະຫະລັດ ເຊິ່ງນັບເປັນບໍລິສັດອະສັງຫາລິມະຊັບຈີນລາຍຫຼ້າສຸດ ທີ່ຕ້ອງຍື່ນສານລົ້ມລະລາຍໃນສະຫະລັດ ເພື່ອຂໍຟື້ນຟູກິດຈະການໃນຕ່າງປະເທດ.
ບໍລິສັດ China Aoyuan Group ມີສຳນັກງານໃຫຍ່ໃນກວ່າງໂຈ ມີລາຍການໜີ້ສິນໃນຕ່າງປະເທດທັງໝົດປະມານ 6,000 ລ້ານໂດລາສະຫະລັດ ໃນທ້າຍປີ 2022 ແລະ ກຳລັງຢູ່ໃນລະຫວ່າງຂະບວນການຂໍປັບໂຄງສ້າງຟື້ນຟູກິດຈະການຕໍ່ສານໃນຮ່ອງກົງ, ເກາະເຄແມນ ແລະ ເກາະບຣິຕິສ ເວີຈິນ ຫຼັງຈາກທີ່ບໍລິສັດເລີ່ມຜິດນັດຊຳລະໜີ້ຮຸ້ນກູ້ຕັ້ງແຕ່ປີຜ່ານມາ.
ກ່ອນໜ້ານີ້ ບໍລິສັດ China Evergrande Group ແລະ ບໍລິສັດ Sunac China Holdings ເຊິ່ງເປັນໜຶ່ງໃນບໍລິສັດທີ່ຢູ່ໃນກຸ່ມອະສັງຫາທີ່ໃຫຍ່ທີ່ສຸດໃນຈີນ ກໍໄດ້ຍື່ນສານລົ້ມລະລາຍໃນສະຫະລັດໄປແລ້ວ ເນື່ອງຈາກບໍລິສັ ລາຍໃຫຍ່ເຫຼົ່ານີ້ລ້ວນມີສິນຊັບໃນຕ່າງປະເທດ ແລະ ເຈົ້າໜີ້ຕ່າງປະເທດຈຳນວນຫຼາຍ ເຮັດໃຫ້ບໍລິສັດຕ້ອງຍື່ນຂະບວນການຂໍພິທັກຊັບນອກຈີນ ແລະ ຮ່ອງກົງ.
ຂໍ້ມູນຈາກ: Bangkok biznews
ຕິດຕາມຂ່າວທັງໝົດຈາກ LaoX: https://laox.la/all-posts/