ການຮັກສາສິ່ງແວດລ້ອມຄືໜ້າທີ່ຂອງທຸກຄົນ ແລະ ການເບິ່ງແຍງຕົນເອງໂດຍສະເພາະໃນດ້ານຄວາມງາມນີ້ກໍເປັນສິ່ງທີ່ສຳຄັນຫຼາຍສຳລັບທຸກຄົນໂດຍສະເພາະສາວໆດັ່ງສຸພາສິດເພິ່ນວ່າ “ໄກ່ງາມຍ້ອນຂົນຄົນງາມຍ້ອນແຕ່ງ” ໂດຍສະເພາະສະໄໝນີ້ທີ່ຄົນຫັນມາໃສ່ໃຈຕົນເອງຫຼາຍຂຶ້ນ ແຕ່ຈະເຮັດແນວໃດໃຫ້ເຮົາສາມາດງາມໄປພ້ອມຊ່ວຍໂລກໄປພ້ອມໄດ້? ສະນັ້ນ,ທຸກຄົນບໍ່ຄວນພາດຄວາມງາມ 8 ວິທີໂລກສີຂຽວທີ່ພວກເຮົາທຸກຄົນສາມາດປັບໃຊ້ໃນຊີວິດປະຈຳວັນ
- ໃຊ້ຜະລິດຕະພັນຄວາມງາມທີ່ມີສ່ວນປະສົມຈາກທຳມະຊາດ
ຄວນເລືອກໃຫ້ແນ່ໃຈວ່າຜະລິດຕະພັນທີ່ເຮົາໃຊ້ແມ່ນປາສະຈານສານເຄມີທີ່ອັນຕະລາຍເຊິ່ງມັນບໍ່ພຽງແຕ່ຊ່ວຍເລື່ອງຜິວພັນເຮົາເທົ່ານັ້ນແຕ່ມັນຍັງຊ່ວຍຫຼຸດຜົນກະທົບຕໍ່ວິ່ງແວດລ້ອມອີກດ້ວຍ
- ຫຼຸດຜ່ອນການນຳໃຊ້ພລາສຕິກ
ພະຍາຍາມຫຼີກເວັ້ນຜະລິດຕະພັນທີ່ບັນຈຸໃນພລາສຕິກ ແນະນຳໃຫ້ເລືອກໃຊ້ຜະລິດຕະພັນທີ່ບັນຈຸໃນວັດສະດຸທີ່ສາມາດຣີໄຊເຄິນ (recycle) ຫຼື ຍ່ອຍສະຫຼາຍໄດ້ເຊັ່ນ: ເຈ້ຍ ຫຼື ແກ້ວເປັນຕົ້ນ
- ໃຊ້ຜະລິດຕະພັນຄວາມງາມທີ່ໃຊ້ໄດ້ຫຼາກຫຼາຍວັດຖຸປະສົງ
ພະຍາຍາມບໍ່ຊື້ຜະລິດຕະພັນໃຊ້ສະເພາະຈຸດເປັນຈຳນວນຫຼາຍ ແຕ່ໃຫ້ເລືອກໃຊ້ຜະລິດຕະພັນທີ່ສາມາດໃຊ້ໄດ້ຫຼາຍຈຸດແທນເຊັ່ນ: ຄຣີມທາໜ້າທີ່ສາມາດໃຊ້ທາຜິວ ຫຼື ລິບສະຕິກທີ່ທາຕາທາແກ້ມໄດ້ນຳເປັນຕົ້ນ ເພື່ອຫຼຸດຜ່ອນປະລິມານຂີ້ເຫຍື້ອ, ຫຼຸດຜ່ອນການຜະລິດສິນຄ້າສິ້ນເປືອງ ແລະ ເປັນການປະຢັດໄປໃນຕົວ
- ຫຼຸດຜ່ອນການໃຊ້ນ້ຳ
ຄວນໃຊ້ນ້ຳຢ່າງປະຢັດໃນຂະນະທີ່ທຳຄວາມສະອາດໜ້າ ແລະ ລ້າງເຄື່ອງສຳອາງ ບໍ່ເປີດນ້ຳຖິ້ມໄວ້ເປັນເວລາດົນ
- ໃຊ້ຜະລິດຕະພັນທີ່ບໍ່ທົດລອງກັບສັດ
ການເລືອກໃຊ້ຜະລິດຕະພັນທີ່ບໍ່ທົດລອງກັບສັດຖືວ່າເປັນອີກວິທີໜຶ່ງໃນການສະແດງອອກເຖິງຄວາມຮັບຜິດຊອບຕໍ່ສິ່ງມີຊິວິດດ້ວຍກັນເພື່ອບໍ່ບຽດບຽນຊີວິດຂອງສັດໂດຍບໍ່ຈຳເປັນ ແລະ ຍັງຊ່ວຍຮັກສາສິ່ງແວດລ້ອມ
- ນຳໃຊ້ຜະລິດຕະພັນທີ່ເປັນມິດກັບສິ່ງແວດລ້ອມ
ເລືອກຜະລິດຕະພັນທີ່ຜະລິດຈາກຂະບວນການທີ່ບໍ່ທຳລາຍສິ່ງແວດລ້ອມເຊັ່ນ: ໃຊ້ຜະລິດຕະພັນທີ່ຜະລິດຈາກພະລັງງານທົດແທນ ຫຼື ຜະລິດຕະພັນທີ່ສາມາດຊື້ມາເຕີມໄດ້ເລື້ອຍໆ (Refill)
- ທຳຄວາມສະອາດ ແລະ ຣີໄຊເຄິນບັນຈຸພັນ
ຫຼັງໃຊ້ຜະລິດຕະພັນໝົດແລ້ວຢ່າລືມທີ່ຈະທຳຄວາມສະອາດບັນຈຸພັນ ແລະ ນຳໄປຣີໄຊເຄິລເພື່ອຫຼຸດປະລິມານຂີ້ເຫຍື້ອ
- ສະໜັບສະໜູນແບຣນທີ່ມີຄວາມຮັບຜິດຊອບຕໍ່ສິ່ງແວດລ້ອມ
ການສະໜັບສະໜູນແບຣນທີ່ມີນະໂຍບາຍດ້ານຄວາມຍືນຍົງ ແລະ ມີຄວາມຮັບຜິດຊອບຕໍ່ສິ່ງແວດລ້ອມສາມາດຊ່ວຍສະໜັບສະໜູນການດຳເນີນງານທີ່ມີຄວາມຮັບຜິດຊອບຕໍ່ໂລກໄປພ້ອມໆກັນ
ຂອບໃຈຂໍ້ມູນຈາກ: https://thestandard.co/life/sustainable-beauty-with-8-green-strategy/
ຕິດຕາມຂ່າວທັງໝົດຈາກ LaoX: https://laox.la/all-posts/
