ຂໍສະແດງຄວາມຍິນດີກັບປະເທດລາວເຮົາ, ເມື່ອວັນທີ 28 ພະຈິກ 2021 ທີ່ຜ່ານມາ ໄດ້ຮັບວັກຊີນ AstraZeneca ຈໍານວນ 631,200 ໂດສ.
ການຊ່ວຍເຫຼືອໃນຮອບນີ້ ກໍແມ່ນອົງການໂຄແວັກ COVAX FACILITY ແລະ UNICEF ເປັນອົງການທີ່ດີທີ່ສຸດ ແລະ ຍັງຄົງຊ່ວຍເຫຼືອຢູ່ສະເໝີມາ ແລະ ກໍຄົງຕະຫຼອດໄປ ຈົນສິ້ນສຸດການແຜ່ລະບາດ. ຈຸດປະສົງໃນການຊ່ວຍເຫຼືອຂອງອົງການນີ້ ກໍເພື່ອຈະໃຫ້ປະເທດຊາດບ້ານເມືອງລາວເຮົາຫຼຸດພົ້ນຈາກພະຍາດໂຄວິດ-19 ໂດຍໄວ.
ນັບມື້ການເພີ່ມຂຶ້ນຂອງຈຳນວນຜູ້ຕິດເຊື້ອຍິ່ງໄປໜ້າເລື້ອຍໆ ທາງອົງການຈຶ່ງຕ້ອງໄດ້ສະໜອງມາຢ່າງຕໍ່ເນື່ອງ ເພື່ອຈະນຳເອົາໄປສັກໃຫ້ປະຊາຊົນຂອງແຜ່ນດິນລາວເຮົາ ແລະ ວັກຊີນຈຳນວນ 631,200 ໂດສ ກໍຈະຖືກນຳໄປໂຮງໝໍແຕ່ລະແຂວງທົ່ວປະເທດລາວ.
ຕ້ອງຂໍຂອບໃຈສຳລັບໂຄງການ COVAX ທີ່ໃຫ້ການສະໜັບສະໜູນລັດຖະບານລາວ ແລະ ຊ່ວຍເຫຼືອປະເທດລາວມາໂດຍຕະຫຼອດ. ໃນການສັກວັກຊີນໃຫ້ແກ່ປະຊາຊົນລາວນີ້ ແມ່ນໃຫ້ໄດ້ຢ່າງໜ້ອຍ 70% ຂອງຈຳນວນປະຊາກອນ ກ່ອນທ້າຍປີ 2021.
ວັກຊີນ AstraZeneca ຊຸດນີ້ ແມ່ນປະກອບສ່ວນໂດຍກົງຈາກໂຄງການ COVAX Facility ຈໍານວນ 132,000 ໂດສ; ປະກອບສ່ວນຈາກ ຟິນແລນ ຈຳນວນ 100,800 ໂດສ; ຈາກສະວີເດນ ຈຳນວນ 199,200 ໂດສ ແລະ ຈາກເນເທີແລນ ຈຳນວນ 199,200 ໂດສ.
ຂອບໃຈຂໍ້ມູນຈາກ:
ຂອບໃຈຂໍ້ມູນຈາກ: https://bit.ly/3pcHwOB
ຕິດຕາມຂ່າວທັງໝົດຈາກ LaoX: https://laox.la/all-posts/