ນັບໄດ້ວ່າເປັນຂ່າວດີຫຼາຍ ໃຫ້ແກ່ຊາວຫວຽດນາມປະເທດເພື່ອນບ້ານຂອງລາວເຮົາ ທີ່ສາມາດຄວ້າ 12 ທີມສຸດທ້າຍ ຮອບຄັດເລືອກບານໂລກເອເຊຍ 2022 ໄດ້ ຫຼື 2022 FIFA World Cup Qualification (AFC), ເຊິ່ງໄດ້ສ້າງປະຫວັດສາດໃຫ້ແກ່ທີມຊາດຫວຽດນາມ ແລະ ຄົນທົ່ວປະເທດເລີຍກໍວ່າໄດ້ ພ້ອມກັບໝູ່ຕ່າງທີມກໍໄດ້ຮ່ວມສະແດງຄວາມຍິນດີໄປດ້ວຍກັນ.
ພາຍຫຼັງທີ່ ທີມຊາດຫວຽດນາມ ສາມາດເອົາຊະນະທີມຊາດມາເລເຊຍດ້ວຍປະຕູ 2-1 ຄວ້າ 3 ແຕ້ມໄດ້, ເຊິ່ງຜົນງານຂອງພວກເຂົາແມ່ນດີກວ່າ 2 ນັດຫຼ້າສຸດ, ສະຖານະການຂອງເກມຮຸກຂອງພວກເຂົານັ້ນມີປະສິດທິພາບຫຼາຍ, ໃນນາທີທຳອິດອາດຈະຫຼິ້ນບໍ່ຄ່ອຍລົງຮອຍ ເນື່ອງຈາກສະພາບຮ່າງກາຍຂອງນັກເຕະທີ່ອິດເມື່ອຍອ່ອນແຮງຈາກການເຕະໃນນັດທີ່ຜ່ານມາ.
ຫຼັງຈາກການແຂ່ງທີ່ພົບກັບທີມຊາດມາເລເຊຍ ກໍໄດ້ປ່ຽນຕຳແໜ່ງການຫຼິ້ນ ຈົນມີປະສິດທິພາບສູງຂຶ້ນ ສາມາດຍິງໄດ້ 2 ປະຕູຕໍ່ 1 ເຮັດໃຫ້ໄດ້ເຂົ້າຮອບ 12 ທີມສຸດທ້າຍໄດ້ຢ່າງພາກພູມໃຈ. ໃນຂະນະດຽວກັນ ທາງແຟນໆກໍດີໃຈໄປຕາມໆກັນ.
ຫຼ້າສຸດເວັບໄຊທາງການຂອງ ສະຫະພັນບານເຕະຫວຽດນາມໄດ້ຮັບເງິນອັດສີດເປັນເງິນຮາງວັນຕອບແທນຄວາມປະສົບຜົນສຳເລັດໃນຄັ້ງນີ້ ເປັນມູນຄ່າກວ່າ 1 ພັນລ້ານດົງ ແລະ ມີກຸ່ມບໍລິສັດ ຮຸງ ຕິ່ງ ສົມທົບຕື່ມອີກເປັນຈຳນວນ 2 ພັນລ້ານດົງ ແລະ ອີກຫຼາຍຈຳນວນ ທີ່ທາງຜູ້ສະໜັບສະໜູນມອບໃຫ້ ເປັນຈຳນວນຫຼວງຫຼາຍ ເຮັດໃຫ້ຍອດລວມສະສົມຫຼາຍເກີນຄາດໝາຍ.
ກໍຖືໄດ້ວ່າເປັນອີກປາກົດການໜຶ່ງ ທີ່ໄດ້ເຂົ້າຮອບຄັດເລືອກບານໂລກເອເຊຍ 2022 ຢ່າງພາກພູມໃຈ ແລະ ກໍຂໍສະແດງຄວາມຍິນດີກັບປະເທດເພື່ອນບ້ານເຮົາໃນຄັ້ງນີ້ດ້ວຍ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
