ການຂົນສົ່ງສິນຄ້າທາງລົດໄຟທັງສອງເສັ້ນທາງຂ້າມຊາຍແດນລາວ-ຈີນ ຕາມທີ່ດ່ານພາສີບໍ່ເຕັນ ແຂວງຫຼວງນໍ້າທາ ເພີ່ມຂຶ້ນ 2 ເທົ່າໃນປີຜ່ານມາ.
ຕົວເລກຂອງຫ້ອງການປະສານງານ ການກະເສດຢູ່ດ່ານພາສີສາກົນບໍ່ເຕັນ ຊີ້ໃຫ້ເຫັນວ່າ ການຂົນສົ່ງແຮ່ເຫຼັກ, ແປ້ງມັນຕົ້ນ, ໝາກເດື່ອ, ໝາກກ້ວຍ, ຢາງພາລາ, ທຸລະກິດ ແລະ ໝາກມ່ວງເພີ່ມຂຶ້ນຢ່າງຫຼວງຫຼາຍໃນປີທີ່ຜ່ານມາ.
ຫ້ອງການພາສີບໍ່ເຕັນ ເປັນໜ່ວຍງານທີ່ຕ້ອງຮັບຜິດຊອບໃນການກວດສອບ ເອກະສານການສົ່ງອອກ ລວມເຖິງວັດຖຸ ຫຼື ສິ່ງທີ່ຢູ່ໃນຕູ້ຄອນເທນເນີທີ່ສົ່ງອອກ, ພ້ອມທັງຮັບປະກັນການຂົນສົ່ງສິນຄ້າຕໍ່ໄປໃຫ້ປອດໄພ.
ທ່ານ ຕູ້ ຈືກາງ ຜູ້ຮັບຜິດຊອບ ພະແນກ ຂົນສົ່ງ ຂອງບໍລິສັດ ທາງລົດໄຟ ລາວ-ຈີນ ກ່າວວ່າ ຫ້ອງການພາສີ ຢູ່ສະຖານີ ບໍ່ເຕັນ ມີບົດບາດສໍາຄັນໃນການ ສົ່ງອອກ ແລະ ນໍາເຂົ້າ ສິນຄ້າ ເພາະເປັນດ່ານທໍາອິດ ແລະ ດ່ານສຸດທ້າຍຂອງລາວໃນການນຳເຂົ້າ ສົ່ງອອກສິນຄ້າໄປຈີນ. ການຂົນສົ່ງສິນຄ້າທັງໝົດທີ່ຜ່ານສະຖານີນີ້ຕ້ອງໄດ້ຮັບການກວດກາ ແລະ ຂັ້ນຕອນທີ່ຖືກຕ້ອງ ກ່ອນທີ່ຈະເກັບກູ້ຕູ້ຄອນເທນເນີເພື່ອຂົນສົ່ງຕໍ່ໄປລາວ ຫຼື ຈີນ.
ກ່ຽວກັບການຂົນສົ່ງສິນຄ້າຜ່ານດ່ານຊາຍແດນບໍ່ເຕັນແຕ່ປີ 2021 ຫາ 2023, ການຂົນສົ່ງກໍ່ເພີ່ມຂຶ້ນຢ່າງຫຼວງຫຼາຍ. ແຕ່ເດືອນມັງກອນຫາເດືອນມິຖຸນາປີນີ້, ປະລິມານການຂົນສົ່ງສິນຄ້າໄດ້ເພີ່ມຂຶ້ນເປັນສອງເທົ່າເມື່ອທຽບໃສ່ປີ 2022.
ປັດຈຸບັນ, ລົດໄຟຂົນສົ່ງສິນຄ້າເດີນທາງຈາກລາວໄປຈີນ 7-8 ຖ້ຽວໃນແຕ່ລະມື້, ໃນຂະນະທີ່ການຂົນສົ່ງສິນຄ້າເຂົ້າລາວຈາກຈີນ 5-6 ເທື່ອຕໍ່ມື້.
ສິນຄ້າທີ່ສົ່ງໄປຈີນ ສ່ວນໃຫຍ່ ປະກອບດ້ວຍ ແຮ່ເຫຼັກ, ແປ້ງມັນຕົ້ນ, ໝາກເດື່ອ, ໝາກກ້ວຍ, ຢາງພາລາ, ຖົ່ວລຽນ ແລະ ໝາກມ່ວງ ຈາກໄທ, ສ່ວນສິນຄ້າ ທີ່ເຂົ້າມາລາວ ລວມມີ ຝຸ່ນເຄມີ, ພາຫະນະໄຟຟ້າ ອື່ນໆ.
ດ້ວຍປະລິມານການຂົນສົ່ງທາງລົດໄຟ ລາວ-ຈີນ ເພີ່ມຂຶ້ນຢ່າງຕໍ່ເນື່ອງ, ເຮັດໃຫ້ປະຊາຊົນຜູ້ທີ່ອາໄສຢູ່ໃກ້ເສັ້ນທາງລົດໄຟໃນລາວ ແມ່ນໄດ້ຊົມໃຊ້ຜົນປະໂຫຍດຈາກການຂົນສົ່ງທາງລົດໄຟ ແລະ ປູກພືດພັນເພື່ອຂົນສົ່ງໄປຈີນຫຼາຍຂຶ້ນ ເຊິ່ງຖືເປັນການປະກອບສ່ວນເຂົ້າໃນການຊຸກຍູ້ເສດຖະກິດຂອງລາວ.
ທີ່ມາ:
https://www.facebook.com/crifm93/videos/294025916746814
ຕິດຕາມຂ່າວທັງໝົດຈາກ LaoX: https://laox.la/all-posts/