Dann Roosegaarde ນັກອອກແບບຊາວເນເທີແລນ ໄດ້ຮ່ວມງານກັບນັກພຶກສາສາດ ນຳສິລະປະມາປະສົມປະສານກັບວິທະຍາສາດ ໄດ້ອອກແບບໂຄງການ “Grow” ດ້ວຍການໃຊ້ແສງສີແດງ, ສີຟ້າຂອງໄຟ LED ແລະ ລັງສີ UV ປ່ຽນສວນຕົ້ນກະທຽມທຳມະດາໃຫ້ເປັນສວນເຮືອງແສງໃນພື້ນທີ່ຂະໜາດໃຫຍ່ເຖິງ 20,000 ຕາແມັດ ເພື່ອສົ່ງເສີມໃຫ້ເຫັນເຖິງຄວາມສຳຄັນຂອງການກະສິກຳ ແລະ ການພັດທະນາທາງວິທະຍາສາດທີ່ສົ່ງເສີມໃຫ້ປູກພືດ.
![](https://laox.la/wp-content/uploads/2021/03/image-358.png)
ນອກຈາກຄວາມສວຍງາມທີ່ດຶງດູດຜູ້ຄົນຫັນມາສົນໃຈສວນກະທຽມ Dann Roosegaarde ຍັງມີເປົ້າໝາຍທີ່ຈະຊ່ວຍໃຫ້ຜົນຜະລິດຂອງພືດເຕີບໃຫຍ່ມີຜົນຜະລິດດີຂຶ້ນ ແລະ ລົດການໃຊ້ຢາຂ້າແມງໄມ້ລົງເຖິງ 50%. ແສງສີຟ້າ ແລະ ສີແດງແຕ່ກ່ອນແມ່ນໃຊ້ໃນບ້ານເຮືອນແກ້ວ ແລະ ຟາມແນວຕັ້ງ ສາມາດນຳມາເປັນປະໂຫຍດກັບພືດໃນເນເທີແລນ ເພື່ອສົ່ງຜົນໃນວົງກວ້າງໄດ້.
![](https://laox.la/wp-content/uploads/2021/03/image-359.png)
ແສງ LED ທີ່ຖືກຕິດຕັ້ງໃນສວນ ແລະ ສ່ອງແສງໄປທີ່ພືດດັ່ງໃນພາບ ມັນບໍ່ໄດ້ໃຫ້ພຽງຄວາມສວຍງາມຢ່າງດຽວເທົ່ານັ້ນ ແຕ່ມັນຈະຊ່ວຍເຂົ້າໄປກະຕຸ້ນການເຜົາຜານຂອງພືດ ເຮັດໃຫ້ມັນສາມາດດູດຊຶມແສງໃນຕອນກາງເວັນໄດ້ຫຼາຍຂຶ້ນ ສາມາດເພີ່ມຜົນຜະລິດຂອງພືດໃນໄລຍະຍາວໄດ້. ແສງ UV ທີ່ນຳມາສ່ອງເພື່ອກະຕຸ້ນເມັດພັນພືດ ແລະ ກົນໄກການເຮັດວຽກທາງໃນຂອງມັນ ເພາະວ່າ UV ຈະຊ່ວຍກະຕຸ້ນລະບົບການປ້ອງກັນຕົວເອງຂອງພືດໄດ້, ເມື່ອມີແສງ UV ຢາຂ້າແມງໄມ້ກໍຈະຖືກນຳມາໃຊ້ໜ້ອຍລົງ.
![](https://laox.la/wp-content/uploads/2021/03/image-360.png)
Dann Roosegaarde ມີແຜນຢາກນຳຜົນງານນີ້ໄປໃຊ້ກັບສວນໃຫຍ່ໆ 40 ປະເທດໃນໂລກເພື່ອຊ່ວຍໃຫ້ຜົນຜະລິດຂອງແຕ່ລະປະເທດນັ້ນໆເພີ່ມຂຶ້ນ ແລະ ໄຟທີ່ນຳໄປໃຊ້ໃນແຕ່ລະປະເທດກໍຈະປັບໃຫ້ເຂົ້າກັບພືດແຕ່ລະຊະນິດນຳອີກດ້ວຍ. ຖືວ່າເປັນອີກບາດກ້າວໜຶ່ງທີ່ປະສົມປະສານກັນລະຫວ່າງ ການກະສິກຳ ແລະ ວິທະຍາສາດ ແຖມຍັງສາມາດເປັນແຫຼ່ງທ່ອງທ່ຽວໄດ້ອີກດ້ວຍ.
![](https://laox.la/wp-content/uploads/2021/03/image-361.png)
![](https://laox.la/wp-content/uploads/2021/03/image-362.png)
![](https://laox.la/wp-content/uploads/2021/03/image-363.png)
![](https://laox.la/wp-content/uploads/2021/03/image-364.png)
![](https://laox.la/wp-content/uploads/2021/03/image-365.png)
![](https://laox.la/wp-content/uploads/2021/03/image-366.png)
![](https://laox.la/wp-content/uploads/2021/03/image-367.png)
ຂອບໃຈຂໍ້ມູນຈາກ:
https://www.dezeen.com/2021/01/18/daan-roosegaarde-grow-light-installation-sustainable-agriculture/?fbclid=IwAR1A_fOGieC_h-2AwrrMukV3rBtQnNCwx1ec_oTnpbbnKEsPMJd4GDiuHA0https://www.facebook.com/environman.th/posts/3502047976590291