ຮູ້ບໍວ່າຜັກກະເດົາທີ່ເຮົາວ່າຂົມ ມີປະໂຫຍດຕໍ່ສຸຂະພາບຮ່າງກາຍຕໍ່ຄົນເຮົາຫຼາຍ ຜັກທີ່ມີຣົດຊາດຂົມໆລ້ວນແລ້ວແຕ່ມີສັບພະຄຸນ ໜຶ່ງໃນນັ້ນກໍແມ່ນຜັກກະເດົາ ທີ່ເຮົາມັກກິນກັບປະເພດອາຫານ ໂດຍສະເພາະລາບ-ກ້ອຍ.
ຜັກກະເດົາ ດີທັອກສານພິດຕົກຄ້າງໃນຮ່າງກາຍ, ໃບຂອງມັນ ເມື່ອນຳມາຕົ້ມນ້ຳຮ້ອນ ດື່ມວັນລະໜ້ອຍ ຫຼື ວັນລະ 1 ຄັ້ງ ຊ່ວຍລ້າງພິດໃນກະແສເລືອດກະຕຸ້ນໃຫ້ເລືອດລົມໄຫຼວຽນດີຂຶ້ນ. ຊ່ວຍປິ່ນປົວໂຣກຜິວໜັງ (ສານ Gedunin) ແລະ ນິມໂບລິດີ (Nimbolide) ໃນໃບ ແລະ ເມັດຂອງມັນ ມີປະສິດທິພາບໃນການອອກລິດຢຸດເຊື້ອຣາ ແບັກທີເຣຍ ແລະ ເຊື້ອໄວຣັສສູງ ບໍ່ວ່າຈະເປັນເຊື້ອຣາຕາມເລັບຕີນ, ເລັບມື, ຂີ້ກາກ-ຂີ້ຫິດ ແລະ ຜື່ນ…
![ຫວານເປັນລົມຂົມເປັນຢາ](https://laox.la/wp-content/uploads/2023/01/image-86.png)
ນອກຈາກນີ້ ກໍຍັງຊ່ວຍຍ່ອຍອາຫານ ໃບຂອງມັນ ສາມາດນຳມາເຮັດເປັນເມນູນ້ຳຍ່ອຍໄດ້ ເປັນການກະຕຸ້ນໃຫ້ຮ່າງກາຍຜະລິດນ້ຳໄດ້ດີ ຊ່ວຍໃຫ້ກະເພາະຍ່ອຍອາຫານໄດ້ດີຂຶ້ນ. ພ້ອມກັນນີ້ ນ້ຳທີ່ຖືກກະຕຸ້ນສ້າງອອກມານັ້ນ ຈະຊ່ວຍຍ່ອຍອາຫານປະເພດໄຂມັນໄດ້ດີຂຶ້ນ.
ຊ່ວຍບຳລຸຸງສຸຂະພາບຂອງປາກ, ບໍາລຸງເຫືອກ ແລະ ແຂ້ວຂອງເຮົາ ນິຍົມນຳມາສະກັດເປັນສ່ວນປະສົມໃນຢາສີແຂ້ວທົ່ວໄປ. ບໍາລຸງຂໍ້ຕໍ່ ແລະ ກະດູກຂໍ້ຕໍ່ຕ່າງໆ ໃນຮ່າງກາຍ, ຊ່ວຍປັບຄວາມສົມດຸນຄວາມຢາກຂອງອາຫານ, ລົດການຕິດເຊື້ອໃນຊ່ອງຄອດ, ບຳລຸງຫົວໃຈ ໂດຍການເອົາຕົ້ນຂອງຜັກກະເດົານຳມາຕົ້ມ ດື່ມວັນລະຈອກ ໃນທຸກໆມື້ ມີຄຸນສົມບັດຊ່ວຍຂະຫຍາຍຫຼອດເລືອດ ເຮັດໃຫ້ການໂຫຼວຽນຂອງເລືອດເປັນປົກກະຕິ.
ຢ່າງໃດກໍຕາມ ອາຫານທີ່ເຮົາຮັບປະທານກໍຕ້ອງໃຫ້ຄົບ 5 ໝູ່ ແລະ ອາຫານທີ່ຫຼາກຫຼາຍ ມີປະໂຫຍດຕໍ່ຮ່າງກາຍ ເພາະຖ້າກິນແຕ່ຜັກກະເດົາຢ່າງດຽວອາດຊ່ວຍບໍ່ໄດ້ຄົບ ກັບໂຣກທີ່ເປັນຢູ່.
![ຫວານເປັນລົມຂົມເປັນຢາ](https://laox.la/wp-content/uploads/2023/01/image-87.png)
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/