ຍອດມູນຄ່າການລົງທຶນ FDI ຢູ່ຈີນໄດ້ຫຼຸດລົງເປັນເດືອນທີ 12 ຕິດຕໍ່ກັນ, ຕອກຢ້ຳເຖິງການຕໍ່ສູ້ຂອງປັກກິ່ງໃນການປັບປຸງການດຶງດູດນັກລົງທຶນຕ່າງປະເທດເພື່ອຊຸກຍູ້ການເຕີບໂຕ.
FDI ຂາເຂົ້າຂອງຈີນໄດ້ຫຼຸດລົງ 28.2% ໃນໄລຍະ 5 ເດືອນທຳອິດຂອງຕົ້ນປີ 2024 ຈາກໄລຍະດຽວກັນຂອງປີກາຍນີ້ ຢູ່ທີ່ 412.51 ຕື້ຢວນ (56.8 ຕື້ໂດລາ), ອີງຕາມຂໍ້ມູນຂອງກະຊວງການຄ້າຈີນເປີດທີ່ເຜີຍໃນວັນສຸກທີ່ຜ່ານມາ. ໂດຍຕົວເລກດັ່ງກ່າວແມ່ນຮ້າຍແຮງກວ່າການຫຼຸດລົງ 27.9% ໃນເດືອນເມສາ.
ກະຊວງການຄ້າກ່າວວ່າ FDI ໄດ້ຫຼຸດລົງຈາກເດືອນມັງກອນຫາເດືອນພຶດສະພາ. ໂດຍມີສາເຫດມາຈາກຖານການປຽບທຽບທີ່ສູງເມື່ອທຽບກັບຕ່າງປະເທດ, ເຖິງແມ່ນວ່າລັດຖະບານຈະພະຍາຍາມ ດຶງດູດ FDI ເຂົ້າສູ່ປະເທດເປັນຈຳນວນຫຼວງຫຼາຍແລ້ວກໍຕາມ.
ຕະຫຼອດໄລຍະເວລາທີ່ຜ່ານມາ, ຜູ້ນຳຂອງຈີນໄດ້ພະຍາຍາມເພີ່ມທະວີຄວາມໄວ້ເນື້ອເຊື່ອໃຈໃຫ້ກັບນັກລົງທຶນຕ່າງຊາດໃນປະເທດ. ພາຍຫຼັງກະແສການເງິນທີ່ໄຫຼອອກຈາກປະເທດທີ່ຫຼຸດລົງໃນລະດັບທີ່ບໍ່ເຄີຍມີມາກ່ອນ ທ່າມກາງຄວາມກັງວົນກ່ຽວກັບທ່າອ່ຽງການເຕີບໂຕທີ່ຫຼຸດລົງ.
ຢ່າງໃດກໍຕາມ, ໃນເດືອນກຸມພາ, ນາຍົກລັດຖະມົນຕີ Li Qiang ໄດ້ໃຫ້ການລົງທຶນຈາກຕ່າງປະເທດ (FDI) ເປັນຈຸດສຸມທີ່ສຳຄັນຂອງງານທາງດ້ານເສດຖະກິດປະຈຳປີ. ພ້ອມທັງໃຫ້ຄຳໝັ້ນສັນຍາວ່າຈະຂະຫຍາຍການເຂົ້າເຖິງຕະຫຼາດ ແລະ ປັບປຸງສະພາບແວດລ້ອມເພື່ອການແຂ່ງຂັນທີ່ຍຸຕິທຳ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
