ສື່ຫຼາຍເຈົ້າລາຍງານກົງກັນວ່າ Elon Musk ມະຫາເສດຖີຊາວອາເມຣິກາ ໄດ້ເຂົ້າຊື້ຮຸ້ນ ບໍລິສັດ Twitter ຫຼັງຈາກທີ່ລາວຈົ່ມວ່າ ຢາກສ້າງແພລັດຟອມ Social Media ຂອງຕົນເອງຂຶ້ນມາໃໝ່ ເມື່ອໜຶ່ງເດືອນທີ່ຜ່ານມາ.
![](https://laox.la/wp-content/uploads/2022/04/image-74.png)
ລາຍງານລະບຸວ່າ Elon Musk ໄດ້ເຂົ້າໄປຖືຮຸ້ນທີ່ຈຳນວນ 73,486,938 ຮຸ້ນ ຄິດເປັນ 9,2% ກາຍເປັນຜູ້ຖືຮຸ້ນລາຍໃຫຍ່ທີ່ສຸດທັນທີ ຫຼັງຈາກກ່ອນໜ້ານີ້ແມ່ນ The Vanguard Group, Inc. ທີ່ຖືໄວ້ 67,172,425 ຮຸ້ນ ຄິດເປັນ 8,39%
![](https://laox.la/wp-content/uploads/2022/04/image-75.png)
ຫຼັງຈາກທີ່ຕະຫຼາດຮຸ້ນໄດ້ຮັບຮູ້ຂ່າວດັ່ງກ່າວ ເຮັດໃຫ້ ຮຸ້ນຂອງ Twitter ດີດຂຶ້ນທັນທີ 25% ກ່ອນໄລຍະ Pre-market ຫຼື ກ່ອນຕະຫຼາດເປີດ ໃນວັນຈັນທີ່ຜ່ານມາ. ປັດຈຸບັນໃນວັນທີ 5 ເມສາ ປັດຈຸບັນແມ່ນເພີ່ມເປັນ 27% ລາຄາຕອນນີ້ແມ່ນ 49,97 ໂດລາ ຕໍ່ຮຸ້ນ. ຈາກວັນສຸກ ທີ 1 ເມສາ ລາຄາຕະຫຼາດປິດຢູ່ທີ່ 39,22 ໂດລາ ເທົ່ານັ້ນ.
![](https://laox.la/wp-content/uploads/2022/04/image-76.png)
Elon Musk ເປັນນັກທຸລະກິດ ແລະ ມະຫາເສດຖີ ທີ່ໃຊ້ Twitter ເປັນປະຈໍາ. ບັນຊີຂອງລາວໃນປະຈຸບັນ ມີຜູ້ຕິດຕາມຫຼາຍກວ່າ 80 ລ້ານຄົນທົ່ວໂລກ.
ທີ່ຜ່ານມາ ອະດີດປະທານນາທິບໍດີ Donald Trump ບໍ່ພໍໃຈ Twitter ທີ່ບໍ່ໃຫ້ສິດໃນການສະແດງຄວາມຄິດເຫັນຢ່າງເຕັມທີ່ ເລີຍລະດົມທຶນສ້າງ Social Media ຂອງຕົນເອງຂຶ້ນມາໃໝ່. ແຕ່ສຳລັບ Elon Musk ແລ້ວ ແມ່ນລາວຊື້ເອົາເລີຍ ບໍ່ຕ້ອງໄປສ້າງໃໝ່ໃຫ້ຫຍຸ້ງຍາກ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/