ໃນວັນທີ 10 ມິຖຸນາ, ຄະນະກຳມະການຫຼັກຊັບ ແລະ ຕະຫຼາດຫຼັກຊັບ (SEC) ໄດ້ອອກມາປະກາດວ່າ ບໍລິສັດ ຊິບເມັກ ຈຳກັດ (Zipmex) ຈະຖືກຍົກເລີກການເປັນສູນການຄ້າສິນຊັບດິຈິຕອນ ແລະ ນາຍໜ້າຊື້ຂາຍສິນຊັບດິຈິຕອນ ເລີ່ມແຕ່ວັນທີ 28 ພຶດສະພາເປັນຕົ້ນໄປ.
ການເຄື່ອນໄຫວນີ້ເກີດຂຶ້ນຫຼັງຈາກລັດຖະມົນຕີການຄັງໄດ້ສະເໜີໃຫ້ SEC ຖອນໃບອະນຸຍາດທຸລະກິດຊັບສິນດິຈິຕອນຂອງ Zipmex, ເນື່ອງຈາກບໍລິສັດອາດມີຖານະທາງດ້ານການເງິນທີ່ບໍ່ຄ່ອຍດີ ເຊີ່ງອາດຈະກໍ່ໃຫ້ເກີດຄວາມເສຍຫາຍໃຫ້ແກ່ລູກຄ້າ. ລວມທັງການຂາດຄວາມສາມາດໃນການດໍາເນີນທຸລະກິດຢ່າງມີປະສິດທິພາບຕາມດໍາລັດວ່າດ້ວຍການດໍາເນີນທຸລະກິດຊັບສິນດິຈິຕອນ 2018 (ດໍາລັດວ່າດ້ວຍສິນຊັບດິຈິຕອນ).
SEC ໄດ້ມີມະຕິສັ່ງໃຫ້ Zipmex ແກ້ໄຂບັນຫາແລ້ວ, ແຕ່ບໍລິສັດບໍ່ສາມາດແກ້ໄຂບັນຫາໄດ້ພາຍໃນໄລຍະເວລາທີ່ກໍານົດໄວ້ໄດ້, ເຖິງແມ່ນວ່າ SEC ມີມະຕິໃຫ້ລະງັບໃບອະນຸຍາດຊົ່ວຄາວເພື່ອໃຫ້ບໍລິສັດ Zipmex ແກ້ໄຂບັນຫາດັ່ງກ່າວ.
ດັ່ງນັ້ນ, SEC ໄດ້ພິຈາລະນາວ່າ Zipmex ບໍ່ສາມາດແກ້ໄຂບັນຫາຕາມຄໍາສັ່ງ. ແລະ ໄດ້ສະເໜີມະຕິ ແລະ ແນະນຳໃຫ້ລັດຖະມົນຕີກະຊວງການຄັງ ພິຈາລະນາຖອນໃບອະນຸຍາດດຳເນີນທຸລະກິດສິນຊັບດິຈິຕອນ ປະເພດສູນການຄ້າຊັບສິນດິຈິຕອນ ແລະ ນາຍໜ້າຊັບສິນດິຈິຕອນ. ແລະສັ່ງໃຫ້ Zipmex ລະງັບການປະກອບທຸລະກິດສິນຊັບດິຈິຕອນຂອງຕົນ.
Zipmex ຕ້ອງໂອນຊັບສິນຄືນໃຫ້ລູກຄ້າ ຫຼື ຕາມການສັ່ງຂອງລູກຄ້າພາຍໃນ 15 ວັນ ແລະ ຖ້າລູກຄ້າບໍ່ມາແຈ້ງການຮ້ອງຂໍ ຫຼື ຮັບຊັບສິນຄືນພາຍໃນໄລຍະເວລາທີ່ກຳນົດ, Zipmex ຈະຕ້ອງຈັດໃຫ້ສິນຊັບຖືກຝາກເຂົ້າໃນລະບົບສໍາລັບອີກ 30 ມື້ນັບຈາກມື້ທີ່ໄດ້ຮັບແຕ່ວັນທີຄົບກໍານົດຂ້າງເທິງ ພ້ອມທັງລາຍງານແຕ່ລະຂັ້ນຕອນຂອງການດຳເນີນງານໃຫ້ SEC ຮັບຮູ້
ທັງນີ້, Zipmex ຍັງຄົງເປັນບໍລິສັດຈໍາກັດເຊິ່ງສິດທິໜ້າທີ່ ແລະ ຄວາມຮັບຜິດຊອບຕະຫຼອດຈົນອາດຈະຖືກຟ້ອງຮ້ອງຕາມກົດໝາຍໄດ້, ລູກຄ້າ Zipmex ສາມາດຕິດຕໍ່ເພື່ອເອົາຊັບສິນຂອງເຂົາເຈົ້າຄືນຜ່ານຊ່ອງທາງການຕິດຕໍ່ຂອງບໍລິສັດ ແລະ ຖ້າພວກເຂົາມີຄໍາຖາມໃດໆ, ເຂົາເຈົ້າສາມາດຕິດຕໍ່ ແລະ ສອບຖາມຂໍ້ມູນໄດ້ທີ່ເວັບໄຊ
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
