Tether ບໍລິສັດສິນຊັບດິຈິຕອນທີ່ຢູ່ເບື້ອງຫຼັງ Stablecoin ຍອດນິຍົມຄື USDT, ໄດ້ປະກາດລົງທຶນໃນ XREX Group ບໍລິສັດ fintech ຂ້າມພົມແດນ, ເຊິ່ງມີມູນຄ່າຫຼາຍເຖິງ 18.75 ລ້ານໂດລາສະຫະລັດ. ພ້ອມກັບການເປີດຕົວ Stablecoin ຕົວໃໝ່ຊື່ວ່າ “XAU1”
ໂດຍເປົ້າໝາຍຂອງການຮ່ວມມືກັນໃນຄັ້ງນີ້:
- ເພື່ອປັບປຸງການຊໍາລະເງິນແບບ B2B ຂ້າມພົມແດນ. Tether ມີຈຸດປະສົງທີ່ຈະນໍາໃຊ້ USDT ເປັນມາດຕະຖານໃໝ່ສໍາລັບລະບົບການເງິນ, ຊ່ວຍໃຫ້ທຸລະກິດໂອນເງິນລະຫວ່າງປະເທດສະດວກ, ວ່ອງໄວ ແລະ ປະຢັດຄ່າທຳນຽມຕ່າງໆ.
- ເພື່ອສົ່ງເສີມນະວັດຕະກໍາໃນອຸດສາຫະກໍາສິນຊັບດິຈິຕອນ: ທັງສອງບໍລິສັດຈະຮ່ວມກັນພັດທະນາໂຊລູຊັນໃໝ່ໆໃນ blockchain ເພື່ອຂະຫຍາຍການເຂົ້າເຖິງບໍລິການທາງດ້ານການເງິນໃຫ້ກັບຜູ້ຄົນໃນທົ່ວໂລກ.
- ສະໜັບສະໜູນເຕັກໂນໂລຊີທີ່ມີການຄຸ້ມຄອງດູແລ: Tether ແລະ XREX ມຸ່ງໝັ້ນທີ່ຈະເຮັດວຽກຮ່ວມກັບໜ່ວຍຄຸ້ມຄອງດູແລ. ເພື່ອສ້າງກອບການຄຸ້ມຄອງດູແລທີ່ໂປ່ງໃສ ແລະ ມີປະສິດທິພາບສໍາລັບສິນຊັບດິຈິຕອນ.
ສຳລັບຜົນໄດ້ຮັບທີ່ຄາດຫວັງໄວ້:
- ການເຮັດທຸລະກໍາແບບ B2B ຂ້າມພົມແດນທີ່ມີປະສິດທິພາບຫຼາຍຂຶ້ນ: ການລົງທຶນຂອງ Tether ຈະຊ່ວຍໃຫ້ XREX ຂະຫຍາຍໂຄງສ້າງພື້ນຖານການຊໍາລະເງິນລະຫວ່າງປະເທດ, ຊ່ວຍໃຫ້ທຸລະກິດສາມາດໂອນເງິນໄດ້ໄວຂຶ້ນ ແລະ ປະຢັດຄ່າທຳນຽມ
- Stablecoin ໃໝ່ທີ່ໝັ້ນຄົງ: XAU1 ເປັນຫຼຽນ Stablecoin ທີ່ຜູກມູນຄ່າໄວ້ກັບເງິນໂດລາສະຫະລັດ ແລະ Tether Gold (XAUt), ສະເໜີທາງເລືອກການລົງທຶນທີ່ປອດໄພ ແລະ ປ້ອງກັນຄວາມສ່ຽງຈາກເງິນເຟີ້.
- ການຄຸ້ມຄອງດູແລທີ່ເຂັ້ມງວດຫຼາຍຂຶ້ນ: ການຮ່ວມມືນີ້ຈະສົ່ງເສີມການພັດທະນາຂອງກອບກົດລະບຽບທີ່ຍືນຍົງສໍາລັບອຸດສາຫະກໍາສິນຊັບດິຈິຕອນ.
ຢ່າງໃດກໍຕາມ, ຍັງມີຄວາມກັງວົນກ່ຽວກັບກົດລະບຽບຂອງສະກຸນເງິນດິຈິຕອນ. ຜູ້ຊ່ຽວຊານບາງຄົນເຫັນວ່າ ກົດລະບຽບໃນປັດຈຸບັນແມ່ນບໍ່ພຽງພໍ, ຈຳເປັນຕ້ອງມີການປັບປຸງເພື່ອຄວບຄຸມ ແລະ ປົກປ້ອງນັກລົງທຶນ.
ໂດຍລວມແລ້ວ, ການລົງທຶນຂອງ Tether ໃນ XREX Group ແລະ ການເປີດຕົວຂອງ XAU1 ນັ້ນ ຖືເປັນບາດກ້າວອັນສໍາຄັນໃນອຸດສາຫະກໍາສິນຊັບດິຈິຕອນ. ການຮ່ວມມືນີ້ມີທ່າແຮງທີ່ຈະຊ່ວຍປັບປຸງການຊໍາລະເງິນລະຫວ່າງປະເທດ, ສົ່ງເສີມນະວັດຕະກໍາ, ສ້າງລະບົບນິເວດການເງິນທີ່ປອດໄພກວ່າ ແລະ ມີປະສິດທິພາບຍິ່ງຂຶ້ນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
