ປະຕິເສດບໍ່ໄດ້ເລີຍວ່າການອ່ານໜັງສືປະເພດຕ່າງໆບໍ່ວ່າຈະເປັນ non-fiction ຫຼື fiction ຢ່າງວັນນະກຳຫຼືນະວະນິຍາຍໄດ້ຊ່ວຍໃຫ້ເຮົາມີໂອກາດສຶກສາຄວາມເປັນໄປຂອງຈິດໃຈມະນຸດຜ່ານການດຳເນີນເລື່ອງຂອງຊີວິດຕົວລະຄອນໃນຮູບແບບຕ່າງໆ ວິທີການເຮັດວຽກຂອງບົດສຳພາດກັບຈິດໃຈມະນຸດກໍເຊັ່ນດຽວກັນ
ການອ່ານບົດສຳພາດເປັນອີກໜຶ່ງວິທີທາງໃນການຮຽນຮູ້ລົດຊາດຂອງຊີວິດທີ່ແຕກຕ່າງແລະຫຼາກຫຼາຍເຊິ່ງຫຼາຍຄົນມັກຈະເບິ່ງຂ້າມ. ຄຳຕອບພຽງສັ້ນໆບາງອັນອາດຈຸດປະກາຍໄຟແຫ່ງຄວາມຫວັງໃຫ້ກັບຜູ້ອ່ານໄດ້
ສະນັ້ນ EP ທຳອິດຂອງລາຍການ readອີ່ຫຼີ ຈຶ່ງໄດ້ຫຍິບຍົກເອົາ ‘Between Hello and Goodbye’ ຫຼື ‘ຄຣູ່ສົນທະນາ’ ປຶ້ມຮວມບົດສຳພາດກ່ຽວກັບການໃຊ້ຊີວິດຢ່າງມີຄວາມໝາຍແລະຄວາມໝາຍຂອງການໃຊ້ຊີວິດມາໂອ້ລົມກັນ ເພາະພວກເຮົາເຊື່ອວ່າບົດສົນທະນາດີໆບາງຄັ້ງກໍມີສະຖານະບໍ່ຕ່າງຫຍັງກັບແວ່ນສະທ້ອນເງົາຄວາມຄິດຂອງໂຕເຮົາເອງ
Readອີ່ຫລີ EP.01: ເພາະສິລະປະສູງສຸດຂອງຄົນຄືສິລະປະຂອງການໃຊ້ຊີວິດ
ທ່ານສາມາດຕິດຕາມ Read ອີ່ຫລີ Podcast ຜ່ານຊ່ອງທາງຕ່າງໆດັ່ງນີ້:
- YouTube Channel: youtube.com/laoxchannel?sub_confirmation=1
- ຟັງຜ່ານ Youtube: https://youtu.be/IOJxfVEuCSw
- ແອັບ Podcast ຕ່າງໆເຊັ່ນ Apple Podcast, Google Podcast ໂດຍການຄົ້ນຫາຄຳວ່າ Lao X Files