ຕາມການລາຍງານຂອງ The Verge ເວັບໄຊຂ່າວສານດ້ານເທັກໂນໂລຢີ ເຊິ່ງອ້າງອີງຂ່າວຈາກສຳນັກຂ່າວ Reuters ໄດ້ເປີດເຜີຍວ່າ ທາງ Intel ບໍລິສັດຜະລິດຊິບຊັ້ນນຳຂອງໂລກ ກຳລັງລົງທຶນໃນເທັກໂນໂລຢີ Blockchain ດ້ວຍການອອກແບບຊິບຕົວໃໝ່ທີ່ເອົາມາເພື່ອໃຊ້ຂຸດ Cryptocurrency ໂດຍສະເພາະ. ລາຍງານຍັງໄດ້ບອກອີກວ່າ ເປົ້າໝາຍຂອງການຜະລິດຊິບຕົວນີ້ ກໍເພື່ອຕອບໂຈດດ້ານຄວາມໝັ້ນຄົງ ພ້ອມກັບມີການວາງແຜນພັດທະນາເທັກໂນໂລຢີ Computing ທີ່ມີປະສິດທິພາບສູງສຸດ ເພື່ອການໃຊ້ພະລັງງານຢ່າງກຸ້ມຄ່າໃນລະດັບອຸດສາຫະກຳ.
![](https://laox.la/wp-content/uploads/2022/02/image-208.png)
ຊິບ Crypto ຕົວທຳອິດຂອງ Intel ມີຊື່ວ່າ Blockchain Accelerator (ຕົວເລັ່ງຄວາມໄວ Blockchain) ແມ່ນຈະເປີດຕົວສູ່ຕະຫຼາດພາຍໃນປາຍປີນີ້ ແລະ ກໍມີຄຳສັ່ງຊື້ລ່ວງໜ້າຈາກບໍລິສັດ 2 ແຫ່ງ ຄື: ບໍລິສັດໂຄງສ້າງພື້ນຖານຂອງການຂຸດເໝືອງ Bitcoin “GRIID” ແລະ ບໍລິສັດດ້ານ fintech ຢ່າງ “Square” ຂອງ Jack Dorsey (ໜຶ່ງໃນຜູ້ກໍ່ຕັ້ງ Twitter)
ທາງດ້ານ Raja Koduri ຮອງປະທານອາວຸໂສຝ່າຍລະບົບປະມວນຜົນເລັ່ງຄວາມໄວແລະກຸ່ມກຣາຟຟິກຂອງ Intel ລະບຸວ່າ ບໍລິສັດຕ້ອງການທີ່ຈະມີສ່ວນຮ່ວມໃນການເຂົ້າມາພັດທະນາເທັກໂນໂລຢີ Blockchain ໂດຍເລີ່ມຕົ້ນດ້ວຍການເປີດຕົວເຄື່ອງເລັ່ງການຂຸດ Crypto ທີ່ປະຢັດພະລັງງານ ເນື່ອງຈາກບັນຫາຫຼັກໆ ຂອງການຂຸດ Crypto ຄືການໃຊ້ພະລັງງານຫຼາຍເກີນໄປ.
![](https://laox.la/wp-content/uploads/2022/02/image-207.png)
ນອກຈາກນີ້ Intel ຍັງສະແດງຄວາມໝັ້ນໃຈວ່ານະວັດຕະກຳວົງຈອນຂອງບໍລິສັດຈະສົ່ງຕົວເລັ່ງທີ່ດີຫຼາຍກວ່າ 1,000 ເທົ່າຕໍ່ watt ກໍຄືພະລັງງານທີ່ໃຊ້ຕໍ່ໜ່ວຍເວລາ, ໂດຍຈະໄວຫຼາຍກວ່າ CPU ຕົວຫຼັກທີ່ໃຊ້ໃນການຂຸດ Crypto ເຊິ່ງຈະໃຊ້ງານ algorithm SHA-256 ໃນການພັດທະນາ. ຜະແນກປະມວນຜົນຈະຮັບຜິດຊອບໃນສ່ວນຂອງການສ້າງແພລັດຟອມ silicon ແບບປັບແຕ່ງດ້ວຍຕົນເອງເພື່ອເພີ່ມປະສິດທິພາບການຂຸດ Crypto ແລະການອອກແບບຊຸບເປີຄອມພິວເຕີ.
Intel ມີແຜນຈະເປີດເຜີຍລາຍລະອຽດຂອງຂອງຊິບຂຸດ Crypto ຕົວໃໝ່ນີ້ ໃນວັນທີ 20 ກຸມພາ ພາຍໃນງານປະຊຸມ International Solid-State Circuits Conference.
![](https://laox.la/wp-content/uploads/2022/02/image-206.png)
ໃນໄລຍະຜ່ານມາ ຜົນກະທົບຂອງການຂຸດ Cryptocurrency ຕໍ່ສິ່ງແວດລ້ອມໄດ້ກາຍເປັນບັນຫາໃຫຍ່ ແລະ ຊິບຕົວໃໝ່ຂອງ Intel ອາດຈະເປັນການແກ້ໄຂບັນຫາໃນຈຸດນັ້ນ ໂດຍແທນການຂຸດແບບເກົ່າທີ່ນິຍົມໃຊ້ພະລັງງານຈາກໂຮງໄຟຟ້າຖ່ານຫີນ ແລະ ແກສທຳມະຊາດ ທີ່ເປັນອັນຕະລາຍຕໍ່ສິ່ງແວດລ້ອມ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/