ຄໍາ ແມ່ນສິນຊັບການລົງທຶນທີ່ນັກລົງທຶນທົ່ວໂລກຍົກໃຫ້ເປັນສິນຊັບປອດໄພ ແລະ ສາມາດລົງທຶນໃນທຸກສະຖານະການທີ່ກຳລັງກາຍມາເປັນສິນຊັບທີ່ໄດ້ຮັບຄວາມສົນໃຈຂອງຄົນຮຸ່ນໃໝ່.
ໂດຍໃນປີນີ້ Gen Z ໄດ້ໃຫ້ຄວາມສົນໃຈເພີ່ມຂຶ້ນເຖິງ +60%, ເມື່ອທຽບໃສ່ປີກາຍນີ້ແມ່ນຢູ່ປະມານ +40%. ເຊິ່ງນີ້ຖືໄດ້ວ່າມີຄວາມສົນໃຈໃນຄຳເພີ່ມຂຶ້ນຢ່າງເຫັນໄດ້ຊັດເຈນ
ສາເຫດຫຼັກໆທີ່ເຮັດໃຫ້ Gen Z ຫັນມາລົງທຶນໃນຕະຫຼາດຄຳອອນລາຍມີດັ່ງນີ້:
1.ສະດວກ, ວ່ອງໄວ, ເຂົ້າເຖິງໄດ້ງ່າຍ:
- ຄ້າຂາຍໄດ້ທຸກທີ່ທຸກເວລາ ຜ່ານແອັບພິເຄຊັນໃນສະມາດໂຟນ
- ບໍ່ຈໍາເປັນຕ້ອງເດີນທາງໄປຮ້ານຄໍາ.
- ເໝາະກັບວິຖີການໃຊ້ຊີວິດຂອງຄົນຍຸກໃໝ່
2.ເລີ່ມຕົ້ນການລົງທຶນດ້ວຍເງິນພຽງເລັກນ້ອຍໄດ້:
- ຫຼາຍແພລັດຟອມຮອງຮັບການລົງທຶນເລີ່ມຕົ້ນພຽງ 1 ໂດລາ – 10 ໂດລາໄດ້
- ຕອບໂຈດສຳລັບ Gen Z ທີ່ມີເງິນທຶນຈໍາກັດ
3.ຮຽນຮູ້ ແລະ ຕິດຕາມຂໍ້ມູນງ່າຍ:
- ມີແຫຼ່ງຂໍ້ມູນແບບອອນລາຍຫຼາຍ.
- ຊ່ວຍ Gen Z ສຶກສາຂໍ້ມູນ ແລະ ວິເຄາະຕະຫຼາດ
- ສາມາດຕັດສິນໃຈລົງທຶນໄດ້ຢ່າງສະຫຼາດ
4.ຕ້ອງການກະຈາຍຄວາມສ່ຽງ:
- Gen Z ກໍາລັງຊອກຫາຊ່ອງທາງການລົງທຶນທີ່ຫຼາກຫຼາຍ.
- ຄໍາແມ່ນສິນຊັບທີ່ປອດໄພ.ຊ່ວຍຫຼຸດຜ່ອນຄວາມສ່ຽງໃນຫຼັກຊັບການລົງທຶນ
5.ເບິ່ງຄໍາເປັນທັງເຄື່ອງປະດັບ ແລະການລົງທຶນ:
- Gen Z ນິຍົມຊື້ຄໍາແທ່ງເພື່ອສະສົມ.
- ສາມາດນຳມາໃສ່ເປັນເຄື່ອງປະດັບໄດ້.
- ເພີ່ມມູນຄ່າໃນອະນາຄົດ
ຈາກການສຳຫຼວດພົບວ່າ 5 ປະເທດອັນດັບຕົ້ນໆທີ່ມີ Gen Z ລົງທຶນໃນຄຳອອນລາຍມີດັ່ງນີ້:
1.ປະເທດອິນເດຍ
2. ຈີນ
3. ໄທ
4. ຫວຽດນາມ
5. ອິນໂດເນເຊຍ
ໂດຍໃນແຕ່ລະປະເທດຈະມີປັດໄຈສະໜັບສະໜູນ Gen Z ສຳລັບການລົງທຶນໃນຄໍາອອນລາຍທີ່ແຕກຕ່າງກັນຄື:
ປະເທດອິນເດຍ: ປະຊາກອນ Gen Z ຂະໜາດໃຫຍ່, ຄຳແມ່ນສິນຊັບທາງວັດທະນະທໍາທີ່ສໍາຄັນ ແລະ ເສດຖະກິດມີຄວາມຜັນຜວນ.
ປະເທດຈີນ: ມີເສດຖະກິດ ແລະ ປະຊາກອນ Gen Z ຂະໜາດໃຫຍ່ ຫຼາຍຄົນເຫັນວ່າຄໍາແມ່ນສິນຊັບທີ່ປອດໄພ.
ປະເທດໄທ: ຜູ້ຄົນມີຄວາມນິຍົມໃນການຊື້ຄຳຫຼາຍ, ມີການເຂົ້າເຖິງທາງດ້ານເຕັກໂນໂລຊີ ແລະ ເສດຖະກິດມີຄວາມຜັນຜວນ
ປະເທດຫວຽດນາມ: ມີປະຊາກອນ Gen Z ຫຼາຍ ແລະ ມີເສດຖະກິດທີ່ມີການເຕີບໂຕຂຶ້ນຢ່າງໄວວາ ພ້ອມກັບຫຼາຍຄົນເຫັນວ່າຄໍາແມ່ນສິນຊັບທີ່ປອດໄພ.
ອິນໂດເນເຊຍ: ປະຊາກອນ Gen Z ຂະໜາດໃຫຍ່ , ເສດຖະກິດມີຄວາມຜັນຜວນ ແລະ ເປັນທີ່ນິຍົມໃນຜູ້ຄົນຈຳນວນຫຼາຍ
ສຳລັບສັດສ່ວນຄົນລົງທຶນໃນຄຳແຕ່ລະ Generation ຈະແບ່ງເປັນ 27% ເປັນຂອງ Gen Z , 30% ເປັນຂອງ Gen Y ແລະ 30% ເປັນຂອງ Gen X. ນອກຈາກຄຳອອນລາຍຈະເປັນທີ່ນິຍົມແລ້ວ ຄຳຮູບປະພັນກໍຍັງຂາຍດີເຊັ່ນເດີມ, ໂດຍໃນໄລຍະປາຍປີ 2022 ໄດ້ມີການເປີດເຜີຍຂໍ້ມູນວ່າ 70% ຂອງຄົນທີ່ມີອາຍຸ 18-40 ປີມີທ່າອ່ຽງທີ່ຈະເກັບສະສົມຄຳຮູບປະພັນຫຼາຍຂຶ້ນ. ເຖິງແມ່ນວ່າຄໍາຮູບປະພັນຈະມີລາຄາແພງແຕ່ຫຼາຍຄົນເລືອກຊື້ຄໍາແບບ “ເມັດຖົ່ວ” ເພື່ອເກັບອອມຄຳເທື່ອລະເລັກລະໜ້ອຍຄ້າຍຄືກັບການ DCA.
ຢ່າງໃດກໍຕາມ, ການລົງທຶນມີຄວາມສ່ຽງ. Gen Z ຄວນສຶກສາຂໍ້ມູນເພື່ອໃຫ້ເຂົ້າໃຈເຖິງກົນໄກຂອງຕະຫຼາດ ແລະ ເລືອກແພລັດຟອມທີ່ເຊື່ອຖືໄດ້ ບວກກັບການລົງທຶນຢ່າງຮອບຄອບ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
