ມູນຄ່າການນຳເຂົ້າສົ່ງອອກສິນຄ້າ ຂອງ ສະຫະລັດ ອາເມຣິກາ ໃນປີ 2023 ສາມາດບັນລຸໄດ້ 6.880 ລ້ານ ຕື້ໂດລາ ມູນຄ່າການສົ່ງອອກສິນຄ້າປະຈໍາປີ 2023 ຂອງອາເມຣິກາບັນລຸເຖິງ 3.053,5 ຕື້ໂດລາ, ສ່ວນຍອດມູນຄ່າການນໍາເຂົ້າສິນຄ້າບັນລຸເຖິງ 3.826,9 ຕື້ໂດລາ, ຂາດດຸນປະມານ 773,4 ຕື້ໂດລາ, ຕໍ່າກວ່າປີ 2022 ທີ່ມີ 951,2 ຕື້ໂດລາ.
ອີງຕາມຂໍ້ມູນທີ່ອົງການວິເຄາະເສດຖະກິດ ແລະ ອົງການສໍາຫຼວດປະຊາກອນອາເມຣິກາເປີດເຜີຍໃນວັນທີ 7 ກຸມພານີ້ສະແດງໃຫ້ເຫັນວ່າ: ຍອດມູນຄ່າການສົ່ງອອກສິນຄ້າໃນເດືອນທັນວາປີ 2023 ຂອງອາເມຣິກາບັນລຸເຖິງ 258,2 ຕື້ໂດລາ, ສ່ວນຍອດມູນຄ່າການນໍາເຂົ້າສິນຄ້າບັນລຸເຖິງ 320,4 ຕື້ໂດລາ ໝາຍຄວາມວ່າການຄ້າສາກົນອາເມຣິກາປະຈໍາເດືອນທັນວາປີ 2023 ຂາດດຸນ 62,2 ຕື້ໂດລາ, ສູງກວ່າເດືອນພະຈິກປີ 2023 ທີ່ມີ 61,9 ຕື້ໂດລາ.
ໃນປີ 2022, ສະຫະລັດ ອາເມຣິກາ ໄດ້ຂາດດຸນຂໍ້ມູນຂອງລັດທີ່ໃຫຍ່ທີ່ສຸດນັບແຕ່ປີ 1960. ແຕ່ຕົວເລກຫຼ້າສຸດສະແດງໃຫ້ເຫັນການຂາດດຸນການຄ້າທີ່ດີຂຶ້ນ ກ່ອນປີກາຍນີ້, ສະແດງໃຫ້ເຫັນເຖິງການນຳເຂົ້າສິນຄ້າຫຼຸດລົງ ແລະ ມີການສົ່ງອອກທີ່ຫຼາຍຂຶ້ນ.
ທ່ານ Matthew Martin, ນັກເສດຖະສາດສະຫະລັດຂອງ Oxford Economics ກ່າວວ່າ “ການຂາດດຸນການຄ້າໃນຕົວຈິງໄດ້ປະກອບສ່ວນໃນທາງບວກຕໍ່ການເຕີບໂຕຂອງໄຕມາດສຸດທ້າຍຂອງປີທີ່ຜ່ານມາ.”
ທ່ານກ່າວຕື່ມວ່າ “ການສົ່ງອອກຍັງສືບຕໍ່ດີ ເຊິ່ງຈະໄດ້ຮັບຜົນປະໂຫຍດຈາກເງິນໂດລາທີ່ອ່ອນແອລົງຍ້ອນວ່າຄ່າໃຊ້ຈ່າຍຂອງສິນຄ້າສະຫະລັດມີລາຄາຖືກກວ່າຢູ່ຕ່າງປະເທດ ຄາດວ່າການຄ້າສຸດທິຈະປະກອບສ່ວນໃນທາງບວກຕໍ່ການເຕີບໂຕຂອງ GDP ໃນຕົ້ນປີ 2024”.
ຕິດຕາມຂ່າວທັງໝົດຈາກ LaoX: https://laox.la/all-posts/
