ເຖິງແມ່ນວ່າຍອດຂາຍຂອງຕະຫຼາດ NFT ທົ່ວໂລກໄດ້ຫຼຸດລົງຫຼາຍກວ່າ 54% ໃນເດືອນພຶດສະພາ, ແຕ່ເບິ່ງຄືວ່າແນວໂນ້ມ NFT ໃນຕອນນີ້ອາດຈະກັບຄືນມາອີກຄັ້ງ. ຫຼັງຈາກທີ່ຍອດຂາຍ Bitcoin NFT ກັບມາເພີ່ມສູງຂຶ້ນຈົນເຮັດສະຖິຕິສູງສຸດໃໝ່
ອີງຈາກຂໍ້ມູນຂອງ CryptoSlam ບໍລິສັດຕິດຕາມ NFT, ໃນວັນທີ 4 ເດືອນມິຖຸນາໄດ້ເປີດເຜີຍວ່າ ຍອດຂາຍ NFTs ທັງໝົດໃນ Bitcoin blockchain ໄດ້ເພີ່ມຂຶ້ນໄປແຕະລະດັບສູງສຸດເປັນປະຫວັດສາດອີກຄັ້ງດ້ວຍຈຳນວນເງິນສູງເຖິງ 4 ຕື້ໂດລາ.
ໂດຍໃນຈໍານວນນັ້ນ ປະກອບໄປດ້ວຍຍອດການຂາຍ NFT ປະມານ 3,97 ຕື້ໂດລາ ແລະ Wash sales ປະມານ 82 ລ້ານໂດລາ. ນອກຈາກນັ້ນ, ໃນໄລຍະ 30 ມື້ທີ່ຜ່ານມາ, Bitcoin NFT ໄດ້ມີຍອດຂາຍ ບັນລຸ 71 ລ້ານໂດລາ. ເຊິ່ງຄອງເປັນອັນດັບໜຶ່ງໃນເລື່ອງຂອງປະລິມານການຂາຍໃນ blockchain
![](https://laox.la/wp-content/uploads/2024/06/image-2.png)
ແຕ່ສິ່ງທີ່ໜ້າສົນໃຈກໍຄື ການເຄື່ອນໄຫວໃນຄັ້ງນີ້ເກີດຂື້ນຫຼັງຈາກ Bitcoin ໄດ້ສ້າງສະຖິຕິໃໝ່ສໍາລັບມູນຄ່າການເຮັດທຸລະກໍາໃນວັນທີ 28 ເດືອນພຶດສະພາທີ່ຜ່ານມາ. ໂດຍມີມູນຄ່າການເຮັດທຸລະກໍາສູງເຖິງ 25 ຕື້ໂດລາ, ເຊິ່ງຖືເປັນມູນຄ່າສູງສຸດໃນປີທີ່ຜ່ານມາ.
ຢ່າງໃດກໍຕາມ, ແນວໂນ້ມຂອງ NFTs ຍັງສືບຕໍ່ມີທ່າອ່ຽງຫຼຸດລົງ ໂດຍສະເພາະໃນເດືອນພຶດສະພາທີ່ຜ່ານມາ ປະລິມານການຂາຍ NFT ປະຈໍາເດືອນແມ່ນພຽງແຕ່ 624 ລ້ານໂດລາ ເຊິ່ງຫຼຸດລົງຫຼາຍກວ່າ 54% ເມື່ອທຽບກັບເດືອນກ່ອນ.
ແລະການຫຼຸດລົງນີ້ຍັງໄດ້ສົ່ງຜົນກະທົບຕໍ່ການສະສົມທີ່ໃຊ້ Bitcoin NFT ອີກດ້ວຍ, ໂດຍຂໍ້ມູນສະແດງໃຫ້ເຫັນວ່າ NFT ໃນ Bitcoin ມີຍອດຂາຍຫຼຸດລົງ 68% ໃນເດືອນພຶດສະພາທີ່ຜ່ານມາ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/