ບ້ານນ້ອຍໆໃນບາຫຼີ ປະເທດອິນໂດເນເຊຍ ທີ່ອ້ອມຮອບໄປດ້ວຍຕົ້ນໄມ້ສູງຕໍ່າສີຂຽວ ຫຼັງຄາເຮືອນປົກຄຸມຫຼັງຄາສັງກະສີ ສີສົ້ມ-ສີແດງ ເບິ່ງຄືວ່າຈະເປັນອີກ 1 ບ້ານເຂດຊົນນະບົດຂອງອິນໂດເນເຊຍ ແຕ່ບ້ານແຫ່ງນີ້ມີສິ່ງໜຶ່ງທີ່ໜ້າຄົ້ນຫາ ໜ້າດຶງດູດຈາດນັກທ່ອງທ່ຽວ ແລະ ກາຍເປັນທີ່ເວົ້າເຖິງໃນໂລກອອນລາຍ ເນື່ອງຈາກວ່າ ບ້ານແຫ່ງນີ້ໄດ້ຮັບສາຍາວ່າ ບ້ານຜູ້ພິການຫູ (deaf village) ແລະ ເປັນບ້ານທີ່ມີພາສາມືເປັນຂອງຕົນເອງ.
![ບ້ານນ້ອຍໆ](https://laox.la/wp-content/uploads/2023/02/image-169.png)
Bengkala ບ້ານນ້ອຍໆ ຕັ້ງຢູ່ທາງພາກເໜືອຂອງ ເກາະບາຫຼີ ປະເທດອິນໂດເນເຊຍ ເຊິ່ງເປັນບ້ານທີ່ມີຄົນພິການທາງການໄດ້ຍິນ ຕັ້ງແຕ່ເກີດ ຫຼື ພິການຫູກຳມະພັນໃນລະດັບທີ່ສູງ ແລະ ມີການໃຊ້ພາສາມືຮ່ວມກັນໃນການສື່ສານ ເຊິ່ງພວກເຂົາເອີ້ນພາສາມືນັ້ນວ່າ “Kata Kolok” ເຊິ່ງເປັນພາສາມື ທີ່ແຕກຕ່າງອອກໄປຈາກພາສາມືໃນພື້ນທີ່ອື່ນໆ ຂອງປະເທດອິນໂດເນເຊຍ ແລະ ເປັນພາສາມືທີ່ຖືກສອນໃຫ້ກັບ ທຸກຄົນໃນບ້ານ. ມີ 80% ຂອງປະຊາກອນໃນບ້ານ ທີ່ໃຊ້ພາສາມືນີ້ ແຕ່ກໍບໍ່ແມ່ນທຸກຄົນທີ່ຈະສາມາດໃຊ້ພາສາມື “Kata Kolok” ໄດ້ຢ່າງຊໍານິຊໍານານ.
ໃນ Bengkala ມີວິຖີປະຕິບັດ ແລະ ຄວາມເຊື່ອທີ່ໜ້າສົນໃຈຢ່າງໜຶ່ງວ່າ ໃນບ້ານແຫ່ງນີ້ ວຽກການຂຸດຂຸມຝັງສົບ ແລະ ວຽກງານຮັກສາຄວາມປອດໄພໃນງານເທສະການຂອງບ້ານຕ່າງໆ ຈະຖືກສະຫງວນໄວ້ໃຫ້ສະເພາະຜູ້ພິການຫູເທົ່ານັ້ນ ເພາະຄົນໃນບ້ານເຊື່ອວ່າ ຜູ້ພິການຫຸນັ້ນສາມາດຕໍ່ຕ້ານກັບວິນຍານຮ້າຍທີ່ມາຫຼອກຫຼອນ ຕາມຂຸມຝັງສົບໄດ້ ເນື່ອງຈາກພວກເຂົາບໍ່ສາມາດໄດ້ຍິນສຽງຂອງວິນຍານຮ້າຍເຫຼົ່ານັ້ນ.
![ບ້ານນ້ອຍໆ](https://laox.la/wp-content/uploads/2023/02/image-170.png)
ໂດຍການທ່ອງທ່ຽວ ໃນບ້ານແຫ່ງນີ້ ສ່ວນຫຼາຍນັກທ່ອງທ່ຽວຈະໄດ້ເຂົ້າມາສຳຜັດກັບວັດທະນະທຳ ວິຖີຊີວິດ ແລະ ໂອ້ລົມເປີດປະສົບການມີປະຕິສຳພັນກັບຄົນພື້ນບ້ານ. ນອກຈາກນີ້ທາງບ້ານຍັງໄດ້ມີການສ້າງແຫຼ່ງທ່ອງທ່ຽວໄວ້ສຳລັບຕ້ອນຮັບນັກທ່ອງທ່ຽວ ນັ້ນກໍຄື ສູນວັດທະນະທຳຂະໜາດນ້ອຍຂອງບ້ານ ທີ່ຈະລວບລວມປະຫວັດຄວາມເປັນມາ ວິຖີຊີວິດ ຂອງຄົນໃນບ້ານໄວ້ບ່ອນນີ້ນັ້ນເອງ.
![ບ້ານນ້ອຍໆ](https://laox.la/wp-content/uploads/2023/02/image-171.png)
ອີກໜຶ່ງສິ່ງທີ່ເປັນມົນສະເໜ່ຂອງບ້ານແຫ່ງນີ້ທີ່ມັກຈະດຶງດູດນັກທ່ອງທ່ຽວກໍຄື ມັກຈະຖືກກ່າວຂານວ່າເປັນບ້ານທີ່ເລິກລັກ ໂດດດ່ຽວ ແລະ ມີເອກະລັກ ສະເພາະຕົວ ເຊິ່ງໃນຄວາມເປັນຈິງມັນກໍອາດຈະບໍ່ແມ່ນແບບນັ້ນທັງໝົດສະເໝີໄປ ແມ່ນຢູ່ວ່າບ້ານ Bengkala ຕັ້ງຢູ່ເກືອບເໜືອສຸດຂອງ ບາຫຼີ ເຊິ່ງແຫຼ່ງທ່ອງທ່ຽວສ່ວນໃຫຍ່ຂອງເກາະແຫ່ງນີ້ ແມ່ນລວມຕົວກັນຢູ່ທາງພາກໃຕ້ເກືອບໝົດ ແຕ່ບ້ານ Bengkala ກໍຍັງສາມາດເຂົ້າເຖິງຜ່ານການໃຊ້ລົດ ແລະ ຖະໜົນສາຍຫຼັກ ທັງເໜືອ-ໃຕ້ ຂອງເກາະບາຫຼີໄດ້ຄືກັນ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/