ວັນທີ 20 ມັງກອນ ທີ່ຜ່ານມາ ໃນພິທີສາບານຕົນເຂົ້າຮັບຕຳແໜ່ງຂອງປະທານາທິບໍດີຂອງໂຈ ໄບເດັນ ແລະ ຄາມາລາ ແຮຣິສ ສຳນັກຂ່າວພາຍໃນສະຫະລັດອາເມຣິກາລາຍງານວ່າ ມີຈຳນວນຜູ້ຮັບຊົມຜ່ານໂທລະສັບສູງເຖິງ 39.87 ລ້ານຄົນໃນສະຫະລັດອາເມຣິກາ ເຊິ່ງຈຳນວນດັ່ງກ່າວໄດ້ເອົາຊະນະ ໂດໂນ ທຣຳ ທີ່ເຄີຍເຮັດໄວ້ເມື່ອປີ 2017 ກັບຍອດ 38.35 ລ້ານຄົນ.
ຕົວເລກນີ້ເປັນການຮວບຮວມຈາກການຖ່າຍທອດສົດຂອງສະຖານີໂທລະພາບທັງ 6 ຊ່ອງໃຫຍ່ ເລີ່ມດ້ວຍ CNN ທີ່ມີຍອດຜູ້ຮັບຊົມສູງສຸດຈາກທັງໝົດທີ່ 9.9 ພັນລ້ານ, ເຊິ່ງເປັນໄປຕາມຄາດເນື່ອງຈາກຖານຜູ້ຮັບຊົມສ່ວນໃຫຍ່ຂອງສະຖານີໄດ້ສະໜັບສະໜຸນພັກເດໂມແຄຣດ. ນອກຈາກນີ້ ທາງສະຖານີລະບຸວ່າ ນີ້ເປັນການຮັບຊົມພິທີສາບານຕົນຂອງສະຖານີທີ່ສູງທີ່ສຸດເທົ່າທີ່ເຄີຍຖ່າຍທອດສົດມາ.
ຕາມມາດ້ວຍອັນດັບ 2-6 ທີ່ຍັງເກາະກຸ່ມກັນ ບໍ່ວ່າຈະເປັນ ABC ທີ່ 7.66 ລ້ານຄົນ, NBC ທີ່ 6.89 ລ້ານຄົນ, MSNBC ທີ່ 6.53 ລ້ານຄົນ, CBS ທີ່ 6.07 ລ້ານຄົນ ແລະ Fox News ສະຖານີທີ່ຄອງໃຈຜູ້ສະໜັບສະໜຸນທຣຳໃນອັນດັບສຸດທ້າຍທີ່ຕົກມາຢູ່ທີ່ 2.74 ລ້ານຄົນ ເຊິ່ງຕ່າງຈາກປີທີ່ພິທີສາບານຕົນຂອງທຣຳໃນປີ 2017 ທີ່ສູງເຖິງ 11.76 ລ້ານຄົນ.
ສ່ວນງານຊ່ວງກາງຄືນຢ່າງ Celebrating America ທີ່ຖ່າຍທອດສົດຜ່ານທາງຊ່ອງ ABC, NBC ແລະ CBS ຄວາມຍາວປະມານ 1 ຊົ່ວໂມງເຄິ່ງກໍກວາດຈຳນວນຍອດຜູ້ຮັບຊົມລວມກັນສູງເຖິງ 10.56 ລ້ານຄົນ, ໂດຍໄດ້ກອງທັບຄົນດັງມາຮ່ວມສະແດງຄວາມຍິນດີ ຢ່າງ ທອມ ແຮງສ ນັກສະແດງຮໍລີວູດອັນດັບຕົ້ນໆທີ່ຕິດເຊື້ອໂຄວິດ-19 ມາເປັນຜູ້ດຳເນີນລາຍການ. ຕາມມາດ້ວຍການສະແດງຈາກ Foo Fighters, Justin Timberlake, Jon Bon Jovi ແລະ ອີກກວ່າ 4 ມາຮ່ວມດ້ວຍ.
ພາບ: POLITICO
ຂອບໃຈທີ່ມາ:
- https://www.yahoo.com/entertainment/biden-inauguration-captures-bigger-audience-214509876.html
- https://variety.com/…/tv-ratings-inauguration-special…/
