Elon Musk ໄດ້ປະກາດໃນ Twitter ວ່າ ຫຼັງວັນທີ 15 ເມສາເປັນຕົ້ນໄປ ຈະປັບໃຫ້ສະເພາະສະມາຊິກ Twitter Blue ເທົ່ານັ້ນ ທີ່ຈະປາກົດໃນຟີດ For you ເເລະ ໃຫ້ສິດທິສະເພາະສະມາຊິກໃນການລົງຄະເເນນເເບບສຳຫຼວດອີກດ້ວຍ.
ໂດຍສິ່ງທີ່ເກີດຂຶ້ນຫຼັງຈາກມີການປະກາດຂຶ້ນໃນ Twitter ບັນຊີທີ່ຜ່ານການຢືນຢັນເເບບເດີມຈະສູນເສຍເຄື່ອງໝາຍຖືກຕ້ອງສີຟ້ານັບຕັ້ງເເຕ່ວັນທີ 1 ເມສາເປັນຕົ້ນໄປ ຍົກເວັ້ນເເຕ່ວ່າພວກເຂົາຈະສະໝັກສະມາຊິກ Twitter Blue ເເບບຊໍາລະເງິນ.
Musk ອ້າງວ່າມັນເປັນການປົກປ້ອງ AI bots. ເນື່ອງຈາກໃນໄລຍະນີ້ Twitter ໄດ້ມີການປ່ຽນແປງຫຼາຍຢ່າງ ເເລະ ຍັງໄດ້ນຳເອົາເຄື່ອງໝາຍຖືກຕ້ອງສີຟ້າອອກອີກ, ການປ່ຽນແປງທັງສອງຄາດວ່າຈະຊຸກຍູ້ໃຫ້ຜູ້ໃຊ້ຫັນມາສະໝັກສະມາຊິກ Twitter Blue ຫຼາຍຂຶ້ນ. ສໍາລັບກໍລະນີຂອງຜູ້ໃຊ້ທີ່ບໍ່ໄດ້ສະໝັກສະມາຊິກ ຈະເຫັນສະເພາະໃນຟີດການຕິດຕາມ ຂອງຜູ້ໃຊ້ທີ່ທ່ານຕິດຕາມເທົ່ານັ້ນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
