ເຈ້ຍບັນທຶກເປັນສິ່ງໜຶ່ງທີ່ສຳຄັນສຳລັບການເຮັດວຽກບໍ່ວ່າຈະຢູ່ໃນຫ້ອງການ ຫຼື ຢູ່ເຮືອນ ເພື່ອໃຊ້ໄວ້ຈົດບັນທຶກເນື້ອຫາສຳຄັນ ຫຼື ສິ່ງທີ່ຢາກຢ້ຳເຕືອນ.
ແຕ່ຖ້າເຈ້ຍທີ່ວ່າມີປະໂຫຍດຫຼາຍກວ່າພຽງແຕ່ຈົດບັນທຶກ ຈົນສາມາດຮັບປະທານໄດ້ແບບເຂົ້າໜົມກໍຄົງຈະເຮັດໃຫ້ການຈົດວຽກ ຫຼື ບັນທຶກເປັນເລື່ອງທີ່ໜ້າສົນໃຈ ແລະ ມີຄວາມມ່ວນຫຼາຍຂຶ້ນ.
Kamihime ຫຼື ຈະແປແບບໜ້າຮັກໆກໍຄື ເຈ້ຍເຈົ້າຍິງ (Paper Princess) ເປັນເຈ້ຍທີ່ນອກຈະສາມາດຈົດບັນທຶກໄດ້ແລ້ວ ຍັງສາມາດຮັບປະທານໄດ້ ເປັນຜະລິດຕະພັນທີ່ຄິດຄົ້ນໂດຍບໍລິສັດ Ainz.
Kamihime ຖືກຜະລິດມາຈາກວັດຖຸເຫຼືອໃຊ້ຈາກຂະບວນການພິມ ສ່ວນວິທີການຜະລິດນັ້ນທາງບໍລິສັດໄດ້ປິດເປັນຄວາມລັບ, ເຊິ່ງທາງບໍລິສັດ Ainz ໄດ້ເປັນຫ່ວງວ່າຖ້າຫາກຜະລິດພຽງແຕ່ເຈ້ຍບັນທຶກທີ່ສາມາດກິນໄດ້ອອກມາ ຈະເຮັດໃຫ້ພະນັກງານ ຫຼື ຜູ້ທີ່ຈັບໄປກິນພົບກັບລົດຊາດທີ່ຈຶດ ຈຶ່ງໄດ້ຜະລິດບິກທີ່ມີຣົດກາເຟອອກມານຳ ເພື່ອເພີ່ມຣົດຊາດໃຫ້ແກ່ເຈ້ຍໂນດ.
ເຖິງຢ່າງໃດກໍຕາມ Kamihime ກໍຍັງຢູ່ໃນໄລຍະການທົດລອງ ແລະ ຜະລິດເພື່ອໂຄສະນາເທົ່ານັ້ນ ຍັງບໍ່ໄດ້ຜະລິດເພື່ອອອກມາເປັນສິນຄ້າເທື່່ອ ກໍຄົງຕ້ອງໄດ້ຖ້າກັນອີກຕໍ່ໄປ. ແຕ່ຖ້າມີການຜະລິດອອກມາແທ້ກໍອາດຈະຕ້ອງມີອີກຫຼາຍຮູບແບບສີສັນ ລວມທັງບິກທີ່ໃຊ້ຂຽນກໍອາດຈະບໍ່ໄດ້ມີແຕ່ຣົດກາເຟກໍເປັນໄດ້.
ແຫຼ່ງຂໍ້ມູນ:
- https://www.brandbuffet.in.th/2020/06/ainz-innovate-editable-notepad/
- https://www.facebook.com/TheDigitalTips/photos/a.1721246778189531/2823121231335408/
- https://youtu.be/H3sTeJAEhFc
ຕິດຕາມຂ່າວທັງໝົດຈາກ LaoX: https://laox.la/all-posts/
