ທະນາຄານລັດ ລະດັບແຖວໜ້າ 4 ແຫ່ງ ຂອງ ສປ ຈີນ ພິຈາລະນາ ອອກວົງເງິນກູ້ ຢ່າງໜ້ອຍ 8 ຕື້ໂດລາສະຫະລັດ ເພື່ອຈັດສັນ ໃຫ້ກັບ ໂຄງການ ອະສັງຫາລິມະຊັບ ທີ່ມີສິດ ໄດ້ຮັບການຊ່ວຍເຫຼືອ ຫຼັງຈາກ ລັດຖະບານຈີນ ຮຽກຮ້ອງໃຫ້ເພິີ່ມວົງເງິນກູ້ ເພື່ອສະໜັບສະໜູນຕະຫຼາດທີ່ຢູ່ອາໄສ ເຊິ່ງພວມປະເຊີນກັບວິກິດການໃນຂະນະນີ້.
ທະນາຄານ ກະສິກໍາ ແຫ່ງປະເທດຈີນ (Agricultural Bank of China) ໄດ້ອະນຸມັດເງິນກູ້ ຫຼາຍກວ່າ 40 ຕື້ຢວນ ສຳລັບໂຄງການອະສັງຫາລິມະຊັບ ໃນບັນຊີ White list ເຊິ່ງມີຊື່ຂອງ Country Garden Holdings ແລະ Sunac China Ho Holdings ລວມຢູ່ນຳ.
ຂະນະທີ່ ທະນາຄານ China Construction Bank Corp ຈັດສັນ ວົງເງິນ 3 ຕື້ຢວນ ໃຫ້ກັບໂຄງການ ອະສັງຫາລິມະຊັບ 5ໂຄງການ ໂດຍມີເງິນກູ້ ທີ່ໄດ້ຮັບ ຫຼາຍກວ່າ 20 ຕື້ຢວນ ແລະ ຍັງມີອີກຫຼາຍທະນາຄານ ທີ່ກຽມໃຫ້ການຊ່ວຍເຫຼືອ ດ້ານການເງິນ ສຳລັບບາງໂຄງການທີ່ກ່ຽວຂ້ອງກັບອະສັງຫາລິມະຊັບຕື່ມອີກ.
https://www.bnnbloomberg.ca/china-state-banks-earmark-over-8-billion-for-property-projects-1.2036374
ຕິດຕາມຂ່າວທັງໝົດຈາກ LaoX: https://laox.la/all-posts/
