ອາດຈະເປັນຂ່າວແຫ່ງປີຂອງສາວົກ Apple ເມື່ອສຳນັກຂ່າວຕ່າງປະເທດໄດ້ລາຍງານວ່າທາງ Apple ໄດ້ຢູ່ໃນການພັດທະນາແອັບພິເຄຊັນເຄື່ອງຄິດໄລ່ເລກສຳລັບ iPad ເປັນເທື່ອທຳອິດໃນ iPadOS 18 ຫຼັງຂາຍມາດົນນານນັບ 14 ປີ ທີ່ບໍ່ມີເຄື່ອງຄິດເລກ.
ໂດຍມີການຄາດການວ່າ ເຄື່ອງຄິດເລກນີ້ຈະມາພ້ອມກັບ iPadOS 18 ເຊິ່ງຈະເປີດຕົວໃນງານ WWDC ທີ່ຈະຈັດຂຶ້ນໃນວັນທີ 10 ມິຖຸນາ 2024 ນີ້ກ່ອນຈະເປີດໃຫ້ອັບເດດໄດ້ຢ່າງເປັນທາງການໃນ ເດືອນກັນຍາ 2024 ນີ້ ໂດຍທີ່ຜ່ານມາ iPad ບໍ່ເຄີຍມີເຄື່ອງຄິດເລກຕິດຕັ້ງມາຈາກໂຮງງານນັບຕັ້ງແຕ່ເປີດຕົວຮຸ່ນທີ 1 ຕັ້ງແຕ່ປີ 2011.
ແນ່ນອນວ່າຜູ້ໃຊ້ງານ iPad ສ່ວນໃຫຍ່ຕ້ອງອາໄສການດາວໂຫຼດແອັບເຄື່ອງຄິດເລກ ຈາກນັກພັດທະນາພາຍນອກດ້ວຕົວຂອງຕົນເອງ ຈາກການດາວໂຫຼດຜ່ານ App Store ເຊິ່ງມັນກໍສາມາດໃຊ້ງານໄດ້ປົກກະຕິ ແຕ່ຂໍ້ເສຍອັນຍິ່ງໃຫຍ່ມັນຄື ໂຄສະນາທີ່ລົບກວນການໃຊ້ງານນັ້ນເອງ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
